mánadagur 13. august 2018síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 13. august 2018 · Nr. 92 R VALUR Poleraður svenskur poppur í heimsklassa Svenska heimsstjørnan, Zara Lars­son, var ársins absolutt størsta høvuðsnavn. 20 ára gamla Zara Larsson telist millum allar heitastu nøvnini í heiminum í løt­uni, og nú hava føroyingar havt æruna av at uppliva hana á Summ­ar Festivalinum. Konsertin hjá henni var ein sonn altjóða hittparada, sum nokk ongantíð er sædd í Føroyum fyrr. Hon spældi hitt, sum hava verið at hoyrt kring allan heimin sein­astu trý árini. Svenska stjørn­ an borðreiddi m.a. við Lush Life, Un­cover, Never Forget You, Bad Boys og Symphony. Aftrat sær hevði hon dugna­lig­ ar dansarar, sum dansaðu sam­an við henni til væl svingandi popp­ utu tónarnar, og tað sást, at tey hava vant koreografiina væl og dansað ofta saman. Hetta rigg­ aði knasandi gott aftrat gjøgn­ umførdu ljóssýningini. Har vóru so nógvir litir og ljósið skein næstan ígjøgnum allar áskoð­ ar­arnar, so kraftigt og flott tað var. Litfagra ljóssýningin spældi óalmindiliga væl saman við takt­ unum, tónunum og dans­in­um hjá Zaru Larsson og bólki hennara. Hetta vísti, hvussu nógv tað visuella hevur at siga fyri heild­ ar­upp­livingina av einari konsert. Her eigur Summar Festivalurin nógvan rós fyri ljósið og nýggju avlongu skíggjarnar, tey hava fingið í ár. - Tack så mycket! segði hon við jøvnum millumbili aftaná sang­ irnar. Aftur bara tey fremstu, ið vóru við Framførslan var á høgum altjóða støði og varð sera væl úr hondum greidd. Hon sang sera væl og sterkt, og tey vóru við uppá tað uppi á pallinum. Tá tað kemur til áskoð­ararnar, var tað nokk allar mest lív í fremru rekkjunum, eins og til Aqua konsertina. Fremstu áskoðararnir geylaðu, hoppaðu og dansaðu til heimskendu løg­ini, men festligheitirnar rukku ikki nógv longur enn aftur til tornið hjá ljóðmonnunum, har áskoð­ar­ arnir stóðu meira stillir. Tað er eitt sindur spell at før­ oysk­ir bólkar sum t.d. Dynamit plaga at savna nógv fleiri fólk enn eitt so stórt navn sum Zara Lars­ son megnaði. Zara Larsson vendir sær nú eisini allar mest til tað yngra ættarliðið í mun til onnur meira fjølbroytt og savnandi nøvn. Zara Larsson segði í byrjanini av konsertini, at hon var so glað fyri at vera í Føroyum, og at Før­ oyar nokk var tað besta staðið, hon nakrantíð hevur vitjað. Ljóðið til konsertina var gott, og kraftigi bassurin kom ordiliga til sín rætt og føldist í øllum kropp­inum. Hetta livdi upp til eina konsert á so høgum altjóða stigi, sum Zara Larsson sjálv er von við at hava. Tað er imponerandi, at Summ­ ar Festivalurin hevur fingið eitt so háaktuelt navn sum Zara Larsson heim til Føroya. Hetta setur eisini vónirnar upp til næsta ár - so tað verður spennandi at síggja, hvat Vágsbøur hevur at bjóða í 2019. Hendir ov lítið um dagin? Onkursvegna virkar tað sum, at Summar Festivalurin bert er ein kvøldarfestivalur. Ein so stórur og umfatandi festivalur átti eisini at havt okkurt at bjóða um dagin. Tá mann hevur avbyrgt allan miðbýin í Klaksvík, kann mann so ikki forlanga og forvæntað, at okkurt er at taka sær til har um dagin? Allir matvognarnir vóru lukkaðir, og nøkur fá gingu runt og savnaðu skrell, sum var hetta seinasti dagur á festivalinum. Tá skrellsavnararnir ikki vóru har, fekk mann eina dómadagskenslu sum í bókini Palle alene I verden, tá mann gekk runt á økinum. Leygardagin var øðrvísi, og tá byrjaði dagurin longu klokkan 14:00 við hátíðarhaldi av 15 ára føðingardegi hjá Summ­ar Festivalinum. Men tá festi­val­ urin er í tríggjar dagar – hví so av­marka seg í so stóran mun til seinna­partin? Nógvir føroyskir klassikarar Sum vant hevði Summar Festivalurin nógvar føroyskar tónleikarar á plakatini. Kjølar og YoKa gjørdu m.a. eitt comeback, eftir ikki at hava framført nógv seinastu nógv árini. So vóru eisini nógv nýggj aktuell nøvn sum m.a. Heiðrik, Ingi Poulsen, Ólavur á Váli og Hamferð. Supertramp-legendan, Roger Hodgson, var aftur á skránni í ár. Hann var eisini á Summar Festivalinum í 2006, og leveraði eina ógloymandi konsert tá, og tí var upplagt at fáa hann aftur hendan vegin. Hann var sera glaður og eyðmjúkur fyri at vera aftur í Føroyum í ár, og hetta sást aftur á konsertini, sum var framúr góð. Enn einaferð eitt nostalgitripp - hesa ferð aftur til 80’ini, og bretski Roger Hodgson var í góðum hýri og í líka góðum formi.