mánadagur 24. september 2018síða 10

Mánadagur 24. september 2018 · Nr. 110 10 Sosialurin Hugskot og viðmerkingar – send sms til 225000 Marine Harvest hevur skapt eitt nýtt navn og brand til føroyska laksin hjá felagnum. Navnið leiðir til Rinkusteinar í Oyndarfirði og er Rinka. Fleiri føroyingar hava skrubb Gigni, sum veitir heilsutænastur til børn og ung, boðar nú frá, at skrubb er staðfest ymsastaðni í Føroyum Vilmund Jacobsen - Tað er staðfest skrubb ymsastaðni í Føroyum, og í faldara kanst tú lesa meira um, hvat skrubb er, og hvussu tað kann viðgerast. Soleiðis siga tey í Gigni. Í faldaranum, sum víst verður til, stendur, at orsøkin til, at børn, ungfólk ella vaksin fáa skrubb er, at fólk hava fingið eina skrubbmottu á húðina. - Mottan borar seg niður í húðina, har hon síðan kann verpa ella víggja egg, sum tikið verður til. Skriðar sera illa Men, hvussu gerast fólk so varug við, at tey hava fingið skrubb? - Skrubb skriðar sera illa, ser­ stak­liga um náttina. Orsøkin til, at skrubb skriðar mest um náttina, er, at hitin undir dýnuni ger mottuna virkna. Sagt verður, at tað ganga einar 2-3 vikur frá tí, at fólk eru smittað, til skriðin byrjar, og tað er í hesum tíðarskeiði, at smittan kann berast yvir á onnur. Hvussu verður smittan so borin? - Skrubb smittar við tøttum sam­ bandi, og heilt einfalt flytir mottan seg frá einum persóni til annan. Upp ti 72 tímar Sagt verður, at mottan kann liva upp til 72 tímar uttan fyri manna­ kroppin – í klæðum, seingj­ar­klæð­ um, pútum og handklæðum. - 8-12 tímar eftir eina viðgerð smitt­ar persónurin ikki longur, verð­ur sagt í faldaranum um skrubb, sum nú er staðfest ymsa­ staðni í Føroyum. HUGNAKVØLD: Í kvøld, mánavøldið 24. september klokkan 19.30, hevur Føroyska Sjómansmissiónin alment hugnakvøld í Missiónshúsinum á Sandi í samband við, at sjómansmissiónin nú hevur 100 ár á baki. Hýsan er komin fyri seg - Hýsan er nærum komin upp á tað høga støðið, hon hevði í 2002, siga tey á Havstovuni Vilmund Jacobsen Í august gjørdi Magnus Heinason tær árligu yvirlitstrolingarnar á føroyska landgrunninum. - Hýsan er umsíðir rættiliga komin fyri seg aftur, og óvanliga nógv var at fáa av hvítingi. Hin­ veg­in var nakað minni av toski í mun til í fjør, og lítið var at fáa av upsa. Á Havstovuni siga tey, at or­ søkin til, at nakað minni var av toski í ár í mun til í fjør, komst í stór­an mun av, at eitt einstakt stórt hál í ein útnyrðing úr Suð­ ur­oy ikki gav nakað í ár. - Tað var tó nógv at fáa av smá­ um toski, sum var ársgamal. Lagt verður aftrat, at hýsan er nógv økt og er nærum komin upp á tað høga støðið, sum hon hevði í 2002. Harumframt var óvanliga nógv at fáa av hvítingi. Unglingar funnu grind á Gøtuvík Vilmund Jacobsen Tá fýra ungir dreingir loystu í einum lítlum báti í Syðrugøtu seinasta fríggjakvøld og løgdu út á Gøtuvík at fáa sær nakrar fisk­ar, rendu teir seg í eina grind. Tað tók ikki langa tíð, til nakr­ir bátar vóru á veg inn á Syðru­gøtu við grindini, sum eft­ir lítlari løtu legði beinini og taldi umleið 50 hval. Sýslumaðurin, Karl Jo­han­ sen, sigur, at teir fýra ung­ling­ ar­nir, sum funnu grindina, áttu størsta hvalin sum finn­ing­ar­ fisk. - Teir høvdu valið ímillum at fáa størsta hvalin – ella tveir hval­ir, sum í stødd svara til hin størsta hvalin í grindini, sigur sýslumaðurin. Grindin í Syðrugøtu varð býtt millum tey, sum vóru við í rakstri og drápi, og síðan varð restin býtt í heimapartar í Fugla­fjarðar kommunu. Mottan kann liva upp til 72 tímar uttan fyri mannakroppin – í klæðum, seingjarklæðum, pútum og handklæðum