hósdagur 20. september 2018síða 36

VINNUBLAÐIÐ HJÁ MIÐLAHÚSINUM 12 September 2018 21 Árni Ellefsen Tað stóð ikki skrivað í stjørnunum, at Árni Ellefsen skuldi gerast stjóri í øðrum av stóru bankunum í Føroyum. Men í dag situr hoyvíkingur einsamallur sum stjóri í høvuðssætinum hjá Bank Nordik á Oknarvegi mitt í Havn. Árni Ellefsen hevur sitið har síðani hinir báðir stjórarnir fóru úr bankanum og hann tók við. Bank Nordik hevur havt ávísar trupulleikar gjøgnum seinnu árini. Eins og hin bankin fór hann í bankavinnuna bæði í Grønlandi og í Danmark, uttan at tað gav tað stóra avkastið. Sum stjóri hevur Árni Ellefsen saman við nevndini fingið vent gongdini, so bankin í dag hevur tað gott. Framvegis er umdømi hjá bankanum millum kundar í Danmark ikki so gott, men í Føroyum er bankin framvegis vælumtóktur millum brúkararnar. Árni Ellefsen er sjálvur grannskoðari og arbeiddi í mong ár í fyritøkuni Spekt, sum pápi hansara, Pauli Ellefsen, grundlegði. Seinni fór hann í aðra vinnu sum fíggjarleiðari og var ein partur av fyritøkunum, sum íløgufelagið Tjaldur átti. Stjórin í Bank Nordik er rættuliga kontantur í sínari dagligu framferð. Netverkið hevur hann í familjuni, men eisini millum advokatar og grann­skoðarar í Hoyvík. Í dag er Árni Ellefsen ein av teimum fáu í Føroyum, sum endaliga kann siga ja ella nei, tá ið fyritøkur, stovnar ella privatpersónar royna at fáa fígging til verkætlanir ella til keyp av húsum. Ben Arabo Nýggjur á øðrum plássi er forstjórin í Betri- sam­takinum, Ben Arabo. Hann er nýggjur í fígg­jarheiminum og hevur ikki enn sitið eitt ár í stjórastarvinum í Betri. Ben Arabo er kollfirðingur. Mesta partin av sínum vaksna lívið hevur hann arbeitt í oljuvinnuni – fyrst og fremst hjá Hess, men árini undan hann kom til Betri var hann stjóri í Atlantic Peroleum. Høvuðsgrundin til at Ben Arabo er so høgt á hesum lista er, at hann sum forstjóri situr á størsta føroyska pengakassanum. Hetta gevur honum eitt stórt vald, hóast tað kanska ikki altíð kennist soleiðis, tí hann er ikki við í beinleiðis sambandinum við kundarnar hjá Tryggingingarfelagnum, Betri Banka ella hjá Betri Heim. Stjórin í Betri-samtakinum hevur aðrar stjórar undir sær, men tað er hann sum hevur ábyrgdina av, at samtakið verður rikið væl og at allar deildir yvirhalda tær reglur, sum fíggjarfyritøkur eiga at halda. Ben Arabo er 45-ára gamal. Í síni starvstíð í oljuvinnuni hevur hann so at siga alla tíðina havt starvsstað uttanfyri Føroyar, men hevur kortini valt so at siga alla tíðina at veri búgvandi á Oyrareingjum, har hann eisini vaks upp. Betri-samtakið er í dag klárt størsti spælarin á fíggjarmarknaðinum í Føroyum. Í einari samrøðu við Vinnublaðið hjá Sosialinum nakrar mánaðir eftir 1.desember í 2017, tá ið hann tók við starvinum, segði hann millum annað um tað uppgávu hann hevur fingið: -Hetta passar mær væl. Talan er um at samtakið hevur eitt endmál , har tað ræður um at gera okkum til besta tilboðið til føroyskar kundar á øllum teimum økjum, sum Betri virkar á. Jákup Jacobsen Jákup Jacobsen er stjóri í felagnum, sum rekur reiðaravirkið í Gøtu sum eigur stóru upp­sjóv­ arskipini. Virkið eigur eisini saman við øðrum flakavirkið í Runavík umframt bortn­fiska­trol­ar­ arnar har. Fyritøkan, sum Jákup Jacobsen er stjóri í, eigur eisini risastóra uppsjóvarvirkið á Tvør­oyri, Varðin Pelagic. Samtakið í Gøtu er stórt. Við fleiri skipum í uppsjóvarvinnuni, botnfiskatrolarum og parti av línuflotanum umframt Varðan Pelagic, eru fleiri hundrað fólk knýtt at fyritøkuni. Jákup Jacobsen er útbúgvin byggifrøðingur, men hevur síðani fyrri Tróndur í Gøtu kom til landið, verið stjóri í fyritøkuni. Tað var ikki altíð lætt tey fyrstu mongu árini, men við treiskni og skilagóðum avgerðum, tiknum í røttum tíma, er fyri­tøkan blivin til tað, sum hon er í dag. Ein av røttu avgerðunum var, tá ið Varðin seldi síni partabrøv í Havsbrún og legði kapital­ grund­arlagið undir felagnum. Ein onnur var, tá ið avgørt var at byggja nýggja uppsjóvarvirkið á Tvøroyri, heldur enn nakra aðrastaðni. Tað gav fyritøkuni og stjór­ an­um stóra vælvild í politisku skipanini, at fyri­tøkan á tann hátt hevur spjatt sítt virksemi kring um í landinum. Jákup Jacobsen sjálvur er stillførur maður. Orðini rapa ikki úr honum, men tá ið hann tekur orðið, so hevur tað hann sigur vekt. Harumframt kann sigast um mannin, at hann altíð hevur verið skemtingarsamur og sær tað skemtiliga í gerandisgegnum, uttan mun til hvussu tað annars gongur. Hanus Hansen Skiparin og reiðarin í Klaksvík, Hanus Hansen, er sjálvandi eisini millum maktmiklastu fólkini í Føroyum. Stóra fyritøkan, sum umfatar Kósina og reiðaravirkið JFK, er so stórur partur av vinnu­ lív­inum í Norðoyggjum, at tað gevur Hanusi Hansen almikið vald. Fyritøkurnar, sum hann stjórnar, hava ikki bert egin skip, men eru eisini partur av so at siga øllum flotanum í Klaksvík. Hanus Hansen var upprunaliga skipari, men hevur mongu seinnu árini sitið í stjórastólinum í størstu fyritøkuni í Klaksvík. Gjøgnum tíðarskeiðið arbeitt var við ný­ skipan av fiskivinnuni, hevur Hanus Hansen verið ein av teimum, sum oftast er møttur til al­mennar fundir um evnið, umframt at hann gjøgnum reiðarafelagið hevur gjørt sína ávirk­ an galdandi. Fyritøkurnar hjá Hanus Hansen hava áhuga­mál í botnfiskiskapinum í Barents­havin­ um, í uppsjóvarvinnuni, men so sanniliga eisini í botn­fiski­skap­inum undir Føroyum. Hanus Hansen er millum teirra, sum hevur dugað at samstarva við útlendingar um verk­ ætl­anir í Føroyum – bæði við norðmenn og nið­ur­lendingar. 2 Tey 25 maktmiklastu 3 4 5