mánadagur 16. juli 2018síða 14

Mánadagur 16. juli 2018 · Nr. 80 14 Sosialurin Hugskot og viðmerkingar – send sms til 225000 Pætur Albinus 12 sjálvmál vórðu gjørd í HM- endaspælinum hesaferð, og tað er so ruddiliga nýtt met. Gamla metið stavar frá 1998, tá ið seks sjálvmál vórðu gjørd, so sigast kann, at metið varð tvífaldað hesaferð. Metið varð longu sett í bólkaspælinum, tá ið Edson Álvarez hjá Meksiko gjørdi sjálvmál ímóti Svøríki. Hetta var sjeynda sjálvmálið í HM, og náddi talið altso at veksa heilt upp á 12. Teir, sum hava gjørt sjálvmál í HM í ár, eru: Edson Álvarez, Aziz Behich, Aziz Bouhaddouz, Denis Cheryshev, Thiago Cionek, Oghenekaro Etebo, Ahmed Fathy, Fernandin­ho, Sergei Ignashevic, Mario Mandzukic, Yassini Meriah og Yann Sommer. Fimm ferðir Márquez 39 ára gamli verjuleikarin hjá Meksiko, Rafael Márquez, hevur nú spælt við í fimm HM-endaspølum (2002, 2006, 2010, 2014, 2018). Hann er einans tann fjórði leikarin, ið hevur rokkið hesum metinum. Hinir eru Lothar Matthäus (Týskland), Gianluigi Buffon (Italia) og Antonio Carbajal (Meksiko). Eitt met eigur Rafael Márquez tó einsamallur, og tað er, at hann er einasti leikari í heiminum, ið hevur havt liðskiparabandið í fimm HM-endaspølum. Skjótasa gula Jesus Gallardo hjá Meksiko fekk í bólkadystinum ímóti Svøríki gult kort eftir bara 15 sekundum. Hetta var skjótasta gula kortið í HM- søguni. Hann takklaði Ola Toivonen harðliga, og Néstor Pitana, ið seinni eisini dømdi HM- finaluna, gav honum gult kort alt fyri eitt. Gamla metið átti russiski Sergey Gorlukovich, sum fekk gult kort í HM í 1994 eftir 54 sekund. FÓTBÓLTUR HM í tølum: ÓVANLIGA NÓGV SJÁLVMÁL Ikki færri enn 12 sjálvmál vórðu gjørd í HM-endaspælinum hesaferð, og tað er væl og virðliga nýtt met. Í hesum HM sóu vit eisini skjótasta gula kortið í HM-søguni Alireza Feghani úr Iran var besti dómarin í HM Néstor Pitana hevur júst givið skjótasta gula kortið í HM-søguni