mánadagur 13. august 2018síða 23

23 Mánadagur 6. januar 2014 · Nr. 2 Sosialurin Mánadagur 13. august 2018 · Nr. 92 Hugskot og viðmerkingar – send sms til 225000 Tróndur Arge Jóan Símun Edmundsson er í holt við at sláa sítt navn fast í 2. Bundesliguni í Týsklandi. Leyg­ardagin skoraði hann sítt annað mál í bara tveim­ um dystum, umframt at hann átti hegnisligt upplegg, tá Arminia Bielefeld spældi sín fyrsta dyst á heimavølli. -Tað var nakað heilt ser­ ligt at spæla á heimavølli frammanfyri 19 túsund áskoðar­um. Teir larma nógv og fót­bólturin er á høgum stigi, sigur toftamaðurin, sum legði Arminia Bielefeld á odda 1-0, og legði upp til 2-0 málið. -Fyrsta málið er, at ein fær stútað bóltin til mín So er bara at seta ferð á og prika bólt­in í málið. Tað kláraði eg við høgra beini. Seinna málið hjá okkum er eitt skjótálop, har eg fái prikað bóltin víðari til áleyparan hjá okkum, sum skorar, fortelur føroyski lands­liðs­spælarin og leggur afturat: -Tað er eitt sindur ringt at greiða frá málinum, men tað gekk skjótt. Vit finna væl hvønn annan longu nú, so vón­andi heldur góða gongd­ in fram, sigur Jóan Símun Edmundsson. Eg eri til reiðar Toftamaðurin skoraði í fyrsta umfari á útivølli móti Heidenheim, men tað var ikki vist, at hann skuldi spæla, tí hann hevði ikki spælt sein­ astu venjingardystirnar, tí hann hevði smærri trupul­ leik­ar í baklærinum. -Eg væntaði ikki at byrja dyst­in, tí eg var skaddur. Tað var eitt stórt álit at fáa. Vit fingu ein javnleik í truplum um­støðum, sigur Jóan Símun Edmundsson. Tað bleiv sagt, at føroyski lands­liðsáleyparin var bara 80 prosent, men tey orðini átti hann ikki, men venjarin. -Hasi orðini eigur venjar­ in, eg kendi meg til reiðar, men tað er rætt at eg ikki hevði spælt seinastu venjingardystirnar. Kanska eg eri 85 prosent so nú. Eg kenni men til reiðar og fysiskt kann eg næstan ikki verða betri fyri, sigur Jóan Símun Edmundsson eitt sindur brosandi á málinum. Týdningarmikið at skora Hóast toftamaðurin ikki er eitt so kent andlit í Bielefeld enn, so hevur tað týdning at fólk fáa eina góða mynd av hon­um longu nú. -Tað er bara fantastiskt at skora í 2. Bundesliguni. Tað er eisini týdningarmiki, at gera tað gott fyrstu tíðina, tí tað er so avgerandi fyri mynd­ina fólk fáa av tær, sigur Jóan Símun, sum eisini held­ur, at hann skal skjóta nøkur fleiri mál, áðrenn fólk koma at kenna hann. -Onkur hevur steðgað mær og ynskt mær til lukku við málinum, men helst skal eg skjóta nøkur fleiri, sigur tofta­maðurin. Hann heldur fyri, at støðið í deildini er hægri enn í Super­liguni fyri uttan FC Midt­jylland, FCK og Brøndby. Eisini eru umstøðurnar góð­ ar. -Nú komi eg frá OB, sum kanska hevur ringastu um­ støðurnar í Danmark, tá tað kemur til vøllir og skiftirúm. Her er einki at fílast á. Eisini hava øll tikið væl ímóti mær, sigur Jóan Símun Edmunds­ son. Hann er ikki so stinnur í týsk­um, men í næstum skal hann onkra løtu á skúlabonk, so tað týska verður betri. -Eg havi ikki havt tíð enn, men eftir ætlan fái eg eitt sindur av undirvísing í týsk­ um í næstum, sigur Jóan Símun Edmundsson. Hann leggur afturat, at hann er fegin um, at før­oy­ sk­ir áskoðarar fylgja so væl við. Hann vónr eisini, at tað verður fult hús til komandi lands­dystirnar í Nations League. trondur@sosialurin.fo Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... t Áskoðaramet í Klaksvík Tað hava ikki verið so nógvir áskoðarar til dyst ein føroyskan landskappingardyst, síðani eina ferð fyrst í 90 unum, verður sagt úr Klaksvík. Dysturin millum KÍ og HB, er bæði ein søguligur dystur, men í hesum førinum eisini ein toppdystur. Eg havi upp í saman sjabba um, at vit mugu tora at leggja dystir til fyrimuns fyri áskoðaran. Summar Festivalurin og stevnudystirnir eru góð boð upp á dystir, sum verða lagdir til fyrimuns fyri áskoðararnar. Tað endar eisini við, at ta mangan koma nógvir áskoðarar. Eg haldi, at dysturin í Klaksvík er eitt gott dømi upp á, at vit skulu tora í størri mun at skapa dystir rundanum hendingar. Tað gera vit longu nógv av, men vit skulu ikki halda okkum aftur í øðrum førum heldur. Tað var ein fragd at standa við Djúpuýru og síggja yvir trý túsund áskoðarar til dyst. Einki UEFA-umboð, sum stendur við peikifingrinum og fortelur okkum, at vandi er í hesum og hasum. Bara trý túsund fólk, sum eru komin til dyst at huga sær. Tað er eisini stuttligt at síggja, at tá ein dysturin hevur røttu umstøðurnar, so koma fólk úr øllum landinum at hyggja. Tað vóru nógv fólk til dystin, sum ikki kunnu bólkast sum KÍ arar ella HB arar. Tað sama kann sigast um Europa League dystin hjá B36 móti Besiktas. Útselt í Gundadali og fleiri 100 áskoðarar sloppu slett ikki inn. Eg haldi onkursvegna, at vit eru við at finna stevið við at gera fótbóltin í Føroyum áhugaverdan. Vónandi er tað ikki bara summarið, sum eigur skyldina í nógvu áskoðarunum. trondur@sosialurin.fo Tað sigur toftamaðurin í Arminia Bielefeld. Hann hevur nú skotið tvey mál í tveimum dystum, og átti upplegg í 2-1 sigrinum á Dynamo Dresden leygardagin -Fysiskt kann eg næstan ikki verða betri fyri Jóan Símun Edmundsson: