mánadagur 27. august 2018síða 13

13 Mánadagur 6. januar 2014 · Nr. 2 Sosialurin Mánadagur 27. august 2018 · Nr. 98 Hugskot og viðmerkingar – send sms til 225000 STUTTSØGD Føroyski rennarin, Rebekka Fuglø, gjørdist leygardagin danmarksmeistari í 1500 metrar renning. Føroyingar hava eisini skotið mál í fótbólti uttanlands, og so eru føroyskir bogaskjúttar á veg til EM Pætur Albinus FÓTBÓLTUR Gilli Rólantsson og teir úr Brann hava mist oddasessin í norsku Eliteserien. Tað gjørdu teir eftir 2-0-tap fyri Vålerenga í gjár samstundis sum Rosenborg vann 4-3-sigur á Strømsgodset. Hetta merkir, at Rosenborg nú er tvey stig frammanfyri Brann. Gilli Rólantsson spældi allan dystin ímóti Vålerenga, har heimaliðið skeyt bæði málini í seinna hálvleiki. Næsti dystur hjá Brann verður sunnudagin á heimavølli ímóti Ranheim. Tað er komin stígur í hjá Viljormi Davidsen og teimum í Vejle, sum fingu eina framúr byrjan upp á Superliguna við sigri í fyrsta dystinum, men síðani tá er tað ikki blivið til sigur í teimum næstu seks dystunum. Í gjár bleiv tað til 2-0-tap á heimavølli fyri OB. Ryan Laursen og Jeppe Tverskov stóðu fyri málunum í fyrra hálvleiki av hesum dystinum, har Viljormur Davidsen aftur fekk fulla spælitíð á vinstra bakki. Vejle hevur seks stig fyri sjey dystir og er triðaftast, einans eitt stig omanfyri niðurflytingarstrikuna. Næsti dystur hjá Vejle verður fríggjakvøldið á útivølli ímóti AC Horsens. Betur gekst hjá júst AC Horsens og Halli Hanssyni hetta vikuskiftið. Teir vunnu nevniliga 1-0 í Farum í gjár, har teir vitjaðu hjá FC Nordsjælland. Mikkel Qvist var sigursharri við máli í fyrra hálvleiki. Hallur Hansson spældi allan dystin og fekk eisini eitt gult kort við sær í vanliga stríðsavrikinum fyri teir gulu, sum hava otað seg upp á eitt sjeynda pláss við níggju stigum fyri sjey dystir. Føroyingauppgerðin ímillum AC Horsens og Vejle verður fríggjakvøldið kl.19.00. Finnur Justinussen var enn einaferð á blettinum fyri Næstved, tá ið liðið í gjár taptu 3-1 á útivølli fyri Silkeborg. Føroyski landsliðsáleyparin legði gestirnar á odda eftir smáar níggju minuttir, men næstu løtuna svaraði Silkeborg aftur við tveimum málum. Tað hjálpti heldur ikki upp á støðuna, at Næstved fekk ein mann útvístan, og tað bleiv tá saman um kom til eitt 3-1-tap. Næstved er nummar átta í NordicBet Ligaen, sum næstbesta deildin í Danmark eitur. Við málinum hevur Finnur Justinussen nú skotið fýra mál hetta kappingarárið, og tað er nóg mikið til at vera nummar trý á toppskjúttalistanum í NordicBet Ligaen. Heini Vatnsdal og teir úr Fremad Amager fingu trý kærkomin stig á kontuna, tá ið tað í gjár var botndystur ímóti Nykøbing FC. Tað kom einans eitt mál í dystinum, og tað fekk Fremad Amager. Heini Vatnsdal spældi allan dystin í miðverjuni. Við 1-0-sigrinum hevur Fremad Amager nú seks stig og hevur lyft seg eitt stig upp um niðurflytingarstrikuna. Næsti dystur hjá Fremad Amager verður sunnudagin á útivølli ímóti Silkeborg. Brandur Hendriksson kom aftur á máltalvuna, tá ið FH í gjár vann 3-1-sigur í Grindavík. Brandur stóð fyri 3-1-málinum og var annar føroyingurin á vøllinum saman við Gunnar Nielsen, meðan Jákup Thomsen var á bonkinum. Kaj Leo í Bartalsstovu byrjaði inni fyri ÍBV, men varð útskiftur 20 minuttir fyri tíð í 4-1-tapinum fyri KR. FH er nummar fimm við 27 stigum, sjey stig frá 3. plássi og 11 stig frá oddasessinum, meðan ÍBV hevur 22 stig og er seks stig omanfyri niðurflytingarstrikuni. Patrik Johannesen var aftur á vøllinum, tá ið norska lið hansara, Florø, í gjár tapti 1-0 á heimavølli fyri HamKam. Føroyski áleyparin varð innskiftur tá ið hálvur tími var eftir. Florø er á næstaftasta plássi, seks stig frá bjargingini og eitt stig upp til upp- og niðurflytingarplássið. BOGASKJÓTING Hesa vikuna er EM í bogaskjóting í polska býnum, Legnica, og tríggir føroyingar eru við í kappingini. Teir eru Jóannes Poulsen og Nikkel Petersen frá Ørvi í Runavík og Jógvan Niclasen frá Tambar í Havn. Teir tríggir luttaka í compound, har tað eru 90 skjúttar við úr 33 ymiskum londum. FORMIL 1 Kappkoyring var í Belgia í gjár, og har var tað týski Sebastian Vettel (Ferrari), sum tíðliga í kappingini rændi fremsta plássið frá bretska Lewis Hamilton (Ferrari) og helt leiðsluna allan vegin um málstrikuna. Lewis Hamilton bleiv nummar tvey, 11 sekund aftanfyri Sebastian Vettel. Danski Kevin Magnussen (Haas) bleiv nummar átta og fekk harvið aftur stig til samlaðu grand prix-kontuna, har hann er nummar átta. Lewis Hamilton, sum eisini er verandi heimsmeistari, er framvegis á odda í samlaðu grand prix-kappingini, men nú er munurin ímillum hann og Sebastian Vettel tódnaður niður í 17 stig. FR. ÍTRÓTTUR Rebekka Fuglø úr Norðdepli vann leygardagin danska meistaraheitið í 1500 metra renning. Kappast varð í Odense, og tað kom púra óvart á, at føroyski rennarin streyk avstað við gullinum. 25 ára gamla Rebekka Fuglø úr Norðdepli rennur við Treystinum í Klaksvík. Tá ið hon luttekur í donskum kappingum og harvið eisini í gjár, tá ið hon kappaðist um DM á 1500 metrum, er tað neyðugt, at hon umboðar eitt danskt felag. Tí var hon meldað til kappingina sum luttakari hjá Vejle IF. Rebekka rann 1500 metra teinin í tíðini 4:29.62, sum er nýtt føroyskt met. Rebekka átti gamla metið. Tað setti hon á Oyggjaleikunum í Gotlandi í juni í fjør. Tá vann hon gull í tíðini 4.30.20. TRIATHLON Í gjár varð skipað fyri FM í sprinttriathlon. Hetta er ein teinur, ið er 750 metrar svimjing, 20 kilometrar súkkling og fimm kilometrar renning. Tíðirnar vóru hesar: 1. Andrass Joensen 1.13.15, 2. Hávardur Vatnhamar 1.18.26, 3. Jákup Petur Eliassen 1.19.51, 4. Arnfinnur Helmsdal 1.33.56, 5. Kári Simonsen 1.37.04 og 6. Evald Rasmussen 1.45.00. Kvinnur: Súsanna Eliassen 1.48.46. Rebekka er danskur meistari