mánadagur 20. august 2018síða 20

Mánadagur 20. august 2018 · Nr. 95 20 Sosialurin Hugskot og viðmerkingar – send sms til 225000 Tróndur Arge ”Nú var eg líka við at fáa hann aftur, so skorar hann hattrik.” Orðini eigur Ari Mohr Olsen, sum hevur skorað fjórða dystin á dag. Eftir sigurin á KÍ á Summar Festi­ valunum, har sandoyingurin í álopinum hjá HB skoraði ann­an dystin á rað, so helt hann skemti­ liga fyri, at nú fór hann at taka topp­skjúttaraheitið frá Adrian Justinussen. Ari Mohr Olsen leggur HB á odda longu aftaná níggju minuttir, men so kemur Adrian Justinussen í gongd. Hann hevur ikki skorað eftir summarsteðgin, men nú riggar alt. Eftir at hava brent ein risa møgu­ leika, skorar hann ikki færri enn trý mál upp í slag. Eina ferð bleiv tað rópt fyri ”reint hattrik”. Speiskliga viðmerkingin hjá sand­oyinginum, lýsir væl andan í HB-leguni í gjár. Tað er ein lættur tóni, teir spæla við gleði og hegni, men samstundis eru teir meiri kvirrir so skjótt tú nevnir nakað um gull og FM. Eitt er tó vist, HB er væl fyri undan steypafinaluni. ”Málið var 14 mál” Tað sigur Adrian Justinussen, nú hann hevur skotið síni mál nummar 16, 17 og 18 í føroysku kappingini. Undan kappingarbyrjan hevði ungi gøtu­maðurin sett sær eitt mál. -Eg setti mær fyri, at eg skuldi skjóta 14 mál í hesum kapp­ ingarárinum. Tað havi eg so klárað nú, men eg havi ikki sett mær eitt nýtt mál, sum eg skal røkka, sigur Adrian Justinussen. Toppskjúttin er saman við lið­ feløgunum og rennur av á vølli­ num. Tað er ein vika til steypa­ finaluna og nú verða alt sett inn til, at spælararnir verða so klárir sum gjør­ligt til tann dystin. Undan hesum dystinum, hevur tað ikki eydnast Adrian Justinus­ sen at skjóta mál síðani summar­ steðgin. Ein orsøk kann verða, at mót­støðu­liðini leggja meiri fyri, at dekka júst hann. -Eg merki ein stóran mun. Nú sleppa vit ikki at spæla út til veng­ ur­nar, men verða trýstir at spæla inn á miðjuna. So eg merki væl, at lið­ini ansa betri eftir mær, sigur Adrian Justinussen. Tað er ikki av tilvild, at U21 lands­ liðs­spælarin fangaði málverjan hjá Suðr­ingum á skeiva beini, tá hann hann sendi fríspark beinleiðis í mál til 2-0, eftir at Ari M. Olsen hevði lagt HB á odda. -Eg havi skotið øll míni fríspørk í hina síðuna. Nú fara málverjarnir áðrenn, so í dag valdi eg at skjóta í hina síðuna, sigur Adrian Justinus­ sen um frísparksmálið til 2-0. Glenn ónøgdur Venjarin hjá Suðringum er ónøgdur við avrikið. Hann fer so langt, sum at kalla tað fyri menn móti dreingjum, og at fyrri hálvleikur er ein katastrofa. -Fyrri hálvleikur er ein kata­ strofa. Hetta eru jú menn móti dreingjum. Fyrsta málið hjá HB er ein maður móti einum drongi. Vit gera ikki tað, sum skal til fyri at hava ein kjans, sigur svenjski venjarin hjá Suðringum, Glenn Ståhl. HB frá byrjan Heimir Guðjónsson, venjari hjá HB, valdi ikki at spara fleiri spælarar, hóast HB er átta stig fremst í landskappingini, og steypa­finalan er um eina viku. Einasta undan­ takið er Símun Samuelsen, sum sat uttan­fyri allan dystin, meðan Dan í Soylu spældi á vinstra vongi. Tað er skjótt greitt, at HB er omaná í hesum dystinum. Suðr­ ingar eru als ikki við, og HB kundi verið á odda longu áðrenn Ari M. Olsen í níggjunda minutti leggur heimaliðið á odda. Tá Adrian Justinussen skorar til 3-0 dysturin bara ein stóran hálvan tíma gamal. Har í millum eru fleiri gíðar støður, har HB kundi fingið meiri burturúr. Seinni hálvleikur er nakað betri fyri gestirnar, men sannleikin er at HB hugnar sær á vøllinum. Fyri uttan onkrar heldur kontantar taklingar, so er tað HB, ið hevur fult tamarhald á dystinum. Teir byrja at skifta út og sjáldan er brúk fyri Teiti M. Gestsson í málinum hjá HB. HB vinnur FM Tú fær ongan rundanum HB- leguna, at siga tað hart. Hetta er ikki ókent fyri lið, sum koma í eina góða støðu tíðliga í kappingini. Tey siga sum minst. Tað er støðan í HB í løtuni, men avrikið móti Suðringum var so mikið gott og gjøgnumført, at tað tykist púra óhugsandi, at HB skal fáa ein niðurtúr. Við 52 stigum hevur HB longu fingið eins nógv stig, sum Víkingur vann FM við í fjør. Tað skal ganga nógv galið, um HB ikki skal vinna FM í ár. Tað prógvaðu teir í gjár. trondur@sosialurin.fo Fótbóltur Dysturin hesa vikuna... HB trumlar víðari: HB HEVUR FM-NÓGV STIG Við sigrinum í gjár er HB komið upp á 52 stig, eftir 20 dystir í Betri deildini. Í fjør vann Víkingur FM við júst 52 stigum. HB hevur bara sett stig til í trimum dystum í alt ár. Ein javnleik og tveir taptir dystir. Annars er talan um 17 sigrar av 20. Tað sigur Adrian Justinussen, sum í gjár skoraði hattrik og er toppskjútti í føroyskum fótbólti við 18 málum. Avrikið hjá HB er sannførandi og alt sær gott út til steypafinaluna FÓTBÓLTUR EG ÆTLAÐI MÆR 14 MÁL