týsdagur 24. juli 2018síða 20

Mikudagur 25. juli 2018 · Nr. 84 20 Sosialurin Hugskot og viðmerkingar – send sms til 225000 FÓTBÓLTUR B36 vil gjarna halda fast í framrættaða spælistílinum, men tað verður ringt móti turkiska stórfelagnum, Besiktas. – Stuttligt um vit kláraðu at halda lív í uppgerðini, sigur Jákup á Borg Tróndur Arge Hóskvøldið klokkan 19 skal b36 spæla móti Besiktas í 2. undan­um­ farinum í Europa League. Turkiska stórfelagið kemur til landið miku­ dagin við privat-flogfari, men tað er líkt til, at onkrar av stjørnunum ikki eru við. Europa meistararnir úr Portugal, Ricardo Quaresma og Pepe, eru júst byrjaðir at venja. Tað sigst, at tað er ein lítil møguleiki fyri, at Ricardo Quaresma er við. Formaðurin í B36, Rúni Herup Ol­sen, ásannar at hetta er eisini ein stór uppgáva fyri B36, men at felagið tekur tað sum ein upp­ living. Venjarin, Jákup á Borg, vil gjarna halda fast í framrættaða spælistílinum, men Besiktas má ikki fáa pláss at spæla á. Eli hevur leikbann – Andrias og Michal eru við Fyri B36 er Andrias H. Eriksen tøkur aftur, eftir at hann ikki var við í Tito­grad. Hann er síðani blivin pápi og klárur aftur. Eli F. Nielsen hevur leikbann eftir trý gul kort, meðan Benjamin Heinesen og Robert Heðin Brockie er eitt gult kort frá at fáa leikbann í Turkalandi. Robert heðin Brockie kemur væntandi inn á verjukenda miðvøllin fyri Eli F. Nielsen. Hannes Agnarsson er fram­ vegis skaddur, meðan Christian R. Mouritsen, Róaldur Jakob­sen og Jónas Tór Næs eru lang­tíðar­ skaddir. Tað kemur væl við, at Michal Przybylski nú er tøkur fyri B36, menm byrjar væntandi á bonki­num. Hartil verður tað helst Erlendur Magnusson, sum byrjar á høgra vongi. Besiktas leypa á Jákup á Borg náddi líka at fegnast um sigurin á Titograd í Monte­ negro, áðrenn hann fór í holt við at kanna Besiktas. -Tað fyrsta eg hugsaði var bara “wow”, hvat gera vit nú? Eg havi hugt eftir teimum og tað er eitt gott lið. Í mun til fleiri av teimum heilt stóru og kendu feløgunum, sum eitt nú Manchester United, ið flytur bólt­in nógv runt, so spælir Besiktas skjótt og beinleiðis. Eina nerting og so venda teir móti málinum og leypa á. Tað er ongin friður, sigur Jákup á Borg, venjari hjá B36. Hann vísir eisini at, at Besiktas sein­astu 15 dystirnar hevur havt bólt­in meiri enn mótstøðuliðið, uttan í Champions League móti Bayern Munchen, men tá fekk liðið eisini ein spælara útvístan. Slíka mótstøða ger eisini, at tað er ein vandi í øllum. -Liggja vit kompakt og verju­ kent, so spæla teir frá síðu til síðu. Síðani royna teir at fáa støður, har tað er ein móti einum. Fara vit fram á vøllin, so duga teir væl at spæla aftur­um verjuna, meðan teir eisini duga væl at spæla á miðjuni, um mið­vøllurin ikki er til reiðar, sigur Jákup á Borg. Hann letur væl at avrikinum móti Titograd í Montenegro, men veit at tað er torført at halda fram­ rættaða spælistílin móti Besiktas. -Eg vil gjarna verða trúgvur móti mín­um spælistíli og DNA num, sum vit hava, men vit mugu ikki geva teimum pláss. Vit fara at royna at halda okkum til okkara stíl, men ser­liga miðvøllurin fær nakrar meiri verjukendar uppgávur enn vanligt, sigur Jákup á Borg. Venjarin hevur ikki heilt merkt stóra áhugan fyri dystinum, sigur seg hava fingið vinarumbønir á Face­book, meðan nakrir journal­ istar hava sett seg í samband við hann. Allir mugu bjóða av Venjarin hjá B36 er ikki í iva um, at Besiktas er ein væl størri uppgáva enn Titograd, men venjarin ynskir at spælararnir liva upp til serliga seinna dystin. -Um bara onkur spælari hjá okk­um ikki ger sítt, so kunnu vit tapa ordiliga stórt. Eg veit, at tað er stórur munur á Titograd og Be­siktas, men vónandi kunnu vit brúka avrikið í Montenegro til at halda lív í uppgerðini. Tað verður torført, men tað hevði ver­ ið stuttligt, sigur Jákup á Borg og legg­ur afturat, at liðið má deila dystin upp í partar. -Vit deila dystin upp. Eitt nú spæla vit fyrstu tíggju minuttirnar Fótbóltur Dysturin hesa vikuna... Europa League: BESIKTAS ER STÓRUR BITI FYRI B36 SIGURSDANSURIN SUM FÓR UM ALLAN HEIMIN Jákup á Borg greiðir her frá sigursdansinum: Vit byrjaðu hatta í 2011, tá Súni Olsen kom til B36 frá AaB. Síðani hava vit gjørt hatta til endaveitslur og líknandi høvi. Eftir sigur í Gibraltar í summar gjørdu vit tað á gistingarhúsinum, og avgjørdu at gera tað um vit vunnu á Titograd. Eg kann líka viðmerkja, at vit bíðaðu til allir áskoðararnir hjá teimum vóru farnir heim, tí tað er einki háðan í tí. Tað var heldur ikki ætlað, at tað skuldi ferðast kring allan heimin, men tað er bara stuttligt.