mánadagur 9. juli 2018síða 17

17 Mánadagur 6. januar 2014 · Nr. 2 Sosialurin Mánadagur 9. juli 2018 · Nr. 77 Hugskot og viðmerkingar – send sms til 225000 verða við til at gera av, hvussu tað verður við FM heitinum. Óførur dagur hjá klaksvíkingum At favoritturin Páll Fangi við monn­ um fór at vinna kappingina millum 6-mannaførini kom ikki óvart á. Meiri óvart var tað, at Fípan Fagra úr Klaksvík við dreingjum vann barnakappingina, sum Fisk­ urin úr Vági frammandan hevði fult stigatal í. Á jóansøku í Vági var Fiskurin tvey sekund undan klaks­víksdreingjum, sum nú vóru fremstir allan teinin og vunnu tvey sekund undan vágsdreingjum. Á jóansøku vóru ábendingar um, at 10-mannafarið Ormurin Langi ikki fór at vinna allar róðrar­nar uttan svørðssløg, tí tá var Klaks­vík­ ingur fremstur, inntil tað restaðu eitt ella tvey tøk. Eftir fyrireikingar í fjúrtan dagar síðani jóansøku vísti Klaks­ vík­ingur seg at vera framúr væl upp­lagdur í Vestmanna, har hann vann. Tá ið Ormurin Langi sam­ stundis ikki hevði ein av sínum bestu døgum og endaði á triðja plássi, er kappingin um FM heitið opnari nú, enn hon higartil hevur kenst at vera. Serliga tí avrikið hjá Suður­oyingi í Vestmanna vísti, at hann heilt víst verður við í kapp­ ing­ini um sigurin í Sandavági leygar­dagin. Starturin hjá Klaksvíkingi var góður, og hjá Orminum Langa var hann avgjørt ikki vánaligur. Men meðan Klaksvíkingur stakk seg framum allar hinar, so misti Orm­ urin Langi meiri enn eina báts­ longd. Stóran part av teininum var Havnar­báturin heilt væl við, men í enda­spurtinum datt hann aftur á fjórða plássið, tá ið Ormurin Langi loksins fótaði sær. Burtursæð frá Drekanum Reyða, sum als ikki megnaði at halda tørn, so var Ormurin Langi tann, ið mesta partin av teininum hevði størstu trupulleikarnar at avrika í um­støðunum, sum vóru øðrvísi, enn tær hava verið, tí tað vóru so nógvar renningar. Endaspurturin hjá Suðuroyingi var øgiligur, og tí var Klaksvíkingur, sum annars hevði vunnið sær leiðslu, ið var tað mesta av einari bátslongd, bara lítlan skut undan, tá ið bátarnir fóru um málið. Sigurssælan vísti seg at vera søt og stór umborð á hvíta bátinum, meðan favorittarnir á Orminum Langa sóust í sjáldsamari støðu, tá ið teir vónbrotnir og troyttir hingu niður á árarnar. Tað er lagt upp til sera spenn­ andi kapping leygardagin í Sanda­ vági. Árnafjørður aftur á róðrarkortið Tað var tann tíð, tá ið 8-mannafarið Árnfirðingur í seksti árunum gjørdi um seg og vann nógvar sigrar og fleiri FM heiti. Eftir ólavsøksigurin í 1968 og sigur í serstaka FM róðri­ num eftir ólavsøku hetta sama árið varð hann ikki flotaður árið eftir, og síðani hevur tað verið lítið at sæð til Árnfirðing. Tað er framvegis Árnfjarðar Róðrar­felag, sum eigur bátin og fær stuðlar til vega. Manningin í ár er úr høvuðsstaðnum, har grøni bátur­in sæst venja. Í undanfarnu kappingum hevur tað ikki eydnast Árnfirðingi at gera nakað við suverena Argjabátin, men leygardagin eydnaðist tað, og harvið vann Árnfirðingur fyri fyrstu ferð í eina hálva øld. Tað fegnast tey í Árnafirði nógv um saman við manningini í høvuðs­staðnum. Árnfirðingur vann seg beinan­ veg­in framum, og burtursæð frá eina lítla løtu tíðliga í róðrinum, tá ið Argjabáturin stakk seg framum, so var Árnfirðingur undan. At hann megnaði at vinna seg eina stóra hálva bátslongd framum, áðrenn tað varð farið undir endaspurtin, vísti seg at vera ov stórur biti hjá Argja­bátinum at taka aftur, hóast argja­menn royndu í einari síðstu atsókn, sum miseydnaðist. KAPPRÓÐUR 10-mannafør 1 Klaksvíkingur 04.32.25  2 Suðuroyingur 04.33.15 3 Ormurin Langi 04.36.06 4 Havnarbáturin 04.38.11 5 Drekin Reyði 04.50.02   FM støðan 1 Ormurin Langi 33 2 Klaksvíkingur 30 3 Suðuroyingur 27 8-mannafør 1 Árnfirðingur 04.51.37 2 Argjabáturin 04.52.41 3 Nevið Reyða 05.05.36   FM støðan 1 Argjabáturin 34 2 Árnfirðingur 31 3 Ørvur 15 4 Nevið Reyða 10 6-mannafør kvinnur 1 Sølmundur 05.14.20 2 Páll Fangi 05.21.28 3 Smyril 05.22.35 4 Skúgvur 05.44.01   FM støðan 1 Sølmundur 35 2 Páll Fangi 28 3 Smyril 27 6-mannafør menn 1 Páll Fangi 04.59.36 2 Gongurólvur 05.04.42 3 Rádni 05.09.24 4 Lómur 05.14.30 5 Hósvíkingur 05.23.21   FM støðan 1 Páll Fangi 35 2 Gongurólvur 29 3 Rádni 26 5-mannafør kvinnur 1 Erla Kongsdóttir 05.25.37 2 Silið 05.28.05 3 Jallurin 05.35.28 4 Teistin 05.41.36 5 Blikur 05.56.20   FM støðan 1 Erla Kongsdóttir 35 2 Sílið 30 3 Jallurin 24 5-mannafør gentur 1 Tambar 05.29.16 2 Falkur 05.31.27 3 Blikur 05.31.40 4 Báran 05.33.35 5 Drekin 05.33.48 6 Sílið 05.39.02 7 Frúgvin 05.40.48 8 Beinta 05.45.11 9 Kollur 05.59.19 10 Fenja 06.00.14 11 Knúkur 06.03.02 12 Stubbin 06.15.25   FM støðan 1 Tambar 30 1 Blikur 30 3 Falkur 21 3 Drekin 21 5-mannafør dreingir 1 Sílið 05.09.41 2 Jallurin 05.10.27 3 Drekin 05.12.39 4 Royndin Fríða 05.15.08 5 Firvaldur 05.19.43 6 Silja 05.21.16 7 Ørnin 05.25.21 8 Ingibjørg 05.25.40 9 Tjaldrið 05.28.12 10 Heykur 05.31.21 11 Havfrúgvin 05.34.15   FM støðan 1 Jallurin 30 2 Sílið 29 2 Drekin 29 Barnaróður gentur 1 Firvaldur 02.43.25 2 Knúkur 02.44.27 3 Frúgvin 02.46.12 4 Ørnin 02.47.40 5 Havørnin 02.52.16 6 Hulda 02.53.07 7 Ingibjørg 02.58.12   FM støðan 1 Firvaldur 35 2 Ørnin 24 3 Knúkur 23 Barnaróður dreingir 1 Fípan Fagra 02.38.10 2 Fiskurn 02.40.15 3 Heykur 02-40.38 4 Svalan 02.41.02 5 Ternan 02.44.19 6 Pílur 02.46.39 7 Spógvin 02.50.01 8 Knúkur 02.51.01   FM støðan 1 Fiskurin 34 2 Fípan Fagra 27 3 Heykur 25 Úrslit og støður