mánadagur 24. september 2018síða 2

Mánadagur 24. september 2018 · Nr. 110 2 Sosialurin Hugskot og viðmerkingar – send sms til 225000 Oddagrein Hugskot og viðmerkingar – send sms til 225000 Eirikur Lindenskov eirikur@sosialurin.fo Eirikur Lindenskov eirikur@sosialurin.fo Hugskot og viðmerkingar – send sms til 225000 TÍÐINDI SÍÐA 6 Funnu grind á Gøtuvík TÍÐINDI SÍÐA 10 Hýsan komin fyri seg Eitt kunnu vit í øllum førum siga um Javnaðarflokkin: Tey hava ver­ u­liga gjørt sær ómak at spilla sítt egna trúvirði. Fyrst var tað Sonja Jógv­an­s­ dótt­ir, sum rýmdi úr flokkinum sama dag, sum hon hevði valt Aks­ el V. Jo­hannesen til løgmann. For­ nerm­að um okkurt, sum hon ikki vil siga Før­oya fólki. Síðani hevur hon koyrt í sjálvdrátti. So vóru tað vargarnir á Tvøroyri, sum í heilum skulu gera seg upp við at vera upp á tvørs, bæði av flokk­i­ num sum so – og mín sann eisini í ein­um traditionellum lokalum inn­ an­hýs­is­stríði á Tvøroyri. Til kommunuvalið sprongdist Javn­að­ar­flokk­urin á Tvøroyri. Onk­ ur kallar tað makt­girnd – onkur kallar tað persónligt stríð, men tað førdi so til, at Kristin Michelsen ikki still­aði upp á listanum hjá Javn­að­ar­flokk­i­num, men gjørdi sín egna lista, sum hevði sum fremsta mál at seta Javn­að­ar­flokk­in uttan fyri á­virk­an í Tvør­oyr­ar býráð. Ein gerð, ið sam­bært einhvørjari floks­ við­tøku merk­ir, at hann ikki kann stilla upp fyri flokkin til løg­tings­ val­ið. Sum um tað ikki er nóg mikið, so er flokkurin farin at stríðast inn­ an­hýs­is um raðfesting av smærru tunl­u­num. Sum um tað ikki var nóg mik­ið at stríðast um raðfestingina av tunlunum norð um Fjall á Borð­ oynni. Henrik Old eigur vónina hjá fólki í smábygdum at fáa tunnil. Um tað ikki var fyri hann, so hevði eing­in tosað um hesar tunlar yv­ir­ høv­ur. Men løgið, at flokkurin so ikki finn­ur útav – innanhýsis – at rað­ festa. Úrslitið av hesum klutrinum er nú, at fólk í Fámjin og í Suðuroy eru í øðini. Borgarstjórin í Fámjin fer úr nevnd­ini í javnaðarfelagnum, tí at samgongan tekur Hen­rik Old av ræði og sigur, at Dal­s­tunn­ilin skal ger­ast áðrenn Fámj­ins­tunn­ilin. Hvat bagir hesum fólkum, sum so bráð­ræs­in bóðu um fólksins álit, tí tey høvdu loysnir upp á alt fyri vali­ð? Tey vunnu stórsigur og fingu frítt at fara við øllum teimum góðu loysnunum, sum tey høvdu. Men innanhýsisstríð etur alt upp. Tað et­ur flokkin upp, og tað et­ur upp ál­itið, sum veljarin hevði á flokk­i­num. Tað er neyvan lætt at vera løg­ mað­ur við øllum hesum fólkunum. Men onkur má sláa nevan í borð­ið. Tit kunnu ikki vera bekent at biðja um fólksins álit, tá tit mis­brúka tað so sannførandi tápuliga. Uttan iva blunka allar ávar­ing­ ar­lamp­ur í Javnaðarflokkinum blóð­reytt. Tað krevur jú fólkins álit at vera stjórnarberandi. NÚ MUGU TEY STÝRA SÆR »Gamli Kristian« Jensen úr Kví­vík, sum í sínari tíð, í sam­ bandi við el-verkið í Vági, var við til at bora Før­oya fyrsta tunnil, og, eins og und­ir­rit­ aði, av egnum lívlongum ar­beiði kendi hvønn stubba av føroyska vegakervinum, segði mær, einaferð vit koyrdu til Dals, at hetta var vanda­miklasta vegastrekki í Før­oyum av tí, at vegurin í veruleikanum hekk og enn hongur á jarnboltum, sum í sera bratta skráanum í nið­ ara borði í bjarglendinum høvdu verið settir niður í bor­aði hol, og tá hesir boltar eru rust­aðir burtur, er veg­ur­ in eisini horvin. Nær tað verður, er ilt at siga; men teir hava nú hildið í væl meira enn mannsaldur, so fyri at tryggja mannalív má Dals­tunnilin verða hin fyrsti í røðini. Um væl verður leitað, hong­ur uml. hálvthundrað ár gamla prosjektið í einum av gomlu goymslukassunum hjá LANDSVERK’i. 23.09.2018 Við heilsan Heini Olsen fyrrv. deildarleiðari á proj. deildini Gerið Dalstunnilin fyrst Ætla javnaðarfólk at styggja allar veljarar burtur? Heini Olsen, fyrrverandi deildarileiðiari á Landsverki, er ikki í iva: Gerið Dalsvegin ongnatíð ov skjótt! Hesa næstu tíðina fer løg­ regl­an at hava eitt vakið eyga við ferðsluni við skúl­ ar­nar um morgnarnar. Løgreglan plagar at kanna ferðsluna við skúl­ar­ nar, men nú hava tey gjørt av at gera tað til eitt beinleiðis átaksøki og so­statt hava tey sett sær fyri, at ferðslan í sambandi við skúl­ar­nar skal vera eitt øki, tey serliga skulu seta kik­ar­an á. Í hesum sambandi fara tey serliga at ansa eftir, um tey sum koyra børn í skúla hava tryggjað sær, at tey sita í trygd­a­r­belti – og at tey eru fest eftir forskriftunum. Men í sama viðfangi fer løg­ regl­an eisini at hyggja eft­ir, um bilførarin tosar í hand­ hildn­ari fartelefon, sam­ stund­is sum tey fara at hava eyg­uni eftir dekkunum og um bil­ur­in, í aðrar mátar, er eft­ir for­skriftunum. Fyrsta stigið varð tik­ið í morgun, tá ið løgreglan stóð við Hoyvíkar skúla og kann­ aði ferðsluna. Har stóð væl til, og eingin var skrivaður fyri lógarbrot. Eru børn undir 15 ár í bil­i­num, er tað bilførarin, sum hev­ur ábyrgdina av, at tey sita í trygdarbelti, og bilførarin fær klipp í koyrikortið, gera tey ikki tað. Men tey skulu eisini verða spent eftir for­skrift­ u­num. Dømi er um, at eitt barn hev­ur sit­ið í trygd­ar­ belti, men við eini skúlatasku á ryggi­num. Tað er ikki eftir for­skrift­u­num, so tað kos­t­ aði bilføraranum eina bót og eitt klipp í koyrikortið. Løgreglan hevur onk­un­ tíð sagt, at tað eru serliga tvær umberingar, tey javnan hoyra fyri at børnini ikki sita í trygdarbelti. Onnur er, at tey høvdu slíkan skund, at tey góvu sær ikki stund­i­r til at spenna børnini í trygd­ar­ belti og hin er, at túrurin er so stutt­ur, tey tey hildu ikki, at tað bilaði. Men hvørgin av hes­um frá­greið­in­gunum rína við hjá løgregluni, hava tey sagt. Spennið altíð trygd­ar­beltið Tórshavn Tórsgøta 1, 100 Tórshavn tel. 341800, post@sosialurin.fo Suðuroy tel. 375364, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Blaðstjóri: Barbara Holm barbara@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin