mánadagur 3. september 2018síða 22

Mánadagur 3. september 2018 · Nr. 101 22 Sosialurin Hugskot og viðmerkingar – send sms til 225000 Vikan ið fór Lars Olsen tekur landsliðið út til dystir í Nations League ímóti Malta og Kosovo. Spildurnýggjur á landsliðnum er Magnus Egilsson úr HB. UEFA velur bestu spælarar í Evropa. Keylor Navas verður besti málverji, Sergio Ramos besti verjuleikari, Luka Modric besti miðvallari og Cristiano Ronaldo besti áleypari. B36 og HB fáa 15.000 krónur í bót og leikbann til hjálparvenjara og liðleiðara fyri klandurstøðurnar í rokaligu finaluni um Løgmanssteypið. Sonni Ragnar Nattestad verður leigaður úr Molde til AC Horsens í donsku Superliguni, har felagið eisini fær rættin at keypa hann. Rannvá B. Andreasen fær KÍ-kvinnur við aftur í FM-stríðið, tá hon við tveimum málum syrgir fyri 2-0-sigri á HB. HB dregur frá í Betrideildini hjá monnum. Leiðslan er 10 stig, nú teir vinna á AB samstundis sum KÍ og NSÍ ávikavist spæla javnt og tapa. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Nikkel Petersen Aldur: 27 Yrki: Bogaskjútti (Ørvur, Runavík) Royn tína vitan um ítróttin her og nú! Svarini standa niðast til vinstru, men royn teg nú fyrst 1. Aalesund 2. SÍ og Dráttur 3. FC Fredericia 4. Viking Stavanger 5. Tambar 6. Margunn Lindholm 7. 1989 8. Birgir Hansen 1. Hvussu eitur felagið í næstbestu norsku deildini, sum Sonni Ragnar Nattestad fyrr í ár var útleigaður til? 2. Í meistaradeildini hjá kvinnum í flogbólti eru tvey feløg úr Vágum við. Hvussu eita tey? 3. Jóan Símun Edmundsson hevur umboðað trý donsk feløg. OB, Vejle og hvat er tað triðja? 4. Hvussu eitur norska hondbóltsfelagið, sum Helgi H. Hoydal júst er farin at spæla við? 5. Hvussu eitur bogaskjótifelagið í Havn? 6. Hvussu eitur hon, sum avgjørdi steypafinaluna í kvinnufótbólti í ár við einum perlufrísparki? 7. Hvat ár vóru oyggjaleikir í Føroyum? 8. Hvussu eitur hondbóltsvenjarin á myndini? Hvussu gekst í EM í bogaskjóting? - Tað gekk heilt okey í mínari fyrstu hálvu, men í seinnu gekk ikki so væl, tí eftir at eg skeyt ein missara gekk alt niður av bakka, og eg fekk ikki bjargað støðuni fyrr enn teir síðstu pílarnir vóru skotnir. So í síðsta enda lá eg nummar 84 við 662 stigum, Jógvan Niclasen nummar 72 við 670 stigum og Jóannes Poulsen nummar 59 við 678 stigum. Eru tit nøgd við úrslitini? - Sjálvur eri eg ikki nøgdur við úrs­ litið, tí eg haldi at eg kundi gjørt tað munandi betri. Jógvan: Av tí at eg havi skotið so illa teir seinastu mán­aðirnar, so var eg sera væl nøgd­ur. Jóannes: Eg fann ikki heilt rút­muna fyrr enn í endanum á kapp­ingini, men tá komu nervar eisini uppá spæl, so alt í alt eri eg ikki so nøgdur við mína skjóting. Hvussu vóru umstøðurnar í Póllandi? - Umstøðunar vóru heilt eina­ stand­andi. Ein sera góður vøllur til kapp­ingina, og eisini var ein góður vøll­ur bara til venjing framan­und­ an kappingina. Hvussu eru umstøðurnar til bogaskjóting í Føroyum? - Í Føroyum eru trý feløg (Ørvur, Tambar og Vágaskot). Ørvur hevur eitt høli í verandi løtu til innan­ dura­skjóting, men hetta kann einans brúkast til venjingar - og ikki kappingar. Tá vit eru úti, eru vit í einum grótbroti á Lambareiði, sum vit einans kunnu brúka venj­ ing. Tambar er í Havn og hevur einans ein innandurabana at skjóta á, sum eisini bara kann brúkast til venj­ing. Vágaskot er í Miðvági og hevur ein fínan innandurabana, men heldur ongan bana uttandura. So fyri at taka samanum, so eru um­støðunar ikki nøktandi, og tað krevjast álvarsligar ábøtur til øll trý feløgini. Hvat verður næsta útlendska kapping hjá føroysku skjúttunum? - Í verandi løtu eru tað tvær stórar kappingar, sum vit miða fram í móti í 2019. Tær eru EM innan­ dura, sum verður í Bulgaria í tíðar­ skeiðnum 26. februar til 2. mars. So er tað VM uttandura, sum verður í Hollandi í juni - juli, og so er ein kapping, sum eitur NUM, ið er til ungdómsskjúttar. Eisini eru nakrar smærri kappingar, sum eru í tonkunum. Allar hesar kappingarnar kunnu blíva veru­ leiki, um fíggjarlig orka er til tað. ”Eg havi havt hugin og viljan at stríðast fyri plássinum, og tað sær út til at hava givið úrslit. Tað er stórt at spæla fyri síni tjóð.” - Margunn Lindholm um at vera komin innaftur í landsliðshitan ”Var av álvara frálíkur í dag. Skoraði eitt mál, legði upp til eitt annað og fór illa við verjuni hjá KR.” - fotbolti.net um avrikið hjá Jákupi Thomsen ímóti KR 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Myndin hesa vikuna Við 2-1-finalusigri á Japan vann Suðurkorea leygardagin Asian Games. Fyri Tottenham-leikaran á myndini, Heung-Min Son, hevði sigurin serliga nógv at siga. Gullið merkir nevniliga, at hann sleppur undan 21 mánaðar hertænastu í heimlandinum