hósdagur 12. juli 2018síða 6

FRÍGGJADAGUR 13. JULI 2018 SOSIALURIN 79 6 PÆTUR HJALMAR EVENSSON H avnargentan Laila Midjord hevur saman við fýra øðrum ment tólið “DrinkSaver”, sum skal fáa fólk at stoyta minni. Hetta skal bæði gera festivalupplivingina og gerandis­dagin hjá fólki við rørslu­trupul­leikum lættari. DrinkSaver er ein rundur plastlutur, sum kann leggjast niður í koppar og drekki­íløt annars og er sniðgivið við einum holi í miðjuni. Hetta mink­ar munandi um vandan fyri at stoyta, samstundis sum heildar­upp­livingin av at drekka drykkin er tann sama. - Um vit hoppa og dansa, so endar tað við, at vit ikki bara stoyta á okkum sjálvi, men eisini á tey fólkini, sum standa við síðuna av okkum. Tann trupulleikan vildu vit loysa, tí er tað, vit hava sniðgivið Drink­Saver, sigur Laila Midjord. Tólið ger tað, at um mann ristir kopp­in ella glasið, verður vætan førd niður í aftur koppin sum eitt slag av blokering. Laila Midjord og hini aftan fyri DrinkSaver lesa á øðrum semestri á Design og Innovation á Det Tekniske Universitet (DTU) í Lyngby í Danmark. Nógv jaligt uppmerksemi á Roskilde Festivalinum Det Tekniske Universitet hevur síðan 2010 samstarvað við Roskilde Festi­valin, sum gevur útvaldum les­andi møguleika at testa sítt pro­dukt á festivalinum. Tað eitur Powered by DTU students, sum í ár var ein stórur platformur, ið hýsti 19 bólkum við 19 produktum; har í millum DrinkSaver. Tað var her, navnframi Tommy Ahlers og stjórin í Carlsberg løgdu leiðina framvið básinum hjá DrinkSaver. Carlsberg stjórin, Flemm­ing Besenbacher, var sam­ bært Lailu Midjord øgiliga hug­ tikin, so hann gav teimum sítt visit­kort og bað tey ringja til sín, tí hann sá møguleikar í einum kom­ andi samstarvi. - So kom Tommy Ahlers yvir og segði, at um vit ikki høvdu søkt inn í “Løvens Hule”, so var tað tíð uppá at gera tað nú, tí tey fóru at gera nýggjar sendingar. Hann sá nógv potentiali í DrinkSaver, so tað var gott respons, sigur Laila Midjord. Tommy Ahlers er kendur sum ein av dómarunum og íleggjar­un­ um í DR1 hitt-sendirøðini “Løvens Hule”. Hetta er ein sendirøð, har íverk­setarar leggja sítt produkt fram við vón um eina íløgu frá dómar­unum. Um hann ella hinir dómar­arnir eru áhugaðir, so semj­ ast partarnir um eitt samstarv. - Tað er ein “once-in-a-life-time” møgu­leiki, tí mann fer bara eina ferð í Løvens Hule, so um vit fara, so skal alt vera í ordan, greiðir Laila Mid­jord frá, sum ikki væntar, tey fara at melda seg til enn. Umframt hesar risarnar í danska vinnulívinum var sjón­ varps­rásin TV2 Lorry eisini áhugað í DrinkSaver. Tey vóru skjót at spyrja um eina samrøðu við Lailu og umboð úr bólkinum. - Vit vóru í einum interviewi við TV2 Lorry, har vit tosaðu við nakrar koyristólsbrúkarar, og tey vóru øgiliga glað fyri produktið. Tann eini koyristólsbrúkarin segði, at hetta var fyrsta árið nakrantíð á festivali, har hann ikki hevur stoytt, greiðir Laila Midjord frá. Byrjaði sum skúlaverkætlan um rørslutarn DrinkSaver bleiv til á fyrsta semestri á skúlanum, tá bólkurin fekk til uppgávu at menna eitt produkt, sum skuldi vera til gagns fyri fólk við rørslutarni á festi­ valum. Hini í bólkinum eru Lars Lohmann, Casper Nørland, Astrid Andersen og Oscar Burbandt. - Tað at stoyta er ikki bara ein trupul­leiki, tá mann er til konsertir og festivalar. Tað er fyri nógv fólk ein gerandistrupulleiki, t.d. hjá fólki, sum hava Parkinson, sita í koyri­stóli ella hjá eldri fólki, sum hava ringt við at halda einum koppi stillum, sigur Laila Midjord. Undirvísarunum dámdi UPPFINNING HJÁ LAILU VEKIR ANS Tað byrjaði sum ein skúla­verk­ætlan hjá Lailu Midjord og bólki hennara. Nú hava bæði Carls­berg stjórin, Flemming Besen­bacher, og kendi íverksetin úr DR1 røðini, Løvens Hule, Tommy Ahlers sýnt teirra vøru áhuga Laila Midjord: PERSÓNSSØGA: Laila Midjord