mánadagur 10. september 2018síða 14

Mánadagur 10. september 2018 · Nr. 104 14 Sosialurin Hugskot og viðmerkingar – send sms til 225000 Pætur Albinus Tað hava verið nøkur risa fet, ið føroyski súkklarin, Torkil Veyhe, hevur tikið síðani hann sum ungur útmerkaði seg á før­oysku landavegunum, og sum hálv­vaksin í lestrarørindum í Århus limaði seg inn í eitt av lokalu súkklu­feløg­ unum, Odder Cykel­klub. Í súkkling verður tú einans máldur eftir úrslitum. Og Torkil fekk úrslit. Hetta hevur hjálpt honum at klintra upp eftir danska súkklustiganum, og eftir uppi­ hald í Team WeBike-CK Århus, ColoQuick-CULT og Team Virtu Cycling skiftir tann nú 28 ára gamli føroyski súkklarin eftir nýggjár til besta súkkluliðið í Danmark, Riwal Ceramicspeed Cycling Team. Liðið, sum í styttri útgávu verður nevnt Riwal, hevur nýliga fingið játtað luttøku á sokallaða pro­kontinental-støðinum, sum er næsthægsta stig yvirhøvur og tað hægsta styrkismetingin, ið nakað danskt súkklulið hevur. Riwal ynskti at fáa Torkil Veyhe við umborð í nýggju verkætlanina á hækkaða støðinum, men hetta var ikki fyrstuferð, at liðið hevur dyrgt eftir føroyska súkklaranum. - Eg tosaði eisini við teir í fjør, og tá umhugsaði eg at skifta til teir, sigur Torkil Veyhe, sum heldur valdi at skifta til Team Virtu Cyckl­ ing, ið seinni skifti navn til Team Waoo, og hevur Bjarna Riis sum ein av eigarunum. Í súkkluheiminum er mest van­ ligt at súkklarar gera eitt ára sátt­ málar, og soleiðis var eisini hjá Torkili Veyhe, sum eftir eitt gott kapp­ingarár Team Virtu Cycling, har sáttmálin rennur út við árs­ enda, umhugsaði støðuna av nýggj­ um og at enda tók avgerðina um at skifta til Riwal. - Eftir at Michael Skelde varð kunngjørdur sum ítróttarstjóri hjá Riwal komandi ár, umframt at teir flyta eina deild upp, so var eg als ikki í iva longur, at hetta var staðið, ið eg ynskti at vera, greiðir Torkil frá. Michael Skelde er virðismettur ítróttar­stjóri, sum Torkil hevur havt á Team Virtu Cycling, men sum herfyri fór úr starvinum eftir ósemju við Bjarna Riis. Michael Skelde skifti stutt aftaná til kom­ andi arbeiðsgevaran hjá Torkili, Riwal. - Hann er sera góður at fáa tað besta burturúr hvørjum einstakum súkklara og øllum liðnum, greiðir Torkil frá um Michael Skelde, sum hann nú altso aftur sleppur at ar­ beiða saman við. Tour de France? Ein, sum óivað eisini hevur hálað í nakrar træðrir fyri at fáa Torkil til Riwal, er kendi danski súkklarin, Chris Anker Sørensen. Hann er í ferð við seinasta kappingarár sum súkklari, men hann heldur fram í leiðsluni á liðnum. Chris Anker Sørensen, sum hevur súkklað Tour de France, Vuelta a España og Giro d' Italia fleiri ferðir, hevur nevniliga áður havt eitt gott eyga á Torkili. Tá ið TV2 setti honum uppgávuna at manna eitt lið við einans donskum súkklarum, ið hevði kunna klárað seg væl í einari Grand Tour, valdi Chris Anker Sørensen at seta Torkil Veyhe á liðið. Hann er eisini væl nøgdur við, at Torkil nú er á hansara liði. - Torkil Veyhe er ein brølandi sterkur súkklari, og hann er veruliga førur fyri at stríðast fyri liðið, segði Chris Anker Sørensen við TV2, tá ið skiftið gjørdist alment mikudagin í síðstu viku. - Hetta verður fyrsta árið hjá Riwal á prokontinental, so tað er ilt at siga hvussu stórur munurin verður frá kontinental, sum teir og eg súkkla á nú. Men eg veit, at teir eru í ferð við at økja uppsetingina, alt frá liðleiðarum og hjálparfólki til umstøðurnar hjá okkum súkklarum, greiðir Torkil Veyhe frá. Tað hevur kostað Riwal Ceramic­speed Cycling Team eina rúgvu at skifta frá kontinental til pro­konti­nental. Steffen Kro­mann, stjóri á liðnum, segði við heimasíðuna hjá Riwal, at tað eydnaðist at fáa øktan fíggjarligan stuðul frá verandi høvuðsstuðlum, Riwal og Ceramic­ speed, umframt at aðrir stuðlar eru lagstir afturat. Lopið til prokontinental merkir í prinsippinum, at Riwal og Torkil Veyhe kunnu súkkla Grand Tours so sum Tour de France. Hetta krevur tó eitt wildcard, og tá ið tað eru áleið 30 umsøkjarar til 3-4 wildcard-pláss, so eru sannlíkindini fyri hesum ikki so stór. Hinvegin, so hevur Riwal í hyggju at fáa wildcard í 2020 ella 2021, tá ið Tour de France sannlíkt fer at byrja í Danmark. Byrjar kappingin í Danmark, so eru nevniliga stór sannlíkindi fyri, at Tour de France fer at geva einum donskum liði eitt wildcard, og soleiðis sum landið liggur í løtuni, SÚKKLING Krútsterki súkklarin: Torkil Veyhe heldur fram við at klintra upp eftir danska súkklustiganum. Besta súkkluliðið í Danmark, Riwal Ceramicspeed, hevur tikið krútsterka føroyingin við á liðið næsta kappingarár, tá teir fara at kappast í nøkrum av heimsins størstu kappingum. - Hetta hevur kravt seriøst og dedikerað arbeiði, sigur Torkil, sum hevur ætlanir um at vinna seg uppeftir í hierarkinum á liðnum TORKIL TEKUR ENN EITT RISA FET Torkil hevði fyrr í ár fjallatroyggjuna í Ronde de l'Oise