mánadagur 3. september 2018síða 18

Mánadagur 3. september 2018 · Nr. 101 18 Sosialurin Hugskot og viðmerkingar – send sms til 225000 FÓTBÓLTUR Jóannes Hansen Einasti heilt stóri spenningurin, ið ikki er svaraður í ársins kapping, er, hvørji tvey ella hvat tað liðið verður, sum fer at flyta niður. FM spurningurin og Europa spurn­ingurin eru ikki svaraðir, men tað er bara formelli parturin, sum er eftir at avgreiða. Seks umfør undan kappingarloki er HB tíggju stig undan næsta avbjóðaranum. Tað eru seks umfør og harvið átjan stig eftir at spæla um. HB hevur reist seg eftir vónbrotið í steypa­finaluni, og tað er heilt stór­ ur møgu­leiki fyri, at FM favoritt­ar­ nir fara at staðfesta meistara­heitið 23. september, tá ið HB í 23. umfari fer til Klaksvíkar. Kiksarin í steypakappingini svíður, men gongdin í lands­kapp­ ing­ini er glæsilig. Fríggjakvøldið 10. august – á Summarfestivalinum – hevði KÍ við heimasigri ímóti HB í átjanda umfari møguleika at leggja seg eitt stig framum HB. Nú eru 21 um­før avgreidd, og nú er KÍ tíggju stig aftanfyri FM favorittarnar. Eftir at hava verið á aldu­kambi­ num síðani ólavsøkuaftan hevði NSÍ leygardagin møguleika at lyfta eg uppum KÍ, men NSÍ tók ikki av. B36 liðið megnaði at vinna fulla úrtøku í Runavík, hóast fleiri av stuðulsspælarunum síðstu ferð­ir­ nar ikki vóru við. Benjamin Heine­ sen, Robert Heðin Brockie, Meinhar E. Olsen og Lukasz Cieslewicz vóru ikki á listanum, men so vóru tað eitt nú Ragnar Samuelsen, Hugin Samuel­sen og Gilli Samuelsen, sum tóku sítt tørn. 20 ára gamli Bjarni Petersen er vorðin stuðulsspælari, og Andrias H. Eriksen, sum plagar at vera vong­verji og miðverji, var hesa ferð á verjukendum miðvallarplássi undir liðini á Eli Falkvard Nielsen. FM og Europa eru um at hvørva KÍ – Víkingur 1-1 Tá ið Dagfinn Forná fríggja­ kvøldið bríkslaði fyri fyrstu ferð, brast lágættarillveðrið á sum úr byrsu­múla. Tað var ikki óvæntað, tí forsøgnirnar høvdu boðað frá tí. Vánaligu líkindini skuggaðu yvir grannauppgerðini. Tá ið havt verður í huga, hvussu veðrið lagaði seg leygardagin, og at tað bara er fjørður og tunnil millum partarnar, so átti dysturin at verið spældur kanska leygarkvøldið. Hvussu tað hevði ávirkað avrik og úrslit ber ikki til at siga. Eftir horna og aftur og fram legði altíð vandamikli veteranurin á vinstra vongverja, Hanus Jacobsen, Vík­ing framum. Víkingur gjørdi sjálv­mál løtu seinni, og so var liðugt við at skjóta mál. Tá umstøðurnar vera havdar í huga, var fótbóltsspælið hjá heima­lið­num í løtum gott. Gestir­nir kendu sín leiklut í verjustøðu, og teir dugdu væl í skjótum mót­álop­ um at spæla seg til málmøguleikar, og í síðstu løtu høvdu teir risa møgu­leika at skora sigursmálið. -FM heitið er burtur. Vit arbeiða fram­vegis við at menna liðið. Úr­ tøkan hevði fleiri onnur ár borið við sær, at vit vóru í FM stríðnum, men HB er í ár farið um øll mørk, og tað mugu vit virða HB fyri, sigur KÍ venjarin. Víkinga venjarin Sigfríður Clement­sen heldur, at hansara menn høvdu fleiri møguleikar enn heima­liðið: -Vit høvdu fleiri møguleikar enn KÍ, bæði í fyrra og seinna hálvleiki, og fram ímóti dystarenda høvdu vit risa møguleika at avgera, men tað eydnaðist ikki. Tá ið eg fekk ábyrgdina av Víkingi, vóru klaks­ vík­ingar betri enn vit á egnum økjum. Nú var tað púra javnt, og tað eiga vit at vera nøgdir við, sigur Sigfríður Clementsen. Hann ásannar, at Europa møgu­ leikin er langt burtur: -Vit taka ein dyst í senn, so telja vit saman í oktober, og tá fáa vit at síggja, hvussu langt tað røkkur, sigur Víkinga venjarin. Steypavinnararnir dusa sær NSÍ – B36 1-2 Tølini siga, at ofta gongur tað ikki so væl í fyrstu royndini eftir finalu­sigur í steypakappingini, og tøl­ini siga, at NSÍ síðani á ólavsøku hevur verið øgiliga sannførandi. Men við Løkin leygardagin gekk tað ikki soleiðis, sum tølini kundu bent á, at tað fór at gera. Tað var tætt og spennandi, og marginalirnir vóru ikki við heima­ liðnum, tá ið Árni Frederiks­berg úr góðari støðu sendi bóltin í stólpan. Dygst undan steðginum legði Odmar Færø B36 framum eftir innlegg úr vinstru frá Alex Mellem­ gaard í hugflogsríkum álopi, sum Od­mar sjálvur var upprunin til. Tað bar við sær, at B36 fyritreytirnar í seinna hálvleiki vóru góðar, og NSÍ mótbrekkan varð brattari, tá ið Hannes Agnarsson økti um mun­in tveir minuttir eftir at hann varð skiftur inn, og eftir at Tórður Thom­sen í NSÍ málinum hevði hálv­bjargað. Innskifti Øssur Dalbúð minkaði um munin við stútara eftir horna frá Peturi Knudsen úr vinstru, men tað eydnaðist ikki heimaliðnum at hótta B36. -Vit fegnast um sigurin, og vit fegnast um, at ungu menninir eru ágrýtnir og djarvir. Tað kostar onkun­tíð, so sigrar ikki verða til javn­leikir, men eg eri stoltur av óføru ungu monnunum. Nú hava vit vunnið atgongumerki at spæla í Europa, og nú spæla vit uttan press og stress. Spæligleðin er í topp, og tað haldi eg, at hon eisini var hjá NSÍ, sigur B36 liðformaðurin Odmar Færø. Øssur Dalbúð hjá NSÍ ásannar, at avrikið hjá heimaliðnum var ikki nóg gott: -Vit taptu so at siga allar tví­ dystirnar – bæði í brotsteiginum og úti á vøllinum, og tað ber ikki til, um tú ætlar tær at vinna. At teir skor­aðu dygst undan steðginum kom illa við. Vit høvdu lotið undan í seinna hálvleiki, og ivaleyst hevði tað verið lættari at lagt meiri fyri í álops­spælinum, um teir ikki høvdu skorað í fyrra hálvleiki. Tá ið vit høvdu minkað um munin, roknaðu vit av álvara við møguleikanum at vinna í hvussu so er eitt stig, og tað vóru vandamiklar støður, men tað var tíverri ikki nóg mikið, sigur Øssur Dalbúð. Glenn var í sjeynda himli Suðringar – EB/Streymur 2-1 Fyri aðru ferð í ár eydnaðist tað Suðr­ingum at vinna fulla úrtøku á heima­vølli. Úrslitið ber við sær, at tað nú eru ellivu stig frá níggjunda plássi og fram til Suðringar, sum har­við so at siga hava tryggjað sær rættin at halda fram í fremstu røð. Stefan Radosavljevic setti beinan­veg­in hol á, eftir at hann í FRÓÐI ÓLASON OLSEN AB: Eingin FM fóbóltur í Gundadali. Munurin á toppi og botni var, at hepni gav toppliðnum trý mál. Okkara menn raka barasta ikki kúnna(málið). Ps. Tað einu løtuna vóru fimm leikarar á HB liðnum sum leiktu við AB fyri tveimum árum síðani. Hvat sigur hetta ikki nógv um lívið. RÓGVI DAM EB/STREYMUR: Eg var ikki til dystin. Tí vit spældu ein lykla dyst í 2 Deild sum vit vunnu 8-1 á Undrið Tillukku við uppflyting í 1 Deild Saman standa vit sterk. KRISTIAN JOENSEN KÍ: Tað mest spennandi í dag, var hvør átti innkast. Dagfinn skuldi ongantíð fløyta dystin í gongd, tað var alt ov keðiligt veður JAN BOLSTAD ANTONIUSSEN NSÍ: Vit eru so von við at hølva B36 av uttanfyri vøllin, at mann gongur bara út frá at teir gera tað sama inni á vøllinum. Tað var so ikki tilfeldið í dag. Nú man tað vera uppá sítt pláss at ynskja HB Tillukku við FM. Vit koma sterkt aftur! Góðir! BJØRG OLSEN SKÁLA: 5-0 og tað var ikki eitt mál ov nógv. Klassamunur á liðunum. Okkara vóru flúgvandi, og hinir fingu ikki eitt bein til jørðina í dag. Go Skála Steypavinnararnir í B36 sektaðu NSÍ, sum ikki tók av møguleikanum at vinna seg á silvurplássið, og HB er nú tíggju stig frammanfyri KÍ, sum fyri stívliga trimum vikum síðani hevði møguleika at taka oddasessin Betri-deildin: HB VINNUR FM UNDAN MIKKJALSMESSU