hósdagur 23. august 2018síða 18

FRÍGGJADAGUR 17. AUGUST 2018 SOSIALURIN 94 18 FÓTBÓLTUR SJÚRÐUR HILDARSON HOYDAL K ennir tú nakað til før­ oyskan kvinnu­fót­bólt, kennir tú navnið Heidi Sevdal. Mátt­mikla málmaskinan úr Runavík er blivin landskend seinastu ár­ini, og spælir nú við HB. Aftur í ár hevur hon ført lið sítt í steypa­finaluna, og mótstøðulið leygar­dag­in verður felagsliðið EB/Streym­ur/Skála. Somu lið hittust í steypa­finalu­ni í fjør, men tá var Heidi part­ur av mótstøðuliðnum. Nú er hon aftur í HB og skal spæla ímóti lið­feløg­ unum frá í fjør í steypa­finaluni. Liðformaður á EB/Streyma/ Skála liðnum er Ansy Sevdal Jakob­sen. Lítlasystir Heidi. Hon hevur í ár skula vant seg við at ikki hava stórasystrina at leggja upp til, og eisini at kappast við henni um bæði føroyameistaraheitið og steypa­kappingina. Í løtuni hevur lítlasystirin Ansy munin, tí sunnudagin vann EB/ Streymur/Skála á HB og legði seg á odda í landskappingini. Ymsar fortreytir Lagið hjá Heidi Sevdal og HB-hópi­ num var tí ikki gott til venjing mána­kvøldið. Iðran og vónbrot løgdu sín dám á hópin, tí tær allar vita at tær kunnu avrika væl betur enn hendan sunnudagin. Hetta er ikki kenslan, ið tær ætla sær at hava eftir steypafinaluna. -Tað eggjar okkum at betra spælið hjá okkum, og vit skulu læra av mistøkunum frá seinasta dystinum, sigur Heidi Sev­dal. Í EB/Streyma/Skála leguni er lagið av tí besta upp til finaludystin. Tað er heldur spenningur, ið ger seg galdandi, meðan venjingin er mið­vís móti at leikararnir skulu vera rætt fyri til finaluna, greiðir Ansy Jakobsen frá. Tveir mánaðar eru liðnir síðani hálv­finalurnar, so fyrireikingarnar til steypafinaluna hava verið drúgvar. Allan summarsteðgin hava liðini fyrireika seg til avgerandi landskappingardystin millum liðini bæði og so sjálvsagt steypa­finaluna. Fortreytirnar broytt­ist eftir at EB/ Streymur/Skála vann 2-0 móti HB í lands­kapp­ingar­dystin seinasta sunnu­dag. -Nú er neyðugt at fáa tann dystin úr høvdunum og hugsavna seg um steypafinaluna, sigur Heidi Sevdal. Nógv má og skal gerast betri, men tað er ein nýggjur dystur og mest um­ ráðandi er, at allir leikarar eru til reiðar til ta uppgávuna, stað­festir HB áleyparin. Tað snýr seg um at stríðast Tað, at tað er ein nýggjur dystur, ger at tað er ilt at meta um hvat lið hevur fyrimunin. Í eini finalu kann alt henda, verður ofta sagt, og hesin finaludystur er ikki nakað undan­tak, halda systrarnar báðar. Tær vænta ein tættan dyst, ið kann fara báðar vegir. Bæði liðini spæla við nógvari kropsligari styrki, so dysturin kann lættliga gerast harður við nógvum nær­ dyst­um, ið hóvar báðum liðum. EB/Streymur/Skála kann byggja víðari upp á ta leikætlan, ið riggaði væl í landskappingini, meðan HB kanska skal hugsa nýggjar leiðir. Men leikætlanir og spæl­skipanir eru ikki tað einasta, ið fer at avgera dystin. - Eg vænti at effektivit­et­urin verður avgerandi, sigur Heidi Sevdal, - og heldur fram: - Um vit skulu gera okkum vónir um at vinna steypafinaluna, er neyðugt at vit nýta okkara leikligu styrki rætt, at vit standa saman og at allar arbeiða gróthart fyri hvørjari aðrari, sigur áleyparin hjá HB. Hart arbeiði er eisini lyklaorðið hjá EB/Streymi/Skála. - Vit ivast ikki eina løtu í at HB kemur við øll­um, sum tær hava til taks at vinna dystin. Men Ansy og liðfelagarnir eru klárar og vita at hetta verður ikki ein lættur dystur, so tað er um­ráð­andi at teirra partur ikki ligg­ur eftir, greiðir Ansy frá og heldur fram: - Tað snýr seg um at tora, vísa stríðsvilja og ikki smæðast burt­ ur, samstundis sum tað er um­ ráðandi at halda høvdið kalt, at spæla okkara spæl og trúgva upp á okkum sjálvar sum lið og sum einstaklingar, staðfestir Ansy Jakob­sen. Karmarnir verða serligir At dysturin verður leiktur á Tórs­ vølli í Havn, kann hugsast at vera ein fyrimunur fyri HB. Hetta mann tó hava lítið upp á seg, heldur Heidi. Tað kann kanska geva nakað av ró, at ikki spæla so langt frá heimavøllinum á Ovara vølli, men karmarnir um steypa­finaluna verða púrasta øðrvísi enn hvat bæði HB ella EB/Streyma/Skála leikar­ar­nir eru vanir við, greiðir HB-ar­in, ið gleðir seg at spæla framm­an fyri mongu áskoðar­ unum, frá. Liðskiparin hjá EB/Streymi/ Skála, Ansy Jakobsen er samd. - Tað er spennandi at spæla á Tórsvølli, og ger hetta steypa­ finaluna til nakað serstakt, ið eisini brýtur frá van­ligu kappingini, stað­ festir hon. Systrarnar stríðast fyri hvør sín­um liðið Millum mongu áskoðararnar og sjón­varps­hyggjarar munnu sita fleiri í familjuni Sevdal, tí at systr­ar­ nar Ansy og Heidi skulu spæla á hvør sínum liðið. Tær gjørdust steypa­ vinnarar saman í EB/Streymi/Skála í fjør, men í ár vendi Heidi aftur til HB, so í ár sleppur bert onnur Sevdal systirin at lyfta steyp­ið. Tað skal eingin ivi vera um, at tær fara báðar at gera alt fyri at vin­na á systir sínari. - Kenni eg systir mína rætt, so fara vit báðar at stríðast alt vit eru mentar fyri okkara lið, sigur Ansy Jakobsen og greið­ir frá at liðið hjá sær skal ansa sær serliga eftir Heidi, tí at hon er ein evnaríkur leikari, ið ofta er ein av­gerandi leikari í uppspælinum eins og hon altíð veit hvar málið stendur. Heidi sjálv er ikki eins diplomatisk: - Eg kann lova fyri at sum ein og hvør stórasystir, so finni eg meg ikki í, at lítla systurin vinnur, so eg eri eyka motiverað til finaludystin, sig­ur stórasysturin Heidi Sevdal við einum stórum smíli. Kvinnufinalan: BERT EIN SEVDAL­ SYSTIR KANN SIGRA Heidi Sevdal t.v. og Ansy Sevdal Jakobsen t.h.