mánadagur 10. september 2018síða 13

13 Mánadagur 6. januar 2014 · Nr. 2 Sosialurin Mánadagur 10. september 2018 · Nr. 104 Hugskot og viðmerkingar – send sms til 225000 STUTTSØGD Bjerringbro-Silkeborg hevur fingið eina ivasama byrjan upp á kappingarárið, men Jóhan á Plógv Hansen hevur verið væl upplagdur. Her heima er hondbóltsárið eisini so smátt farið í gongd – um vikuskiftið var nevniliga Lionsbikarið Pætur Albinus FÓTBÓLTUR Ein av teimum, sum spældu við tí so­kallaða danska vikarlandsliðnum eftir at donsku landsliðsleikararnir vóru í verkfalli vegna ósemju við DBU, var Anders Fønss. Hann hevur í samrøðu við DR sagt, at hann eftirlýsir takksemi frá donsku landsliðsleikarunum fyri at vikarar­nir vildu manna danska lands­liðið og lata upp fyri at Dan­ mark ikki fekk leikbann fyri ikki at møta upp. Danski lands­liðs­leikarin, Simon Kjær, vil tó ikki hoyra talan um at teir hava nakað at takka vikarunum fyri. - Í einari ósemju velur tú síðu. Eg lesi, at teir vænta eina tøkk. Men vit fara ikki at takka teimum, tí tað var ikki okkara síðu, teir tóku, sigur Simon Kjær í sam­ røðu við TV2. - Eg fari heldur at rósa teimum, sum søgdu nei. Eingin er hægri enn liðið, og soleiðis fer at altíð at vera, sigur Simon Kjær. BORÐTENNIS Føroyska landsliðið hevur hetta viku­skiftið verið á venjingarlegu í Danmark, har hond er løgd á seinastu fyrireikingarnar áðrenn EM í Spania seinni í vikuni. Talan er um EM í einmansleiki, tvímansleiki og blandaðum tvímansleiki. Tey, sum umboða Føroyar, eru Fróði Fríðason Jensen (Amager BTK), Hall­ur Thorsteinsson (Amager BTK), Durita Fríðadóttir Jensen (Tór) og Sólja Hilduberg Djurhuus (Tór). EM verður spælt í spanska býn­um Alicante í døgunum 18. til 23. september. Føroyskur lands­liðs­ venjari er danski Simon Nykjær- Fisher. FR. ÍTRÓTTUR FM fyri ung hevur verið á Tórs­ breyt um vikuskiftið, og har bleiv eitt nýtt føroyskt met sett. Tað var Lýdia Simonsen (fødd 2001), sum setti hetta metið í klingrukasti. Nýggja føroyska metið hjá henni eitur nú 31,91 metrar. HONDBÓLTUR Bjerringbro-Silkeborg fekk eina ivasama byrjan upp á nýggja kappingarárið, tá ið teir í fyrsta umfarinum spældu javnt ímóti Nordsjælland, og hóast uppreisn og tepran sigur á Ribe-Esbjerg í øðrum umfari, so bleiv tað aftur til eitt vón­brot í triðja umfari. Hesaferð var tað ein endurtøka av DM- finaluni í fjør ímóti Skjern. Hóast Skjern var illa mannað til dystin, so vunnu teir rímiliga greitt 33-29. Jóhan á Plógv Hansen útmerkaði seg á høgra vongi, og við sínum átta málum bleiv hann toppskjútti og dagsins leikari hjá heimaliðnum. Jóhan hevur tríggjar teir fyrstu dystirnar skotði 15 mál. Tað er næstflest á liðnum. Jónas Gunnarson Djurhuus og teir úr HØJ fingu eina góða byrjan upp á kappingarárið í næstbestu donsku deildini, har teir í ársins fyrsta dysti leygardagin vunnu 29-20 á Stoholm eftir at hava verið á odda 13-8 í hálvleikssteðginum. Jónas Gunnarson Djurhuus, sum spælir sítt annað kappingarár við HØJ, kom ikki á máltalvuna. Í gjár vóru dystir um Lions­ bikør­ini í føroyskum hondbólti. Hjá monnum vann H71 30-21 á Kyndli eftir at hava verið á odda 13-9 í hálvleikssteðginum. Rúni Vest Højgaard var toppskjútti hjá hoyvíkingum við 11 málum, meðan Høgni Klein Olsen og John í Inni­ stovu skutu hvør síni fimm mál fyri Kyndil. Hjá kvinnunum vann VÍF 28- 23 á Kyndli. VÍF var tepurt á odda í álvleikssteðginum, 15-14. Liljan Djurhuus var ein einmansherður hjá VÍF og skeyt helvtina av málunum (14). Toppskjútti hjá Kyndli var Súna Krossteig Hansen við 10 málum. TENNIS Novak Djokovic vann í nátt US Open á triðja sinni. Serbiska stjørn­ an gjørdi reint borð í finaluni, har tað bleiv til 3-0-sigur á argentinska Juan Martin del Potro eftir settúrs­ litini 6-3, 7-6, 6-3. 31 ára gamli Novak Djokovic hevur nú vunnið 14 Grand Slam-kappingar. Fyrr í ár vann hann eisini Wimbledon Open. Tann einans 20 ára gamla japanskt-amerikanska Naomi Osaka vann óvæntað US Open hjá kvinnum, tá ið hon í finaluni leygar­dagin vann á fyrimund síni, Serenu Williams. Úrslitið var 6-2, 6-4. Hetta var fyrstuferð, at Naomi Osaka vann eina Grand Slam. Hon er styrkismett nummar 19 í heim­ inum, men væntast at taka eitt stórt lop tá ið næsti styrkislisti verð­ur kunngjørdur. Serena Williams hevur eftir finaluna fing­ ið tillutað 17.000 dollarar í bót fyri at­burðin í finaluni, har hon eitt nú breyt ein ketjara og brúkti seg ímóti dómaranum. SÚKKLING Tað er óvanliga tætt í oddinum í stóru sponsku súkklukappingini, Vuelta a España, sum er ein av trim­um Grand Tours saman við Tour de France og Giro d'Italia. Nú tað í morgin verður farið undir sein­astu vikuna og seinastu seks teinar­nar í kappingini, eru tað heili fýra mans, sum eru minni enn ein minutt frá hvørjum øðrum í samlaðu kappingini. Simon Yates (Mitchelton-Scott) er fremstur, og honum á baki eru Movistar-lið­ felag­arnir, Alejandro Valverde og Nairo Quintana, ávikavist 26 og 33 sekund aftanfyri. Kolumbiski Miguel Angel Lopez (Astana) er 43 sekund aftanfyri. Teinin í gjár vann annars franski Thibaut Pinot (FDJ) eftir at hann sjálvur stakk av frá hinum. Vuelta a España endar sunnu­dagin, tá ið seinasti teinurin verður súkklaður til høvuðsstaðin, Madrid. Jóhan dagsins maður í vónbroti