mánadagur 9. juli 2018síða 16

Mánadagur 9. juli 2018 · Nr. 77 16 Sosialurin Hugskot og viðmerkingar – send sms til 225000 STEÐGURIN BAR NÝGGJAR MØGULEIKAR VIÐ SÆR Við fyrsta sigrinum í hálva øld syrgdi Árnfirðingur fyri, at FM spenningurin er varðveittur millum 8-mannaførini, og millum 10-mannaførini er hann varðveittur, tí Klaksvíkingur vann fyri fyrstu ferð í ár, og tí favoritturin Ormurin Langi endaði á triðja plássi KAPPRÓÐUR Jóannes Hansen Í Fuglafirði hildu tey varma­keldu­ stevnu hetta vikuskiftið. Í ár var tað tó ikki FM kappróður í Fugla­ firði, har umstøðurnar annars eru av teimum bestu at kapprógva. So­leiðis var tað eisini leygardagin, men tað var ikki FM kappróður, tí skipanin sigur, at tað maka ár er kappróður á eystanstevnu á Skálafjørðinum og stak ár er kapp­ róður í Fuglafirði. Leygardagin var kappróður á fjarða­stevnu í Vestmanna, sum eigur róðurin annaðhvørt ár, meðan Skála og Strendur eiga róður­in fjórða hvørt ár. Nú tað resta tvær kappingar – á vestanstevnu í Sandavági leygar­ dagin og so á ólavsøku – eru tað fram­vegis fýra manningar, sum hava vunnið allar fimm róðrarnar og tískil hava fult stigatal. Tað eru genturnar á Firvaldi í barna­ róðrinum, kvinnurnar á Erlu Kongs­dóttir, kvinnurnar á Søl­ mundi og menninir á Páll Fanga. Allir hesir bátarnir vunnu aftur leygardagin. Stóru FM favorittarnir Kvinnurnar á Sølmundi hjá Kapp­róðrar­felagnum NSÍ eru suverenasta manningin av øllum, um tað bæði verður roknað við gongd­ini í róðrunum og tíðar­muni­ num millum fremsta bátin og tann næsta. Í kappingini millum 6-manna­ førini við kvinnum sprakk Søl­ mund­ur avstað, og síðani var ongan­tíð spurningur um, at hann fór at vinna, men heldur um hvussu triva­lig leiðslan fór at verða. Í barnaróðrinum fyri gentur var Firvaldur av Tvøroyri fremstur fyri fimtu ferð. Kappingin var øgiliga stór. Tað var Knúkur, báturin hjá nýggja róðrarfelagnum í Eystur­ kommunu, sum bjóðaði av. Teir lógu leingi borð um borð, og Knúkur var onkra løtu undan, men á málinum vóru tað enn einaferð tær hjá Froðbiar sóknar Róðrar­ felag, sum vóru fremstar. Sigrarnir hjá monnunum á 6-mannafarinum Páll Fanga og kvinnu­num á 5-mannafarinum Erlu Kongsdóttir vóru ikki so ólíkir soleiðis at skilja, at á fyrra parti­ num av teininum vóru av­bjóðar­ar­ nir so mikið næskir, at tað kendist møguleiki vera fyri nýggjum vinnara. Men tá ið málið var hálv­ rógvið, myndaðist tað soleiðis, sum tað hevur gjørt allar tær undanfarnu ferðirnar í summar. Gongurólvur hjá Havnar Róðrarfelag var væl upplagdur á fyrra partinum av teininum, tá ið hann í løtum var undan Páll Fanga. So skrædnaði og seinna partin av teininum var tað leyst millum tveir teir fremstu og eisini allar hinar. Undarligt og ivaleyst samstundis lætt at skilja, at tað var so stórur munur frá Páll Fanga og aftur til Gongurólv og frá Gongurólvi og aftur til Rádna, og frá Rádna og aftur til Lóm og frá Lómi og aftur til Hósvíking. Bæði Jallurin hjá Róðrar­ felag­num Knørri og Sílið hjá Havnar Róðrarfelag bjóðaðu Erlu Kongsdóttir av á fyrra partinum av teininum. Jallurin misti so, men Sílið royndist so mikið væl, at tað var fremst, inntil tað restaðu tvey hundrað metrar, og eina løtu var Erla Kongsdóttir eina heila bátslongd aftanfyri Sílið. Bæði í hesum róðrinum og fleiri av hinum tóktist tað muna væl, at tað ikki var heilt slætt, og at bátar­ nir megnaðu so ymiskt at gagn­nýta renningarnar. Tó var einki at ivast í, at tá ið tað galt um, so vóru tað førleikarnir hjá teimum á Erlu Kongsdóttir, sum vóru avgerandi. Erla rann at enda frá Sílinum, og á málinum var sigurin so mikið trilvaligur, at tað var leyst millum bátarnar. Størsti spenningurin Tað eru manningar hjá Havnar Róðrarfelag og Róðrarfelagnum Knørri, sum mynda oddin í kapp­ ingini millum 5-mannafør við dreingjum. Drekin vann tvær tær fyrstu kappingarnar – á norð­oya­ stevnu og sundalagsstevnu – so vann Jallurin á eystanstevnu, Sílið vann á jóansøku, og drekastevnið á Síli­num var aftur fyrst um málið, tá ið tað leygardagin varð kappast í Vestmanna. Dramatikkurin var stórur. Jallurin var fremstur fyrsta part­ in av teininum. So bjóðaðu bæði Drekin og Sílið av. Áðrenn tað varð farið undir endaspurtin misti Drekin, og inntil tað restaðu minni enn hálvthundrað metrar var Jallurin fremstur. So munaðu tøk­ ini hjá Sílinum best. Sigurin hjá Sílinum ber við sær, at tað nú er púra opið í FM kapp­ing­ ini. Jallurin hevur 30 stig, og Sílið og Drekin hava 29 stig. Falkur úr Hósvík vann kapp­ ing­ina millum 5-mannafør við gent­um á jóansøku. Falkur legði best fyri í Vestmanna, og Falkur var fremstur, inntil tað restaðu um­leið 200 metrar. Tambar fekk ikki so góðan start, men seinna partin av teininum og serliga í enda­spurtinum var Tambar øgiliga sann­førandi og vann tryggan sigur. Leingi tóktist tað sum um, at leygardagurin fór at verða dagurin, tá ið Blikur av Argjum skuldi detta heilt burtur ímillum. Soleiðis endaði tað ikki, tí Blikur var dyggur í endaspurtinum, tá ið tað var um reppið, at hann tók Falkin. Tað eydn­aðist ikki, men triðja plássið ber við sær, at Blikur framvegis er við í FM kappingini. FM stríðið er millum Tambar og Blik, sum eru stavn um stavn í stigum. Falkur og Drekin eru stavn um stavn í kappingini um bronsukrónurnar. Avrikini leygar­ dagin vístu, at serliga Falkur kann Fjarðastevna: