hósdagur 5. juli 2018síða 20

FRÍGGJADAGUR 6. JULI 2018 SOSIALURIN 76 20 - Hetta er enn ein søga í røðini um sjáldsamar eiturkoppar, nýggjar flugur og onnur smákykt, ið javnan eru at lesa og hoyra í fjølmiðlunum, tá ið tað gerst lýggjari í veðrinum. HALLUR AV RANA HALLUR@SOSIALURIN.FO T órshavnar kommuna tók í síðstu viku tað óvan­liga stigið at kunna sínar borgarar gjøgn­um heimasíðuna um nakr­ ar nýggjar flugur, ið høvdu gjørt innrás í høvuðsstaðnum. Reyð­ beintar flugur hava eftir øllum verið til so stóran ampa hjá havn­ ar­fólkum, at fleiri borgarar hava vent sær til kommununa fyri at boða frá hesum. Tær vístu seg tó ikki at vera vanda­miklar, men er hetta enn ein søga í røðini um sjáldsamar eitur­koppar, nýggjar flugur og onn­ur smákykt, ið javnan eru at lesa og hoyra í fjølmiðlunum, tá ið tað gerst lýggjari í veðrinum. Neyvan er tað nakar, ið veit meira um smákykt og líknandi ver­ur enn nólsoyingurin Jens Kjeld-Jensen, ið á heimasíðu síni jenskjeld.info, hevur eitt hav av myndum og tekstum um forvitnislig smákykt, ið før­oy­ ing­ar finna í náttúruni. Her eru nakrar av myndunum hjá honum. Fremmandir í Norðanlondum Eiturkoppurin á myndini, ið á latínskum eitur Larinioides ixobolus, var ein av tveimum eiturkoppum, ið blivu fangaðir í einum bili 19. november 2016. Talan er um ein fremmandan gest, tí ikki bara er eiturkoppurin fremmandur í Føroyum, men er hetta slagi av eiturkoppi ikki kent í Norðanlondum. Sambært heimasíðuni hjá Jens Kjeld- Jensen er eiturkoppurin vanliga at finna í Týsklandi, Eysturevropa og yvir móti USA. Bilurin, ið eiturkopparnir vóru í, kom úr Ungarn, og er tað helst eisini haðani, at teir báðir eitur­ kopparnir eru komnir til Føroyar, upplýsir Jens Kjeld-Jensen. Drotning kom á vitjan Tað eru nógv ár síðan, at vespur gjørdu innrás í Føroyum, og eru tær vorðnar so mikið vanligar nú, at tær eru blivnar ein partur av føroyska summarinum. Jens Kjeld-Jensen tók mynd av hesi drotningini, ið kom inn um dyrnar hjá honum 29. mars í ár. TAÐ ÝÐUR V SMÁKYKT