týsdagur 4. september 2018síða 8

Mikudagur 5. september 2018 · Nr. 102 8 Sosialurin Hugskot og viðmerkingar – send sms til 225000 TÍÐINDI Árni Gregersen GREINING: Politiska stríð­ ið á Tvøroyri millum sitandi borgarstjóra, Kristin Michel­ sen, og meirlutan í býráðnum heldur fram. Meirlutin, sum fyrst og fremst er javnaðarumboðini í býráðnum, royna nú aftur at fáa borgarstjóran at velja millum borgarstjórastarvið og starvið, sum tingmaður, umboðandi Javnaðarflokkin. Meirlutin gjørdi annars greitt, tá ið meirlutin kravdi at nevndirnar í býráðnum, vóru valdar av nýggjum, at tey framhaldandi fóru at lata býráðsformannin eisini røkja sessin, sum tingmaður. Men nú hevur pípan eftir øllum at døma fingið eitt annað ljóð. Nú sigur sami meirluti, at borgarstjórin ikki røkir sítt starv á fullgóðan hátt og rógva framundir, at hetta kanska kemst av, at borgarstjórin hevur ov nógv at gera í sínum tingarbeiði. Torfør leið at ganga Lat tað verða sligið fast bein­an­vegin: tað skal ómeta­ liga nógv til fyri at fáa ein borgarstjóra frá. Borgarstjórin verður valdur fyri alt valskeiðið. Hann er væl vardur, tí tað verða settar rættuliga harð­ ar treytir til tann, sum átek­ ur sær starvið sum borhgar­ stjóri. Ein borgarstjóri í teimum størru kommununum, sum sita í fullum starvi, skal, tá ið hann er valdur, leggja borgarliga starvið frá sær um­framt øll almenn álitis­ størv, sum ikki beinleiðis hava samband við starvið sum borgarstjóri. Kommunustýrið kann loyva frávik frá regluni í 4. pkt, tá ið umræður størv sum eru beinleiðis fólkavald. Tað er júst hetta frávik, sum kommunustýrið á Tvør­oyri hevur givið Kristin Michel­sen,so hann kann røkja starvið sum tingmaður eisini. Onkuntíð hevur hendan reglan verið tulkað so, at hetta frávik bert er galdandi til kommunustýrið tekur eina nýggja avgerð, men nú bendir alt á, at tað skal meira til. Borgarstjórin er valdur fyri alt valskeiðið og er tú valdur í Løgtingið, so er tað ein sessur tú hevur, alt valskeiðið. Ongin kann taka sessin frá tær undir van­ ligum umstøðum. Heldur ikki stendur nakra­staðni í lógini, at kommmunustýrini hava hægri mynduleika enn veljar­arnir og tí kunnu taka ein tingsess frá nøkrum, so tann vegin ber ikki til at koma. Røkja starvið Sambært lógini um kom­ munu­stýrir, so kann borgar­ stjórin missa mandatiðå, mis­røkir hann starvið. Men heldur ikki tann vegin er lætt at koma, tí borgar­stjórar eru væl vardir. Í kommunustýrislógin stendur, at ber borgarstjórin seg undan at fremja tær upp­ gávur, ið annaðhvørt eftir hesi lóg ella kommunu­stýris­ skipanini eru latnar honum at umsita, kann kommunu­ stýrið tilnevna ein annan kommunustýrislim at røkja hansara uppgávur. Kommunustýrið kann í álvarsomum føri, ella tá borgar­stjórin ferð eftir ferð ber seg undan at fremja uppgávur sínar, fyri­bils velja ein annan kom­munu­stýris­ lim sum virkandi borgar­ stjóra Kommunustýrið tekur tó ikki einsamalt avgerðina, tí hon skal staðfestast av lands­stýrismanninum og tá ið tað er gjørt, so skal kommunustýrið leggja málið til dómsvaldið til rættar­ roynd. Fyrr enn rætturin hevur stað­fest avgerðina, skal borgar­stjórin ikki víkja sætið. Tað vil siga, at hetta er ein so knortlut gøta at ganga, at hetta ongantíð í hesum føri kemur uppá tal. Løgtingsval er í seinasta lagi 1.september næsta ár og onki er sum bendir á at nøkur skipan arbeiðir so skjótt, at skuldi hendan leið­ in verið vald, so er ongin av­ gerð fyrr enn eftir eitt val. So stríðið vit síggja er eitt politiskt stríð millum fólk úr Javnaðarflokkinum á Tvør­ oyri. Borgarstjórin er valdur inn á uttanflokkalista og hann verður sitandi sum borgar­stjóri, tíðina út. Býráðsformaðurin á Tvøroyri heldur fram í báðum sessum Býráðsformaðurin á Tvøroyri, Kristin Michelsen, heldur fram sum býráðsformaður og tingmaður fyri Javnaðarflokkin, tað sum eftir er av hesum valskeiðnum Stríð hevur mangan verið innanhýsis í Javnaðarflokkinum í býnum. Nú royna tey at fáa borgarstjóran at leggja annan sessin frá sær Kristin Michelsen situr tryggur í sessinum, bæði á Tvøroyri og í Løgtinginum