hósdagur 20. september 2018síða 44

VINNUBLAÐIÐ HJÁ MIÐLAHÚSINUM 20 september 2018 20 Føroya Arbeiðsgevarafelag skipar fyri Vinnu­ degnum. Vinnudagurin er hátíðardagurin hjá føroysku vinnuni, har umboð úr vinnuni savnast til áhugaverdar fyrilestrar og sosiala sam­veru. Norðurlandahúsið er aftur í ár karmur um Vinnudagin, har vinnan kann fáa íblástur til framtíðar virksemi, umframt at møguleiki er at hitta kundar, veitarar og samstarvsfelagar í einum óformligum umhvørvi. Julio Zaguini hevur drúgvar royndir sum stjóri m.a. í risafyritøkuni Google, har hann hevur starvast á høvuðssætinum hjá Google í Sili­con Valley og staðið á odda fyri mark­naðar­ før­ingi av Google í Latínamerika. Sein­asta árið hevur Julio Zaguini arbeitt sum íleggjari og ráð­gevi. Á Vinnudegnum fer hann at tosa um nýggjastu vitanina innan tøkniliga menning av soft­ware og hardware og um, hvussu fyritøkur kunnu fyrireika seg til nýggjar møguleikar og av­bjóðingar. Heiða Gunnarsdóttir Nolsøe gjørdist íverk­ seti, meðan hon læs til til sivilverkfrøðing. Saman við Marie S. Berggren stovnaði hon tá fyritøkuna DropBucket, sum nú hevur nøkur ár á baki. Á Vinnudegnum fer Heiða at greiða frá roynd­um teirra í hesum sambandi. Jonne Hellgren er stjóri og ein av stovnar­ un­um av RePack. RePack er skjótt vaksandi fyri­tøka, sum veitir burðardyggar endur­ nýtslu­loysnir innan pakka- og flutningstilfar til e-handil. Fyritøkan fekk norðurlendsku um­ hvørvis­virðislønina í 2017, tí fyritøkan klárar at sameina umhvørvi og handil, og tí hon á ein nýggjan og lættan hátt varpar ljós á m.a. endur­nýtslu. Eisini verður spennandi røð við styttri fyri­ lestrum undir heitinum »Lopið ut í heim – royndir­nar hjá føroyskum fyritøkum«. Her fara Árni Skaale, stjóri í LookNorth, Mariann Klein Ivansdóttir, stjóri í Royal Inter­ coiffure, Karin Visth, vínserfrøðingur á KOKS og Guðrun Rógvadóttir, stjóri í Guðrun & Guðrun, at greiða frá teirra royndum við at selja vørur sínar til heimsmarknaðin. Julio Zaguini Why tech and innovation matters more than ever and how individuals and business should adapt to and benefit from it Seinastu árini hevur tøknulig menning stað­ið á dagsskránni, og vit hava sæð munandi framstig innan kunningartøkni - bæði í sambandi við hardware og software. Tøknilig menning hevur stóra ávirkan á fólk kring allan heim, og menningin fer tvørtur um landamørk, soleiðis at fólk í USA, Japan, Føroyum ella Brasil verða knýtt saman og kunnu samskifta og samstarva á nýggjan hátt. Á Vinnudegnum fer Julio Zaguini at tosa um, hvat framtíðina hevur at bjóða innan tøknina, og hvussu vit kunnu fyrireika okkum sum ein­staklingar og fyritøka, so vit fáa sum mest burturúr hesi menning. Artificial Intelligens (AI) og framkomin marknaðarføringsamboð verða nøk­ur av høvuðspunktunum í fyrilestrinum. Julio Zaguini hevur 35 ára royndir, har hann sum stjóri, ráðgevi og íleggjari hevur arbeitt við tøkni, marknaðarføring og menning sum heild. Heiða Gunnarsdóttir Nolsøe “Eitt lúsa Ruskílat" - frá hype til handilsmenning  Heiða Gunnarsdóttir Nolsøe gjørdist kend í Føroyum í 2012, tá hon og ein lestrarfelagi upp­funnu DropBucket. Skjótt varð greitt, at Drop­Bucket var ein vøra, sum varð eftirspurd, og tær vunnu fleiri písir innan íverksetan og snið­geving. Á Vinnudegnum fer Heiða at tosa um vøru­ menning og innovatión og hvørja ávirkan tað hevði á teirra fyritøku at vinna RedDot Design Award, sum er heimsins fínasti heiður fyri snið­ geving. Somuleiðis snýr fyrilesturin seg um týdn­ ingin av at verja egið snið og um teirra um­ fat­andi rættarmál ímóti handilsketuni Bones. Um handilsmenning, at økja virksemið í ein­ ari lítlari fyritøku og at víðka virksemi til onnur lond.  Jonne Hellgren How to remove packaging trash from e-commerce Jonne Hellgren er ein av stovnarunum og stjóri í finsku fyritøkuni RePack. RePack er einasta fyritøka av sínum slagi, sum selur burðar­dyggar pakkaloysnir til e-handil. Kund­ in bíleggur sum vant á netinum, men tá pakk­ in verður sendur við RePack innpakningi ber lættliga til en senda innpakningin aftur til av­ sendaran, sum tá kann endurnýta inn­pakn­ing­ in. Henda loysn verjir umhvørvið og er sam­ stundis bíligari fyri kundan. RePack hevur vunnið fleiri viðurkenningar, millum teirra er norðurlendska um­hvørvis­ virðis­lønin í 2017. Á Vinnudegnum greiðir Jonne frá, hvørjar avbjóðingar vit hava í brúkarasamfelagnum, nú alsamt fleiri vørur verða keyptar á netinum. Eisini greiðir hann frá, hvussu nýggj hugskot kunnu hjálpa kundanum, samstundis sum hædd verður tikið fyri byrðardyggari menning. Lopið út í heim – royndirnar hjá føroyskum fyritøkum Hetta er ein spennandi røð av fyrilestrum, har vinnu­lívsfólk frá føroyskum fyritøkum úr ymisk­um vinnugreinum greiða frá gongdini at selja sínar vørur uttanfyri Føroyar, og hvørjar roynd­ir tey hava gjørt sær. Fyrilestrahaldararnir eru: Árni Skaale, stjóri í LookNorth - Tað serstaka og tann rætta kontaktin Mariann Klein Ivansdóttir, stjóri í Royal Intercoiffure - Føroyar eru heimsins nalvi Karen Visth, vínserfrøðingur á KOKS - Kann ein matstova ávirka útflutningsvinnuna? Guðrun Rógvadóttir, stjóri í Guðrun & Guðrun - Dirvi til at vera øðrvísi Ársins Virki og Ársins Átak Ársins Virki og Ársins Átak eru afturvendandi á Vinnudegnum, og stórur spenningur er altíð um, hvør vinnur heiðurin hesaferð. Endamálið við at velja Ársins Virki og Ársins Átak er at menna vinnuligan hugburð, skapa stoltleika í vinnuni og at økja virðingina fyri vinnuni hjá myndugleikunum og vanliga borgara­num. Heiðurin sum Ársins Virki verður latin Á VINNUDEGNUM 2018 VERÐA YMISK VIÐKOMANDI EVNI VIÐGJØRD OG LÝST Í FYRILESTRUM VIÐ BÆÐI FØROYINGUM OG ÚTLENDINGUM. EISINI VERÐA ÁRSINS VIRKI OG ÁRSINS ÁTAK KOSIN Vinnan hittist til samveru og íblástur