mánadagur 24. september 2018síða 13

13 Mánadagur 6. januar 2014 · Nr. 2 Sosialurin Mánadagur 24. september 2018 · Nr. 110 Hugskot og viðmerkingar – send sms til 225000 STUTTSØGD Kjartan Johansen skeyt 10 av málunum í ársins fyrsta sigri hjá Viking. Eisini í Danmark og Íslandi skutu føroyingar mál, og nú er flogbóltsárið her heima so smátt við at fara í gongd Pætur Albinus BORÐTENNIS Føroyska borðtennislandsliðið, mannað við Fróða F. Jensen, Halli Thor­steinsson, Duritu F. Jensen og Sólju H. Djurhuus, hevur í seinastu viku luttikið í EM í Alicante, Spania. Eingin føroyingur megnaði at spæla seg víðari í kappingini, men hetta var eisini væntað frammanundan av tí at mótstøðan ar í heimsflokki. Evropa­meistari hjá monnum bleiv 37 ára gamli týskarin, Timo Boll, sum vann sítt sjeynda EM-gull, og hjá evropameistari hjá kvinnum bleiv kinesiskt føddi polakkurin, Li Qian. E-SPORT Hálvføroyski Lukas 'gla1ve' Ross­ ander hevur saman við liði sínum, Astralis, í telduspælinum CS:GO, vunnið heimsins størstu sokallaðu Major-kapping á víðagitna Wemb­ ley í London. Astralis, ið er styrkis­ mett sum heimsins besta lið, vann finaluna í gjárkvøldi 2-0 ímóti Natus Vincere, betur kent sum NaVi. Fyri kappingarsigurin fær Astralis 500.000 dollarar í vinningi. Tað svarar til áleið 3,2 milliónir krón­ur. Teir, sum manna Astralis, eru Lukas 'gla1ve' Rossander, Peter 'Dupreeh' Rasmussen, Emil 'Magisk' Reif, Andreas ’Xyp9x’ Højsleth og Nicolai 'dev1ce' Reedtz. FLOGBÓLTUR Ein av upphitingarkappingunum til flogbóltsárið hevur verið í Stór­ høllini á Hálsi í Havn um viku­ skiftið, og har fekst ein ábending um hvørji lið fara at standa seg væl í ár. Í meistara­deildunum var tað Fleyr, sum fór avstað við sigrunum hjá bæði monnum og kvinnum. Menninir vunnu eina væl spælda finalu 2-1 ímóti Mjølnir, meðan Fleyr-kvinnurnar vunnu finaluna ímóti KÍF. Fleyr vann eisini 1. deild hjá monnum við finalusigri á SÍ, meðan eitt væl mannað Mjølnir- lið við eitt nú Sofíu Purkhús og Birgit Guttesen á liðnum vann 1. deild hjá kvinnum við sigri á Fleyr. Tilsamans 21 lið vóru við í kapp­ingini. Fyri fyrstuferð vóru øll liðini í somu høll samstundis, og hetta eydnaðist sera væl, siga fyri­skipararnir úr Fleyr-nevndini í tíðindaskrivi. HONDBÓLTUR Kjartan Johansen var flúgvandi, tá ið Viking Håndball í gjár tryggjaði sær ársins fyrsta sigur í næstbestu norsku deildini. Viking Håndball var á vitjan hjá HK Herulf Moss, og har bleiv tað til 32-28-sigur eftir at tað stóð á jøvnum 16-16 í hálv­ leiks­steðginum. Kjartan, sum júst er skiftur til Viking Håndball eftir at hann í fjør spældi við Fyllingen, skeyt 10 av málunum og var topp­ skjútti í dystinum. Føroyski lið­ felagi hansara, Helgi H. Hoydal, skeyt tvey mál. Hetta var annar dysturin hjá Viking Håndball í ár. Tann fyrsti endaði við javnleiki. Næsti dysturin hjá teimum verður sunnudagin á heimavølli ímóti tí enn ósigraða Nøtterøy Håndball. Eftir eina framúr byrjan upp á Champions League við stórsigri á Chekhovskie Medvedi kom Bjerring­bro-Silkeborg niður aftur á jørð­ina, tá danska liðið við føroyska Jóhan á Plógv Hansen í hópinum leygar­dagin tapti 26-24 á útivølli ímóti slovakiska Tatran Presov. Í hálv­leikssteðginum stóð ananrs á jøvn­um 12-12. Jóhan á Plógv Hansen, sum í fyrsta dystinum skeyt heili 14 mál, skeyt hesaferð eitt mál. Hann hevði fýra skotroyndir. Næsti dystur hjá Bjerringbro-Silkeborg verð­ur hóskvøldið á útivølli ímóti portugis­iska Sporting CP. Tað var føroyingauppgerð í næst­bestu donsku deildini, tá ið HØJ við Jónasi G. Djurhuus á lið­ num leygardagin hevði vitjan av Eiriki Simonsen og teimum úr Frederikshavn FI. Gestirnir høvdu ein ræðuligan fyrra hálvleik, og HØJ fór til hálvleiks á odda heili 18-4. Dysturin var eyðsæð ikki til at bjarga hjá Frederikshavn FI, sum tó fekk pyntað eitt sindur um í sein­na hálvleiki. HØJ vann dystin 30-24. Jónas G. Djurhuus og Eirikur Simon­sen skutu tvey mál í part. HØJ hevur fult stigatal eftir fyrstu tríggj­ar dystirnar og er oddalið saman við fýra øðrum liðum. Frederiks­havn FI hevur tapt sínar fyrstu tríggjar dystir og er botnlið saman við fýra øðrum liðum. Eitt av liðunum, sum eisini hev­ ur fult stigatal í næstbestu donsku deild­ini, er TM Tønder. Við á liðnum er føroyski málverjin, Niklas Sim­ on­sen, sum undan hesum kapp­ ingarárinum skifti liðið, ið nýliga hevur verið í bestu deildini. Hesa­ ferð stóð HEI Skæring fyri skotum, og TM Tønder vann dystin 29-25 eftir at hava verið á odda 15-13 í hálv­leikssteðginum. Áki Egilsnes, Allan Norðberg og lið­felagarnir í KA runnu seg inn í fyrsta tapið hetta kappingarárið í bestu íslendsku deildini, tá ið teir leygardagin máttu lúta 26-21 fyri Fram á útivølli. Í hálv­leiks­steðgi­ num stóð annars á jøvnum 12-12. Áki Egilsnes bleiv toppskjútti í dysti­num við seks málum, og hann er fram­vegis toppskjútti í deildini. Allan Norðberg, sum er í holt við sítt fyrsta kappingarár á Akureyri, fekk hesaferð tvey mál. KA, sum hevur vunnið tveir og tapt ein, spæl­ir næsta dystin mánakvøldið 8. okto­bur á heimavølli ímóti Grótta. Kjartan var flúgvandi í Noregi