týsdagur 18. september 2018síða 30

Mikudagur 19. september 2018 · Nr. 108 30 Sosialurin Hugskot og viðmerkingar – send sms til 225000 FÓTBÓLTUR Pauli Poulsen hevur takkað fyri seg, sum venjari hjá 07 Vestur. Ein avgerð, sum hann sjálvur hevur tikið. Nú skal Sigtór Petersen enn eina ferð bjarga vágamonnum Pauli gevst í 07 vestur: Tróndur Arge Pauli Poulsen takkaði í fjør fyri seg, eftir trý og eitt hálvt ár sum venjari hjá Skála. Hann segði tá, at hann hevði hug at royna okkurt nýtt. Tann møguleikan fekk hann í 07 Vestur, sum stríðist við at vinna sær fast pláss í bestu deildina. Liðið megnaði í fjør at yvirliva, men tað er við góðari hjálp frá næstbestu liðnum hjá KÍ og NSÍ, sum bæði endaðu frammanfyri B68 í 1.deild. Tað merkir, at bara AB flytur upp, tí tað er ikki møguligt at flyta upp, um tú ikki ert í topp trý í næstbestu deildini. Kappingarárið í ár hevur ikki eydnast so væl, sum tey í felagnum helst høvdu ynskt. Tað gekk strilti at fáa fyrsta sigurin. Ikki fyrr enn í 12. umfari bragdaði, tá liðið vann 4-1 á Skála. 07 Vestur hevur nú 10 stig á 10. plássi, men tað eru bara tvey stig upp til argjamenn á níggjunda plássi. Hetta kann verða nokk til at yvirliva í deildini. -Tað skuldi verða nú Hóast avrikini hava verið á eini leið í seinnu hálvu, so valdi Pauli Poul­ sen mánadagin at leggja frá sær sum venjari hjá 07 Vestur. -Skuldi tað verða ein broyting, og skal ein avloysari hava nakran kjans, so kann tað ikki verða seinni enn hetta. Tað er við vón um, at nýggjur persónur og nýggj rødd kann rista eitt sindur í, sigur Pauli Poul­sen við Sosialin, og leggur aftur­at: -Hetta er mín avgerð. Eg føli, at hetta er tað besta fyri liðið. Nú hevur ein nýggjur venjari eina viku til dystin móti AB, men eg hugsi eisini um nakrar av komandi dystunum, sum eitt nú EB/ Streymur og Suðringar á heima­ vølli. Skal ein venjari hava møgu­ leika at gera mun, so mátti hetta henda nú, sigur hann. Misjøvn gongd Tað gekk strilti at stig í fyrstu um­ før­unum. Fyrsti sigurin kemur ikki fyrr enn í 12. umfari, men síðani hava sigrar á Víkingi og AB gjørt mun, men seinastu umførini hevur einki staðið til. -Tað vóru nógvar broytingar í fyrru hálvu. Liðið misti fleiri roynd­ ar spælarar, meðan spælarar sum Ndende Adama Guye og Martin Tau­sen er skaddir, men teir ungu spælar­arnir ikki hava so nógvar royndir, sigur Pauli Poulsen, sum tó heldur at seinna hálva hevur sæð betri út. -Í seinnu hálvu hevur tað verið meiri stabilt, sjálvt um okkurt hakk er komið í lakkið. Vit vunnu á AB fyri ikki so langari tíð síðan, har vit spæla væl, men tað hevur eisini verið stabilt við spælarum, sigur Pauli Poulsen. Hann gleðist um, at ungir spælar­ar sum Dann Fróðason, Silas Eyðsteins­son og Asbjørn Heðinsson hava gjørt framstig sum spælarar. -Eg havi trivist væl í 07 Vestur og ongantíð kent annað enn stuðul frá spælarunum. Hetta er eitt felag, sum stríðst fyri at klára at stabili­ sera seg í bestu deildini. Tað hava verið nógvar broytingar og nógvir óroyndir spælarar, men eg haldi at teir hava ment seg, sigur Pauli Poulsen. Lykladystur komandi umfar 07 Vestur hevur 10 stig á 10. plássi. Argja­menn hava 12 stig á níggjunda plássi. Sum støðan er í 1.deild, so er væl hugsandi, at nummar níggju í Betri deildini hjá monnum yvirlivir. Kom­andi sunnudag verður botn­ brak á Argjum, tá AB tekur ímóti 07 Vestur. Tí kann tað tykjast eitt sindur løgið, at leggja frá sær júst nú. -Tað er ikki bara dysturin móti AB, sum er týdningarmikil. Tað koma eisini nakrar heimadystir móti EB/Streymi og Suðringum. Skal ein venjari kunna seta sín dám á liðið, so kundi hetta ikki henda nógv seinni enn nú. Eitt stig á Argjum kann eisini brúkast, sigur Pauli Poulsen. Hann leggur afturat, at hann trýr upp á, at 07 Vestur yvirlivir. Sigtór tekur við Tað verður Sigtór Petersen, sum skal venja 07 Vestur restina av kapp­ingar­árinum. Hann tók eisini við í fjør, tá Trygvi Mortensen legði frá sær. Tá vann 07 Vestur tríggjar av fýra teimum seinastu dystunum og yvi­r­livdi, meðan ÍF flutti niður. Fyrrverandi verjuspælarin í felag­num er bara 30 ára gamal, men hevur víst seg at rakt rætt oftani, tá hann hevur staðið við róðrið. Hann er í løtuni í holt við venjaraprógvini hjá Fótbóltssambandinum. trondur@sosialurin.fo -HETTA ER MÍN AVGERÐ