mánadagur 3. september 2018síða 17

17 Mánadagur 6. januar 2014 · Nr. 2 Sosialurin Mánadagur 3. september 2018 · Nr. 101 Hugskot og viðmerkingar – send sms til 225000 Jóannes Hansen Seinnapartin leygardagin vann ÍF 5-0 á heimavølli ímóti B68. Sigurin var óvæntað stórur, tí úrslitini hava ikki bent á, at tað fór at enda so­leiðis. Sætta mai vann B68 6-1 á Svanga­skarði ímóti ÍF, og 2. juni vann ÍF 1-0 á heimavølli ímóti B68. ÍF hevur ikki tapt tíggju tær sein­astu ferðirnar. Talan er um níggju sigrar og ein javnleik – 2-2 í Klaks­vík ímóti KÍ. Klaksvíkingar hava higartil verið topplið, og næstbesta liðið hjá KÍ er framvegis ovast, men nú er av álvara farið at styttast millum KÍ og ÍF. Eftir tólvta umfar vóru tað ellivu stig frá ÍF og fram til KÍ. Alt meðan ÍF hevur verið sannførandi og vunnið sigur oman á sigur, so hevur KÍ onkra ferðina snávað, og nú er munurin bara eitt stig. KÍ hevur tapt tvær ferðir og fýra ferð­ir spælt javnt. Víkingur hevur vunn­ið einaferð og tapt einaferð ímóti KÍ, og leygardagin endaði tað 1-1 uppi á Brekku í Leirvík, tá ið KÍ var gestur hjá Víkingi. Bæði málini vórðu skorað í sein­ na hálvleiki. Víkingur hevði tíggju minuttir undan steðginum gyltan møgu­leika at leggja seg framum, men Fríði Sigurðsson í KÍ málinum bjargaði, tá ið Hans Jákup Lervig royndi seg við brotssparki. Stórsigurin í Fuglafirði Einki bendi í fyrra hálvleiki á, at B68 í Fuglafirði fór at leggja rygg til stórtap. B68 var tvær ferðir í heilt góðum støðum at seta hol á, áðrenn ÍF skoraði einasta málið í fyrra hálv­ leiki. Tá ið fuglfirðingar løgdu seg fram­um, var tað við framúr máli. Fínt álop í vinstru og innlegg frá Andy Ó. Olsen, Jan Ó. Ellingsgaard stýrdi við høvdinum bóltin fyri føtur­nar á miðvallaranum Frank Poul­sen, sum heilfluktaði bóltin upp í síðunetið. Seks minuttir eftir steðgin økti Andy Ó. Olsen, tá ið verjan varð heilt útspæld, og eftir at Ari Ó. Ellingsgaard úr høgru sendi bólt­ in framvið uttarlaga stadda mál­ verjanum og í málið til 3-0, var spurn­ingurin bara, hvussu stórur heima­sigurin fór at verða. B68 gav skarvin yvir, og heima­ lið­ið vísti bæði nærlagni og hug­ flog. Frank Poulsen økti til 4-0, og inn­skifti Dánjal á Lakjuni varð spældur púra blankur fyri opnum máli, tá ið hann staðfesti rimmar ÍF sigurin. Fuglfirðingar eru nú tætt við at taka oddasessin í deildini, og tað skal ganga heilt illa í seks teimum síðstu dystunum, um ÍF ikki skal vinna sær pláss í bestu deildini. Tað plagdi at vera fótbóltur í Fløtugerði seinna­part sunnudag, og soleiðis verður tað eftir øllum at døma aftur næsta summar. Í seks teimum síðstu um­før­ unum skal ÍF spæla ímóti Suðr­ing­ um (ú), Víkingi (h), KÍ (h), NSÍ (ú), Giza Hoyvík (h) og B71 (ú). Skráin hjá B68, sum er á fjórða plássi og einasta liðið, ið kann spæla ÍF eitt puss, er henda: HB (ú), Suð­ringar (ú), Skála (h), KÍ (ú), B71 (h) og Víkingur (ú). NSÍ kann arga B68 Avbjóðingin hjá B68 í royndini at vinna uppflyting er at vinna seg fram­um næstbesta liðið hjá NSÍ, sum er á triðja plássi. Um B68 ikki vinnur seg av fjórða og fram á triðja pláss, so verður talan ikki um uppflyting. So verður tað bara ÍF, sum fer at flyta upp, og so verður tað bara eitt lið í bestu deild­ ini, sum fer at flyta niður. NSÍ avrikaði væl og virðiliga tað, sum tað varð roknað við, tá ið NSÍ longu fríggjakvøldið vann 5-1 á Vágseiði. Stóri NSÍ spælarin var Jann Benjaminsen, sum hevði skorað hattrikk longu tá ið ein hálv­ur tími var farin. Í seks teimum síðstu um­før­ un­um er skráin hjá NSÍ: Skála (h), KÍ (ú), B71 (ú), ÍF (h), HB (ú) og Giza Hoy­vík (ú). NSÍ er bara eitt stig frammanfyri B68. Tí er tað púra opið, um tað fer at eydnast B68 at vinna seg fram­ um NSÍ og harvið tryggja sær bronsu­krónurnar og uppflyting. Giza Hoyvík í klønum tráði Alt bendir á, at steðgurin hjá Suðr­ ing­um í næstbestu deildini bara verður eitt ár. Giza Hoyvík hevur síðani 2016 verið partur av næstbestu deildini. Í 2016 endaði Giza Hoyvík á fjórða plássi við 48 stigum, og síðani hev­ ur tað gingið skeiva vegin. Í 2017 endaði Giza Hoyvík á sjeynda plássi við 36 stigum, og nú stendur verri til enn so. Leygardagin var møguleiki hjá Giza Hoyvík at fáa fatur í rætta endanum, tá ið HB vitjaði á vølli­ num við Løgmannabreyt. HB skor­aði 1-0 sigursmálið bara tveir minutt­ir undan leikloki. Nú eru tað átta stig frá Giza Hoyvík og fram til HB og Skála, sum vann eitt stig í málleysum javnleiki á Sandi. Tað er alt, sum bendir á, at Giza Hoyvík fer at missa plássið í næst­ bestu deildini. Í seks teimum síðstu um­før­un­ um er skráin hjá Giza Hoyvík: KÍ (h), B71 (ú), Suðringar (h), Skála (ú), ÍF (ú) og NSÍ (h). ÍF – B68 5-0 (1-0) 1-0: Frank Poulsen 41. 2-0: Andy Ó. Olsen 51. 3-0: Ari Ó. Ellingsgaard 73. 4-0: Frank Poulsen 81. 5-0: Dánjal á Lakjuni 94. Víkingur – KÍ 1-1 (0-0) 0-1: Óli Eyðsteinsson Poulsen 55. 1-1: Finnbjørn Hansen 88. Giza Hoyvík – HB 0-1 (0-0) 0-1: Jógvan Skeel Nolsøe 89. B71 – Skála 0-0 Suðringar – NSÍ 1-5 (1-3) 0-1: Jann Benjaminsen br 12. 0-2: Jann Benjaminsen 17. 1-2: Jón Krosslá Poulsen 19. 1-3: Jann Benjaminsen 30. 1-4: Andri Benjaminsen 92. 1-5: Jákup Højgaard 94. 22. umfar Leygardagin 15. september Víkingur – B71 NSÍ – Skála Giza Hoyvík – KÍ HB – B68 Suðringar – ÍF Máltindurin Jan Ó. Ellingsgaard ÍF 15 Steffan Løkin 14 Tijani Mohammed B71 12 FÓTBÓLTUR Fuglfirðingar eru væl nærri uppflytingini, og óvissan um talan fer at verða um tveir uppflytarar er størri, eftir at B68 tapti í Fuglafirði 1. DEILD: SUNNUDAGURIN FER AT LÍKJAST SÆR SJÁLVUM 1. deild støðan NR. LIÐ D V J T MÁL S 1 KÍ II 21 15 4 2 57 20 +37 49 2 ÍF 21 15 3 3 73 34 +39 48 3 NSÍ II 21 12 4 5 64 29 +35 40 4 B68 21 12 3 6 43 30 +13 39 5 Víkingur II 21 9 2 10 30 40 -10 29 6 B71 21 8 1 12 36 51 -15 25 7 HB II 20 6 4 10 32 32 0 22 8 Skála II 21 6 4 11 33 41 -8 22 9 Giza Hoyvík 21 3 5 13 22 41 -19 14 10 TB/FCS/Royn II 20 1 4 15 16 88 -72 7