mánadagur 23. juli 2018síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 23. juli 2018 · Nr. 83 TÓRSFEST: Mike Craft er sangarin úr Smokie, og hann gleddi seg nógv at sleppa at spæla á Tórsfest. Smokie hava spælt í Føroyum fleiri ferðir, og tað er líka stuttligt at koma til Føroya hvørja ferð, sambært Mike Craft. - Hvørja ferð Føroyar kemur á okkara lista, hugsa vit “Fantastiskt! Vit sleppa aftur til Føroya!”, sigur Smokie frontmaðurin. Smokie eru úr Englandi, og teir komu úr Danmark leygarmorgunin. Teir spældu í Svøríki kvøldið fyri. Mike Craft fortelur, at sum tónleikari mást tú ferðast nógv. Tá mann fer frá konsert til konsert og frá landi til land, krevur tað rættiliga nógv av einum. - Vit fara til floghavnina og so til hotellið, so spæla vit konsert, og so fara vit aftur á hotellið… og so aftur á floghavnina. Soleiðis koyrir tað runt allatíðina. Hatta er lívið sum tónleikari á ferð. Tað kann blíva eitt sindur hart til tíðir, men vit eru bara heldigir, at vit hava eitt arbeiði. Smokie hava spælt saman í nógv ár, so teir eru allir góðir vinmenn og hava tað gott við hvørjum øðrum. - Fólk spyrja okkum, hvat okkara loyndarmál er, men vit hava ikki ordiliga eitt loyndarmál. Vit finna bara væl útav tí við hvørjum øðrum og elska tað, vit gera, sigur Smokie sangarin. Mike Craft lovaði undan konsertini, at áskoðararnir kundu vænta eitt festligt og lívligt show. Hann segði, at teir fóru at spæla alt tað, vit fyrr hava hoyrt í útvarpinum í Føroyum. Hetta sást eisini aftur til konsertina, tí tað var veruliga ein framførsla, sum fangaði áskoðararnar. Teir vóru til staðar, høvdu tað stuttligt og spældu øll síni hitts umframt klassisk coverløg, og tað riggaði einastandi væl.