mánadagur 23. juli 2018síða 14

Mánadagur 23. juli 2018 · Nr. 83 14 Sosialurin Hugskot og viðmerkingar – send sms til 225000 Pætur Albinus Í ár var tað 20. ferð, at skipað varð fyri stóru árligu føroysku súkklu­ kapp­ingini, Kring Føroyar. Áleið 30 súkklarar royndu seg í kappingini, sum var býtt út á fimm teinar við 100 kilometrum um dagin. Eisini kvinnur og motiónistar vóru við í kapp­ingini á styttri teinum. Hjá monnunum var fimmfaldaði meistarin, Torkil Veyhe, ikki við vegna fyrireikingar til kappingar uttan­lands, og hetta gloppaði dyrnar fyri at ein nýggjur vinnari varð funnin. Vinnari gjørdist Helgi Winter Olsen, sum annars er best kendur innan fjallasúkkling. Fjallasúkklarin Helgi Winther Olsen telist mill­um bestu fjallasúkklararnar í konga­ ríki­num, men hann hevur ætlanir um at sleppa við á landsliðið í landa­vegsúkkling. Sigast má, at hann gjørdi góða reklamu fyri seg sjálvan, tí hann vann Kring Føroyar í sann­førandi stíli. Sigurin hjá Helga kom í stóran mun í hús á Sandoynni, har ein av favorittunum, Dávur Magnussen, hevði tað trupult í sera vánaliga veðrinum. Dávur misti nógva tíð og var somikið kaldur og illa fyri, tá ið hann kom um málstrikuna, at hann mátti hjálpast av súkkluni. Helgi sigur, at hann royndi at fáa kappingina at líkjast einari fjalla­súkklukapping, og hann dýkti á og royndi at spjaða feltið fyri at fáa súkklarar at stríðast ein og ein. - Sum heild var eg sterkari í brekkunum og brúkti hetta til mín fyrimun. Serliga í Suðri, har eg aftur fekk tíðandi mun til hinar. Og so var bara um at bíta saman og royna at sita við, tá ser­liga Dávur Magnussen setti øði­liga ferð á sløttum hvørja ferð hann hevði møguleikan. Hann er ein framúr sterkur súkklari og tekur seg støðugt fram. Eg vænti, at hann hevur nakað heilt gott framman­ fyri sær, og gleðist yvir at hava klárað at argað hann eina løtu nú, sigur Helgi. Helgi er ímillum bestu fjalla­ súkklar­ar í Danmark. Herfyri gjørd­ist hann nummar 19 í DM, og hetta var fjórðu ferð at hann er í topp 20. Hann kappast eisini kring heim­in. Helgi ásannar, at hann ikki so frætt sum eigur eina kappsúkklu at súkkla við á landavegunum, men at hann nú møguliga ætlar at keypa sær eina. Lesið nærri um ta søgu­ na í “5 skjótir” á næstaftastu síðu í blaðnum. Hjá kvinnunum var tað tann bara 13 ára gamla Gullborg Gutte­ sen, sum gjørdi reint borð og vann allar fimm teinarnar í kappingini. Gull­borg er dóttir kenda fyrr­ver­ andi súkklaran, Christian Gutte­sen. Hon súkklar dagliga í Dan­mark, har hon er ímillum tær allar­bestu í sínum árgangi í øllum landi­num. Væl nøgdur Gunnar Dahl-Olsen, sum sjálvur bleiv nummar trý í kappingini, men eisini var ein av fyriskiparunum, er væl nøgdur við hvussu kappingin spældi av. - Hetta vóru fimm góðir dagar við føroyskum veðri – ódn onkran dag og sól onkran dag. Alt í alt eru fólk glað, og øll komu heilskapað á mál. Ein datt á veg oman ímóti Vága­tunnlinum, men reistist aftur og kom á mál, sigur Gunnar og leggur afturat, at tað við óhapp­um ikki hevur verið meira at skriva heim um enn nakrar fáar punkt­ er­ing­ar. Hópurin av súkklarum var fjøl­ broyttur. Umframt royndu kapp­ ingar­súkklararnar, so vóru eisini motiónistar við frá útlondum og frá Team Rynkeby. Eina dagin var eisini luttøka frá fulltíðar triathleti­num, Malcolm King úr Ný Sælandi, sum tilvildarliga var í Før­ oyum og hoyrdi um kappingina. Gunnar Dahl- Olsen er errin av, at tað hevur eydnast lítlu Føroyum at uppala stinnar súkklarar sum Helga Winter Olsen og Dáva M a g n u s ­s e n . Tað er eyðsæð, at Gunn­ar sær bjart upp á framtíðina og fram ímóti oyggjaleikunum á Gibral­t­ar næsta ár. albinus@sosialurin.fo SÚKKLING Kring Føroyar: FJALLASÚKKLARI VANN Á LANDA­ VEGNUM Stinni fjallasúkklarin, Helgi Winter Olsen, eigur ikki nakra kappsúkklu til endamálið, men hóast tað smurdi hann alla mótstøðu av í 20. útgávuni av stóru føroysku súkklukappingini á landavegi, Kring Føroyar. Gunnar Dahl-Olsen, ein av fyriskiparunum, fegnast um støðið í kappingini og at fá óhapp vóru F.v. Gullborg Guttesen og Maria Svabo Hansen Vinnarar-kvinnur: