hósdagur 19. juli 2018síða 17

FRÍGGJADAGUR 20. JULI 2018 SOSIALURIN 82 17 Florence + the Machine High As Hope Enska Florence Welsh skapar spennandi og dramat­ iskan tónleik, og hóast hennara fjórða út­gáva kanska ikki er eins uppblást sum aðrar, leggur hon framvegis nógv fyri í sín­um úttrykki. Sangirnir eru hug­tak­andi, og hon leggur lív og sál í tulkingarnar. Á hesari út­ gávuni kanst tú bæði upp­liva stórfingnan tónleik, høgt flog og friðarligar løtur. Billy Joel 52ND STREET Tónleikurin gevur tær stórbýarkenslu, tú sært ljósini á Manhattan, tú merkir orkuna millum tónleikarnar í upptøkuhølunum á 52nd Street í New York, og tú verður drigin við av teimum framúr góðu sangunum. Hetta var sætta útgávan hjá Billy Joel, og hon endaði ovast á amerikanska hitlistanum í 1978 og vann tvær Grammy heiðurslønir. Tvey av størstu hittunum hjá Billy Joel, »Honesty« og »My Life«, eru á hesari útgávuni, sum eisini bjóðar aðrar sterkar sangir. The Wellgreen Grin And Bear It Ádú, sum hetta er ein herlig útgáva. Glasgow- bólkurin The Wellgreen fær íbástur úr sekstiárunum, og hendan íblástur brúka teir til at skapa framúr góðan tónleik, sum ljóðar bæði nýggjur og nostalgiskur. Slóðirnar aftur í popputu sekstiárini eru mark­ antar, og gevur tú sangunum »Ants« og »Summ­er Rain« ein kjans, ert tú seldur og hevur hug at hoyra meira. Lady Gaga Joanne Lady Gaga fekk gjøgnumbrot við glitrandi popp­ fram­leiðslu og sangum sum »Poker Face« og og »Just Dance«, men Lady Gaga er nógv meira enn bert ein fram­leidd poppstjørna. Hon er ein framúr góður sang­ari, og tað hevur hon víst alt meira seinnu árini, tá ið framleiðslurnar ikki hava verið so popp­ut og fyltar. Hendan útgáv­an, sum er frá 2016, gev­ur nevniliga røddini hjá Lady Gaga pláss, og hó­ast sølan ikki var tann besta, fekk útgávan sera góð ummæli og er verd meira enn eitt lurt. Hamferð Támsins Likam Tungmálmsbólkurin Hamferð skapar nýskapandi tónleik, og í ár vórðu teir á øðr­um sinni tilnevndir til tón­leika­virðislønina hjá Norð­ur­landaráðnum. »Táms­ins Likam« er tungur rock­tón­leikur, sum kann vera krevj­andi at lurta eftir, men í teim­um seks sangunum er ein søgugongd, sum er verd ein kjans. Hetta er ný­ skap­andi tónleikur, sum kann geva tær ein góða uppliving, um tú ert opin og forvitin. Fairfield Parlour FROM HOME TO HOME Í 1970 gav bólkurin Farfield Parlour, sum onkur skifti eisini spældi und­ir nøvnum sum Kaleidoscope, The Key og I Luv Wight, út plátuna »From Home To Home«. Sangarin Peter Daltrey og gittarspælarin Eddy Pumer skrivaðu sangirnar, sum stundum eru søtir og melodiøsir og stundum progressivir og alternativir. Tað er psykadeliskur dámur yvir tónleiki og orðum, men á nógvum skeringum sita sangirnir popput væl. Tann nýggja Tann klassiska Tann ókenda Tann sterka Tann avbjóð­ andi Tann gloymda