týsdagur 7. august 2018síða 37

Mikudagur 8. august 2018 · Nr. 90 38 Sosialurin Hugskot og viðmerkingar – send sms til 225000 FÓTBÓLTUR B36 er einasta av topp fimm liðnum, sum ikki vann í 17. umfari í Betri deildini hjá monnum. Suðringar stríddu seg til ein javnleik, sum merkir at B36 helst kemur at síðast, fyri at røkka Evropa komandi ár Tróndur Arge Tað er ongin ivi um, hvør er fegnari um javnleikin, tá Alex Troleis bríkslaði fyri seinastu ferð í Trongisvági. Suðringar stóðu í verjustøðu allan seinna hálvleik, meðan eitt nú Poul Ingason kom á vøllin fyri fyrstu ferð, síðani 2. umfar. Fyri B36 merkir hetta, at teir helst verða í harðari kapping við NSÍ og Víking um tvey av plássunum í Evropa. Her er tó vert at hava aí huga, at B36 við sigri í steypafinaluni kann vinna sær pláss í Evropa. Fyri Suðringar merkir stigið ikki so nógv á stigatalvuni, men sáraliga er talan um eitt týdningarmikið stig, sigur Glenn Ståhl, venjari hjá Suðringum. Fleiri broytingar Tað vóru fleiri broytingar á báðum liðnum uttan dystinum. Heimaliðið var uttan Dánjal Godtfred og Ibrahim Arifovic, sum báðir høvdu leikbann, meðan hattrikskjúttiin frá ólavsøkusigrinum á AB, Papa Mamadou Faye, sat uttanfyri við skaða í fótinum. -Um hetta var steypafinalan, so hevði eg lappað Papa Faye saman til dystin, men vit mugu eisini hugsa um restina av kappingini. Við allari virðing fyri B36, so hava vit týdningarmiklari dystir enn hendan, sigur Glenn Ståhl, venjari hjá Suðringum. Tað merkti millum annað, at Jón Krosslá Poulsen spældi frá byrjan, meðan Reidar D. Joensen byrjaði í álopinum. Venjarin loraði eisini fyri, at liðið fór at spæla við longum sendingum úr verjupartinum, tí framrættaða trýstið hjá B36 er gott. Fyri B36 kemur tað illa við, at Lukasz Cieslewicz situr uttanfyri. Hann mátti av vøllinum móti Besiktas í Europa League. Knæið er enn hovið, so í B36 vita tey ikki hvussu álvarsligt tað er. Bæði Gilli og Hugin Samuelsen vóru við frá byrjan hjá B36, har spælarar sum Andrias H. Eriksen, Magnus H. Jacobsen og Meinhard E. Olsen byrjaðu á bonkinum. Eitt í part Suðringar og B36 fingu eitt mál í part í fyrra hálvleiki. Jón Krosslá Poulsen og Búi Egilsson áttu uppleggið til 1-0 málið hjá Suðringum, sum Reidar Dahl Joensen skoraði. Venjarin hjá B36, Jákup á Borg, er ikki nøgdur við málið. -Tað vísur seg aftur, at tú skal ikki skapa nógv móti okkum fyri at fáa mál, sigur Jákup á Borg við FM1. Í hinum endanum svaraði B36 skjótt aftur, tá Michal Przybylski skoraði sítt fyrsta mál fyri B36. Erlendur Magnusson sendi Benjamin Heinesen avstað í vinstru. Hann dribblaði framvið brotssteigarmarkinum og prikað bóltin til Michal Przybylski, sum úr høgri kundi skjóta sítt fyrsta mál fyri B36. B36 trýsti í ein hálvleik Jákup á Borg gjørdi tvær útskiftingar í hálvleikinum. Gilli Samuelsen, sum spældi á høgra bakki, og Robert Heðin Brockie, ið spældi á verjukenda miðvøllinum, fóru út fyri Magnus H. Jacobsen og Meinhard E. Olsen. B36 trýsti at kalla allan dystin. Serliga í fyrru hálvu av seinna hálvleiki stóð nógv á. -Vit vistu, at vit kundu koma undir trýst av B36. Teir hava góðar spælarar og spæla væl. Vit høvdu eina greiða ætlan og hildu okkum til hana. Hon var millum annað, at gera tað torført hjá B36 at spæla, sigur Glenn Ståhl. Fyri uttan ein deyðbólt ella tveir, so høvdu heimamenninir ikki so nógv at bjóða í álopspartinum. -Vit hava nakrar spælarar, sum ikki eru í dystarformi enn. Vit mangla eisini nakrar spælarar í dag. Lykilin var at standa rætt í verjustøðu, sigur svenski venjarin hjá Suðringum. Evropesiskir timburmenn B36 er tað liðið, sum hevur spælt flestar dystir í Evropa í summar. Tað er samanlagt blivið til seks dystir, har tann seinasti bleiv spældur í Istanbul í Turkalandi hóskvøldið. Tí bleiv dysturin móti Suðringum eisini útsettur til mánadagin. Evropa dystirnir hava givið nógv, men tað hevur eisini hav tein kropsligan prís fyri summar spælarar. Eitt nú sat Meinhard E. Olsen á bonkinum, meðan Alex Mellemgaard slett ikki var við í hópinum. Størsti saknurin var í skadda Lukasz Cieselwicz. Tá nú Róaldur Jakobsen er langtíðarskaddur, so hava krøvini verið stór til Lukasz Cieslewicz. Hann sá út til mangla í dystinum mánadagin, tí B36 hevði ilt við at skapa nakað uttanfyri brotsteigin. Við javnleikinum brustu allir dreymar, um at bjóða longur frammi enn um 3. plássið. Mangla fólk hjá Suðringum Fyrr í ár var nakað av órógvi rundanum nýggja felagsliðið hjá Suðringum. Onkur ónøgd var við, at felagið hevði styrkt seg við einum útlendingini afturat. Palli Augustinussen, venjari hjá 1.deild hjá Suðringum, var viðmerkjari á FM1. -Eg haldi kki tað er nógv nógv at velja í. Tað mangla fólk í báðum støðum, so um vit skulu hava lið í bestu deildini er hetta einasta loysnin. Tú sær, at tann elsti lokali spælarin fyri uttan Jón Krosslá Poulsen, er 23 ára gamal. Teir flyta jú av landinum í lestarørindum, og tað tekur mangan nógv ár, áðrenn teir koma aftur, sigur Palli Augustinussen um avbjóðingina hjá Suðringum. Við javnleikinum móti B36 bendir nógv á, at Suðringar eru í holt við at bjarga sær lívið í bestu deildini. Sjey stig eru niður til AB. trondur@sosialurin.fo Fótbóltur Dysturin hesa vikuna... FJEPPARI HJÁ SUÐRINUM JANUS KJÆRBO En bra poeng, stađfesti venjarin eftir dystin. Og meira er ikki at siga um tað. Allir menn eru tøkir til næstu ferđ, og okur hyggja upp eftir ;) Evropesiskir timburmenn: B36 STÓRI TAPARIN