hósdagur 20. september 2018síða 40

VINNUBLAÐIÐ HJÁ MIÐLAHÚSINUM 16 September 2018 21 Bogi Jacobsen Hann bleiv settur stjóri á uppsjóvarvirkinum á Tvøroyri, skiparin úr Gøtu. Bogi Jacobsen hevur í fleiri ár staðið á brúnni á bestu uppsjóvarskipunum, men tað er hann, sum nú situr á ovastu rók á Varðanum Pelagic. Ungi gøtumaðurin hevur megnað at fáa stóra virkið at virka og hann hevur eisini staðið á odda í endurbyggingini eftir brandin á Tvøroyri, sum legði virkið í øsku. At hann hevur vunnið sær virðing sæst av, at hinir arbeiðsgevararnir hava valt hann til formann í Føroya Arbeiðsgevarafelag. Í løtuni er nýggja virkið, sum er nógv meira nýmótans enn tað sum brendi, við at koma upp í fulla ferð við framleiðsluni. Bogi Jacobsen er nýggjur á listanum. Poul Michelsen Sum vit hava gjørt vart við í innganginum, so er politikarar, sum heild valdir frá, tá ið hesin listin varð gjørdur. Kortini er Poul Michelsen at finna á listanum og tað er fyrst og fremst tí hann sum landsstýrismaður við vinnumálum, eigur partabrøvini í almennu partafeløgunum. Hóast ofta verður tosað um armslongdarprinsippið, so hevur hann sum partaeigari meira vald inni í vinnulívinum enn onnur landsstýrisfólk. Høgni Hoydal Hin politikkarin, sum er við á listanum er Høgni Hoydal, lands­ stýrismaður við fiskivinnumálum. Landsstýrismaðurin við fiskivinnumálum hevur altíð ávirkan á fiskivinnuna, men serliga Høgni Hoydal hevur brúkt sína ávirkan. Við treiskni og áhaldni hevur hann fingið samtykt eina nýggja fiskivinnuskipan. Ongantíð hevur tað verið undanbrekka, men kortini er hon samtykt og partvís sett í verk. Tað er vald. Eirikur Lindenskov Blaðstjórin í Miðlahúsinum er miklum teirra, sum ávirkar al­ mennu meiningina. Hann hevur ovastu redaktionellu ábyrgd­ina í Miðlahúsinum, sum umfata bæði Sosialin og størsta net­port­ alin in.fo. Sjálvandi hevur Kringvarpið eisini stóra ávirkan, men stovnurin liggur í koma við fyribils leiðslu, so tað tekur sjálvandi tíð til leiðslan aftur fær stungið út í kortið. Eirikur Lindenskov hevur saman við leiðslu og starvsfólkum gjørt Miðlahúsið til størsta privata miðil í Føroyum. Jóhanna á Bergi Stjórin á tjóðarflogfelagnum hevur sjálvandi stórt vald. Jóhanna á Bergi er onnur av tveimum kvinnum á listanum. Hon hevur víst hegni í øðrum størvum og nú stýrir hon í stóran mun ferðingini millum Føroyar og útheimin. Atlantsflog hevur í hennara tíð fingið kapping frá SAS, men føroyska felagið hevur tikið kappingina upp – og higartil við góðum úrsliti. Rúni M. Hansen Rúni M. Hansen var í nógv ár ovarlaga í norska oljufelagnum Statoil, men nú er hann aftur fast í Føroyum. Hann er formaður í nevndini fyri Bakkafrost, umframt at hann eisini er í toppinum í íløgufelagnum Tjaldur. Rúni Hansen hevur eisini sítt egna felag, saman við einhum fyrrverandi stjóra í oljuvinnuni. Ávirkanin er stór og hann ferðast í fundarhølum hjá størstu fyritøkunum í landinum. Hann hevur skapt sær ein leiklut, har hann er millum teirra, sum hálar í træðrirnar runt umkring. Tey 25 maktmiklastu 17 18 19 20 21 22