mánadagur 10. september 2018síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. september 2018 · Nr. 104 Freistin at søkja um verkætlanarstuðul frá NORA er 1. oktober 2018. NORA (Norrønt Atlantssamstarv) hevur sum endamál at styrkja samstarvið í Norðuratlantshavi. Eini 10 línuskip eru til fiskiskap Streymurin harðnar, men veðrið verður hampiligt teir næstu dagarnar Vilmund Jacobsen Trý ísfiskalínuskip fiska á djúpum vatni eftir longu og brosmu, og væntandi kemur eitt av hesum skipum inn at landa hesa vikuna og hini bæði í næstu viku. Trý onnur ísfiskalínuskip, sum eisini eru til fiskiskap, fáa mest av toski, svartkalva og nakað av blálongu, og væntandi landa øll hesi skipini í endanum av hesi vikuni. Á Fiskamarknaði Føroya siga tey, at trý frystilínuskip í løtuni fiska í grønlendskum sjógvi, og hesi fáa mest av toski og nakað av longu. Eitt frystilínuskip er eis­ ini til fiskiskap undir Før­ oyum. Útlitini til útróður hesa vikuna eru hampilig, tó at streym­urin harðnar. Men, vænt­andi verður veðrið hampi­liga gott, serliga í byrj­ an­ini av vikuni. - Helst verður nakað av útróðri fyrst í vikuni. Talan er mest um snellufisk, men nakað kemur eisini frá bát­ um, sum fiska við línu, verð­ ur lagt aftrat. Borgari fær heiður fyri avrik Vilmund Jacobsen Nú nærkast tíðin, til Vest­ mannadagar 2018 verða hildn­ir í Vestmanna. Tiltakið verður í døgunum 17.- 23. september, og um heimasíðuna  www.vestmanna. fo sæst útgreinað skrá fyri dagarnar. Á heima­síðuni liggur eisini ym­iskt kunnandi tilfar um fleiri av tiltøkunum, sum verða á skránni. Á Vestmannadøgum hesaferð fer bygdarráðið at heiðra ein borgara, sum á einhvønn hátt hevur gjørt okkurt munagott bygdini at frama. Hetta kann vera við ein­stakari serligari hend­ing ella við at hava arbeitt fyri einari søk til frama fyri Vestmanna gjøgnum longri tíð. Í Vestmanna siga tey, at heiðurin verður latin leygarmorgunin 23. september, tá kommunan bjóðar øllum til felags morgunmat í ítróttarhøllini. Átakið at heiðra ein borgara verður skipað soleiðis, at borgararnir sjálvir lata inn uppskot, og freistin at lata inn er mikudagin 19. september klokkan 12. Millum mongu tiltøkini á Vestmannadøgum verður eisini fiskikapping fyri børnum, Lat-og-fá marknaður, sum tað verður rópt, og her verður eisini stórur marknaðurdagur í Ítróttarhøllini, eins og skjótikapping verður úti á Berg. Stóri marknaðardagurin verður leygardagin 22. september frá klokkan 13 til 16. Tað, sum fólk ikki longur hava brúk fyri, kann vera júst tað, sum onkur annar leitar eftir. Talan kann vera um búnýti, leikur, klæðir, innbúgv ella okkurt heilt annað, sum fólk ynskja at selja. Fyrireikararnir av Vestmannadøgum vísa á, at borð verða sett upp í Ítróttarhøllini, har fólk kunnu selja sínar lutir. - Tað er ókeypis at luttaka, men neyðugt er við tilmelding, tá avmarkað nøgd er av borðum, verður lagt aftrat. VINNUDAGUR: Undirtøkan til Vinnudagin 2018 er góð. Hetta sæst aftur í tilmeldingunum. Av teimum stívliga 400 plássunum, eru tveir triðingar longu farin, veit Vinnuhúsið at siga í dag. Skjótt eru bara 4000 metrar eftir at bora og spreingja Tað gongur væl at bora og spreingja Eysturoyartunnilin, og nú er lítið meira enn stívliga longdin á einum longum tunli á landi eftir at spreingja Vilmund Jacobsen Tilsamans vórðu boraðir og sprongdir 145 metrar í Eyst­ ur­oyartunlinum í síðstu viku. Tað veit tunnilsfelagið í dag at siga í sínari nýggjastu dag­føring. - Á Hvítanesi vórðu 74 metrar sprongdir, og her eru nú tilsamans sprongd­ir 3.366 metrar frá Streym­oyar­land­ in­um. Sagt verður, at frá rund­ koyr­ingini á Skála­fjørð­inum og móti Hvítanesi vórðu í seinastu viku springdir 44 metr­ar, og her er samlaða metra­talið nú 1.055. - At enda vórðu 27 metrar boraðir og sprongdir frá rund­koyringini móti Rókini, og her er samlaða metratalið nú komið upp á 875. Tunnilsfelagið veit í dag at siga, at tilsamans eru nú boraðir og sprongd­ir 6.921 metr­ar av Eystur­oyar­tunl­in­ um, sum verður 11.250 metrar lang­ur. Hetta merkir, at nú er lítið meira enn 4.000 metrar eftir at bora og spreingja, til komið er ígjøgnum. Hetta svarar til stívliga longdina á einum longum tunli á landi.