mánadagur 17. september 2018síða 13

13 Mánadagur 6. januar 2014 · Nr. 2 Sosialurin Mánadagur 17. september 2018 · Nr. 107 Hugskot og viðmerkingar – send sms til 225000 STUTTSØGD Áki Egilsnes heldur egna málveitslu í Íslandi, har lið hansara hevur fingið dreymabyrjan. Tað sama gjørdi Jóhan á Plógv Hansen í Champions League, og í Danmark rann føroyskur veteranur eina framúr tíð í hálvum marathon Pætur Albinus FORMIL 1 Lewis Hamilton (Mercedes) fór enn einaferð avstað við sigrinum, tá ið kappkoyring var í Singapore í gjár. Bretski kappkoyrarin vann frammanfyri Max Verstappen (Red Bull) og Sebastian Vettel (Ferrari). Danski Kevin Magnussen (Haas) bleiv nummar 18, men kundi fegnast um at hann setti um­fars­ met á breytini í Singapore við tíðini 1:41.905. Sigurin hjá Lewis Hamilton hevur við sær, at hann í samlaðu kapp­ingini hevur økt um munin til Sebastian Vettel heilt upp í 40 stig. FR. ÍTRÓTTUR Rigmor N. Arge endaði frammarliga í sínum aldursbólki í hálvum mara­ thon, tá ið hon saman við mong­ um øðrum føroyingum luttók í Copenhagen Marathon í gjár. Rigmor rann teinin við tíðini 1:25:04, og er hetta 16 sekund frá persónliga meti hennara, ið hon setti fyri 18 árum síðani. Tíðin er 1 minutt og 46 sekund undir kravtíðina til oyggjaleikirnar. Rigmor bleiv numm­ar 67 av øllum kvinnunum á tein­inum og nummar fýra í aldurs­ bólkinum 45-49 ár. Eliud Kipchoge úr Kenja setti í stórum stíli nýtt heimsmet í marathon, tá hann leygardagin rann teinin við tíðini 02:01:39 í týska høvuðsstaðnum, Berlin. Hann tók einki minni enn ein minutt og 18 sekund av tí nú gamla heims­metinum, sum landsmaðurin, Dennis Kimetto, setti í 2014. Hetta var fjórðu ferð á rað, at ein úr Kenja setti heimsmet, og hetta var sjeyndu ferð á rað, at heimsmet varð sett í Berlin, har lendi og veður­lag til renning eru av teimum bestu. HONDBÓLTUR Tað gongur strúkandi hjá føroy­ ing­unum í íslendska KA, sum eftir tveir teir fyrstu dystirnar hevur lagt seg einsamalt á odda í bestu ís­lendsku deildini. Leygardagin bleiv tað til 31-20-stórsigur til KA á heimavølli ímóti Haukar. Áki Egils­nes bleiv annan dystin á rað greið­ur toppskjútti, hesaferð við níggju málum. Hann hevur nú skotið 17 mál fyrstu tveir dystirnar og er toppskjútti í deildini. Allan Norðberg, sum júst er skiftur til KA, hevur skotið seks mál fyrstu tveir dystirnar. Næsti dystur hjá KA verður leygardagin á útivølli ímóti Fram. Jóhan á Plógv Hansen var flúgv­ andi, tá ið Bjerringbro-Silkeborg í gjár setti hol á ársins Champions League-kapping við greiðum heima­sigri á russiska Chekovskie Med­vedi. Bjerringbro-Silkeborg, sum hevur fingið wild card til Champ­ions League í ár, vann 39- 28 eftir at hava verið á odda 21-16 í hálvleikssteðginum. Føroyski høgri vongurin skeyt einki minni enn 14 mál og gjørdist dagsins leikari. Hann hevði í alt 18 skotroyndir og tók sær eisini av brotskøstunum. Næsti dystur hjá Bjerringbro-Silke­ borg verður leygardagin á útivølli ímóti slovakiska HT Tatran Presov. Liðini í bólki C/D, sum hann kallast, eru Bjerringbro-Silkeborg, Sporting CP, HT Tatran Presov, Chekovskie Medv­edi, Besiktas og HC Metalurg. Frederikshavn FI, har føroyski Eirik­ur Simonsen spælir, tapti annan dystin út av tveimum hetta kappingarárið, tá ið tað leygar­ dagin bleiv til 22-25-heimatap fyri Team Sydhavnsøerne. Heima­liðið var annars á odda 15-13 í hálv­ leiks­steðginum. Eirikur Simon­ sen, sum í fjør spældi við Kyndli, men nú er fluttur til Danmarkar í útbúgvingarørindum, skeyt eitt mál í ársins fyrsta dysti ímóti Skive fH, men leygardagin kom hann ikki á máltalvuna. Betur gekst hjá Jónasi G. Djur­ huus og HØJ, sum leygardagin vunnu annan dystin av tveimum møgu­ligum hetta kappingarárið. Hesa­ferð bleiv tað til 32-30-sigur á úti­vølli ímóti HC Odense. Jónas var tó ikki við á liðnum hjá HØJ, sum er odda­lið í næstbestu donsku deildini saman við fýra øðrum liðum. NEVALEIKUR Heimskendi boksarin, Floyd May­ weather, ger comback seinni í ár. Tað boðar 41 ára gamli ameriku­ maðurin frá á instagram, har hann skrivar at talan er um ein dyst ímóti Manny Pacquiao seinni í ár. Júst Floyd Mayweather og Manny Pacquiao vóru í ringinum saman í 2015, har Floyd Mayweather vann dystin og áleið 1,4 milliardir krón­ ur. Floyd Mayweather, sum er rík­asta ítróttarfólk í heiminum og eigur nærum tríggjar ferðir so nógvar pengar sum Lionel Messi og Cristiano Ronaldo, gavst at boksa eftir at hann vann á UFC- stríðs­manninum, Conor McGregor, í august í fjør. Hann hevur vunnið allar 50 boksidystirnar, ið hann er skrá­settur fyri at hava boksað. RÓGVING Føroyski rógvarin, Sverri S. Niel­ sen, var tætt við at rógva seg í A-finaluna í HM í bulgarska býn­ um Plovdiv, tá ið hann fríggja­ dagin var 0,77 sekund frá at blíva nummar trý í hálvfinaluni og fáa atgongumerki til finaluna. Ron­ ing.dk skrivar, at Sverri eftir fyrstu 500 metrarnar var 2,78 frá finalu­ gev­andi plássinum, men hóast ein framúr endaspurt, so endaði hann við at gerast júst ov stuttur. Hann var í tættari kapping við ný­ sælendska Robert Manson, ið eigur heimsmetið í sokallaða single-skull­ aranum, sum Sverri S. Niel­sen rør í. Sverri Nielsen hevur síðani 2011 verði partur av Team Dan­mark. Hann er uppvaksin í Miðvági, og hevur áður róð føroyskan kapp­ róð­ur og innandura róður. albinus@sosialurin.fo Áki er toppskjútti í Íslandi