mánadagur 3. september 2018síða 13

13 Mánadagur 6. januar 2014 · Nr. 2 Sosialurin Mánadagur 3. september 2018 · Nr. 101 Hugskot og viðmerkingar – send sms til 225000 STUTTSØGD Tríggir føroyskir bogaskjúttar hava seinastu dagarnir luttikið í EM í bogaskjóting, har úrslitini vóru misjøvn. Í Danmark er hondbóltsárið byrjað, og har skeyt ein føroyingur tvey mál Pætur Albinus BOGASKJÓTING Tríggir føroyskir bogaskjúttar hava seinastu dagarnar luttikið í EM í pólska býnum Legnica. Teir vóru Jóan­nes Poulsen (Ørvur, Runavík), Nikkel Petersen (Ørvur, Runavík) og Jógvan Niclasen (Tambar, Havn). Allir tríggir luttóku í compound, har 90 skjúttar úr 33 londum lut­ tóku. Jóannes Poulsen bleiv numm­ ar 59 við 678 stigum, Jógvan Nicla­ sen nummar 72 við 670 stigum og Nikk­el Petersen nummar 84 við 662 stigum. Á næstaftastu síðu í blað­num ber til at lesa hvat Nikkel Peter­sen heldur um avrikini. FORMIL 1 Kappkoyring var í gjár á kendu Monza-breytini í Italia, og har var tað oddamaðurin í samlaðu kapp­ ing­ini, bretski Lewis Hamilton (Mer­ce­des), sum setti tingini upp á pláss og vann frammanfyri tann, sum byrjaði fremstur, finski Kimi Raikkonen (Ferrari). Størsti kappingarneytin hjá Lewis Hamil­ton, týski Sebastian Vettel (Ferrari), bleiv nummar fýra, og har­við hevur Lewis Hamilton nú økt um leiðsluna í samlaðu kapp­ ingini til 30 stig. Danski Kevin Magnussen (Haas) var í ein­um samanstoyti við Sergio Perez (Force India) longu í fyrsta um­ fari, og danski kappkoyrarin bleiv av hesi orsøk nummar 17 av teimum 17 kappkoyrarunum, ið komu um málstrikuna. Í samlaðu kappkoyringini er Kevin, ið er sonur kenda fyrrverandi kapp­koyr­ ar­an, Jan Magnussen, nummar átta. Næsta kappkoyring verður í Singa­ pore 16. september. FLOGBÓLTUR SÍ hevur gjørt sáttmála við høvuðs­ venjarar, ið skulu taka sær av fremstu liðunum hjá felagnum. Gull­venjarin, Rajko Petrovic, fer aftur í vetur at venja øll ung­ dóms­liðini og meistarardeildina hjá monnum. Annika á Stongum verður høvuðsvenjari hjá meist­ara­ deild­ini hjá kvinnum og hennara hjálp­ar­venjari verður Jacob Melchior Hansen. Hetta skriv­ar Sør­vágs Ítróttarfelag í tíðinda­ skrivi. Rajko Petrovic var í fjør við at mynda besta kappingarárið í søguni hjá SÍ. Felagið vann níggju av tíggju steypafinalum í ungdómsdeildini, í og ár fer hann at taka sær av øllum ungdómsliðunum í felag­ num.Tey eru G12, G14, G16, G19, kvinnu­unglingar D12, D15, D17 og mansunglingar. Meðan Rakjo er royndur venjari, so er hetta fyrstu­ ferð, at Annika á Stongum fer at standa á odda fyri fremsta kvinnu­ liðnum hjá SÍ. Hon er hinvegin roynd og kend sum ein av stinnastu spælarunum í Føroyum og á før­ oyska landsliðnum. HONDBÓLTUR Nýggja kappingarárið í donskum hondbólti fór av bakkastokki fríggja­kvøldið, tá ið Bjerringbro- Silkeborg, sum hevur føroyska Jóhan á Plógv Hansen á liðnum, heima í JYSK Arena í Silkeborg hevði vitjan av Nordsjælland Hånd­bold. Bjerringbro-Silkeborg var mett at vera greiður favorittur, so tað var eitt stórt vónbrot, at tað einans bleiv til 25-25-javnleik. Jóhan á Plógv Hansen skeyt tvey av málunum. Bjerringbro-Silkeborg legði fyrr í síðstu viku roknskapin fyri kapp­ ingarárið 2017/2018, og har vóru reyð tøl á botnstrikuni. Felagið vænt­ar nevniliga, at undirskotið verður áleið fimm milliónir krónur. Hetta er fyrstuferð í 13 ára gomlu søgu felagsins, at tað er undirskot í rokn­ skapinum. Formaðurin í Bjerr­ing­ bro-Silkeborg, Jesper Schou, sigur við heimasíðu felagsins, at málið framvegis er at vinna DM, men at teir við broytingum í handilsliga parti­num eisini ætla sær at koma aftur á rættkjøl fíggjarliga. RÍÐING Marknagil var leygardagin karmur um seinastu FM-kappríðingina í ár. Tilmeldingin var so sum so, men hóast tað var fitt av fólki komið at hyggja at kappríðing. Kapp­ast var í fýra greinum: skeið, trav, tví­ spor ung og tvíspor vaksin. Skeið­ kapp­ingina vann Gylling við Regini Johannesen á baki. Gylling hevur vunnið allar kappingar í ár og er tí­skil greiður FM-vinnari. Í trav var FM-stríðið púra opið áðrenn kapp­ingina í gjár. Savoy og Eiler Joensen vóru eitt stig frammanfyri Grett og Kristfríð D. Jacobsen. Men á degnum riggaði einki hjá Savoy - hann bleiv diskaður í báðum riðlunum, og sostatt gjørdist Grettir, sum Sjúrður Holm á Argj­ um eigur, FM-vinnari. Tvíspor ung kappingin var mestsum avgjørd áðrenn kapp­ ingina. Ikki tað, Sílfa hjá Ásu Bárða­dóttir og Spirit hjá Randarsól Heine­sen vóru jøvn í stigum. Men av tí at Spirit vegna skaða ikki kundi vera við, skuldi Sílfa bara koma á mál fyri at vinna FM. Tað gjørdi hon, og tað við stíli. Tíðin hjá Sílfu uppá 250 metrar var 17,43, og tað sigur næstan seg sjálvt at hon við tí tíðini eisini vann Tvíspor ung á degnum. Hjá teimum vaksnu var heldur ikki tann stóri spenningurin um FM. Svanna hjá Hans Paula Poul­ sen lá greitt á odda og skuldi, eins og Sílfa, bara koma á mál fyri at endurvinna sítt FM. Hetta eydnaðist eisini, men Svan­ na fekk ikki heiðurin at vinna heystkappríðina, tí hon tapti á degnum ímóti Freyr við Bryn­ dis Hjartardóttir á baki. Ross­ini fylgdust annars allar 500 metr­ar­ nar, men beint fyri málstrikuna dró Freyr frá Svannu og vann rímiliga greitt. SÚKKLING Ein av teimum trimum stóru Grand Tours í súkkling, Vuelta a España, er nærum komin í helvt, og á teininum í gjár fekk kappingin ein nýggjan mann í sokallaðu føraratroyggjuna. Tað var bretski Simon Yates (Mitchel­ton-Scott), sum rændi troyggju­na frá Rudy Molard (FDJ), og Simon Yates er nú eitt sekund frammanfyri kolumbianska Nairo Quintana (Movistar) og 14 sekund framman­ fyri spanska Alejandro Val­verde (Movistar). Teinin í gjár vann annars amerikanski Benjamin King (Dimension Data). Hetta var annar tein­urin í ársins Vuelta a España, sum hann vann. Í dag er hvílidagur í kapp­ingini, sum er tilsamans 21 teinar long og endar 16. september. Bogaskjúttar luttikið í EM í Póllandi F.v.: Jóannes Poulsen, Jógvan Niclasen og Nikkel Petersen