mánadagur 27. august 2018síða 18

Mánadagur 27. august 2018 · Nr. 98 18 Sosialurin Hugskot og viðmerkingar – send sms til 225000 Jóannes Hansen Siðaskifti hevur verið í kvinnu­ kapp­ingini í fótbólti. Tað sást í fjør, tá ið sigursvandu KÍ kvinnur­ nar stóðu eftir við ongum, og EBS/ Skála vann bæði FM og steypa­ kappingina. Í summar hava EBS/Skála kvinnur­nar luttikið í europeisku meistara­kappingini. Úrslitini kundu havt verið betri, men heima á landi vísir eingin seg at standa teim­um í Sundalagnum og á Skála kurl, tá ið tað stendur á. Leygardagin vunnu tær steypa­ finaluna 2-1 ímóti HB. Tað bar við sær, at tær triðju ferð á rað vunnu týdn­ingarmikla kapping. Í fjør vunnu tær greipuna. Spurningurin er nú, um tað eisini í ár fer at eydnast teimum at vinna greipuna. Møguleikin er stórur, men stiga­ talvan vísir, at tær mugu arbeiða fyri sakini. EBS/Skála hevur 33 stig, og bæði HB og KÍ hava 31 stig. Hóskvøldið verður næsta umfar í landskappingini. Tá fær HB vitjan av KÍ, meðan EBS/Skála verður stór­favorittur á heimavølli ímóti B68. Triði dysturin verður millum B36 og ÍF/Víking. Sigursmálið í tøkum tíma Sigursmálið skoraði EBS/Skála, tá ið tað restaðu nítjan minuttir. Tað var akkurát í røttu løtuni. Ellivu minuttir undan steðgi­ num varð ein av EBS/Skála spæl­ ar­unum víst av vølli. Milja R. Simon­sen hjá HB sneiddi framvið mál­verjanum. Áðrenn hon fekk stilla kanónina, var annar av mið­ verjunum, Silja Johannesen, komin aftur á strikuna í roynd at verja fyri. Milja R. Simonsen smekkaði til, og dómarin metti, at verjuspælarin nýtti hondina og armin at verja fyri á sovornan hátt, at hann ikki hevði annað at velja í enn at vísa verju­spælaranum av vøllinum og at peika á brotssparksblettin. Milja R. Simonsen umsetti brots­sparkið ósvikaliga trygt, og so vísti mál­talvan 1-1. Durita Hummeland hevði longu í sjeynda minutti lagt EBS/ Skála fram­um. Greipuvinnararnir frá í fjør vóru sera ágangandi fyrstu løtuna, tá ið tað eydnaðist teimum at fáa hol á. Lea Lisberg spældi í høgru fram til Birnu Mikkelsen, sum legði høgt innfyri málið, har Durita Hummeland, sum var framrættað í vinstru, setti høvdið undir bóltin, ið sigldi omanfyri HB málverjan og í netið. So var tað, at HB javnaði við brots­sparki, og so var vegurin hjá HB fram ímóti sigri væl breið­ari og slættari, enn hann var hjá mót­ støðuliðnum, sum í ein knapp­an tíma sá mótbrekkuna fyri sær, sum tað var at spæla tíggju ímóti ellivu. Tað plagar at geva seg til kennar fram ímóti dystarenda, tá ið annað lið­ið leingi hevur verið undir­mann­ að. Tí var tað akkurát í rættari løtu, tá ið EBS/Skála legði seg framum við rimmar máli. Tað var týðuligt, at málið bar íblástur, styrki, úthaldni og sjálvsálit við sær. EBS/ Skála genturnar stríddust sum úlvar á skóg, og fagnaðurin var ovurstórur, tá ið dómarin bríkslaði fyri síðstu ferð, og máltalvan vísti 2-1 til EBS/Skála. Perlan hjá Margunn Tað er sjáldan, at sovorðið mál verður skorað í føroyskum fótbólti, sum sigursmálið hjá Margunn Lindholm var. Á mannfólkasíðuni er tað heima á landi bara Adrian Justinussen, sum vísir sovorðin avrik. Annars er neyðugt at leita til útlendskan fót­bólt og serliga Ronaldo og Messi fyri at síggja skot og mál av hesum slag­ num. Margunn Lindholm var sannur brandur á EBS/Skála miðvøllinum. Dømi um hetta var støðan, tá ið hon skoraði sigursmálið. Hon sneid­di framvið fleiri og aftur og fram, áðrenn hon einar seks metrar uttan­fyri brotsteigin og eitt sindur til vinstru varð feld. Hon tók sær av øllum deyð­bólt­ unum – hornaspørkum og frí­spørk­ um – og eisini hesum. Hon gav sær góðar stundir, áðrenn hon við fínum ristarsparki og einum dismi av papageykasparki sendi bóltin heilt upp í handara málhornið. -Eg veit ikki akkurát, hvat eg hugsaði. Tað ráddi um at raka innanfyri málkarmin, um møgu­leiki skuldi vera fyri at skora mál. Tað eydnaðist, og kenslan var fram­úr góð, tá ið eg sá bóltin sigla heilt upp í handara krókin, sigur Margunn Lindholm. 22 ára gamla Margunn Lindholm er úr Saltnesi. Barnaárini spældi hon við B68, men síðani 2013 hevur hon umboðað EBS/Skála. Har hev­ ur hon vunnið sær týðandi leik­lut, og hon hevur spælt á bæði U-17 og U-19 landsliðunum. Trý tey síðstu árini hevur hon ellivu ferðir verið á landsliðnum. Umframt at eiga gott skot – bæði við høgra og vinstra – var Margunn Lindholm sera drúgv á mið­vøllinum, har hon vann flestu nær­dystirnar. Hon dugdi væl at sneiða seg leysa av mót­støðu­ spælarunum, og hon var ofta við í góðum samanspæli. Tí var tað ikki undarligt, at hon eftir dystarlok varð kosin at vera besti spælari í finaluni. Liðavrikið Tá ið dómarin hevði bríkslað fyri síðstu ferð, var fagnaðurin øgiligur millum EBS/Skála spælararnar, sum høvdu megnað tað, sum tær høvdu droymt um, men sum sá út Kvinnufinalan Hóast EBS/Skála kvinnurnar vóru undirmannaðar í næstan ein tíma, so megnaðu tær at vinna á HB og annað árið á rað at vinna steypakappingina MARGUNN SKEYT VIÐ SKØRPUM FÓTBÓLTUR