mánadagur 24. september 2018síða 22

Mánadagur 24. september 2018 · Nr. 110 22 Sosialurin Hugskot og viðmerkingar – send sms til 225000 Vikan ið fór Pauli Poulsen takkar fyri seg sum venjari í 07 Vestur og vil lata onkran annan fáa møguleikan at venda gongdini seinastu dystirnar. KÍ sendir Ronni Møller-Iversen og Predrag Pocuca til hús. Tummas Lervig, formaður, kallar tað tillagingar í hópinum. Nýggi KÍF-arin, Borko Cupara, skjýtur 13 av málunum, tá kollfirðingar vinda burturúr meistarunum og vinna 32-22. Turið Arge skjýtur fýra mál í fyrsta dystinum í íslendsku deildini, har lið hennara, Haukar, vinnur 27-18 á HK. Føroyar detta tvey pláss aftur á heimsstyrkislistanum hjá FIFA. Tað er tapið fyri Kosovo, ið kostar. Føroyar eru nú nummar 92. Longu í 23. umfari tryggjar HB sær FM- heitið í Betrideildini hjá monnum. Hetta gera teir við 2-1-sigri á KÍ í Klaksvík. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Niklas Reginsson Aldur: 29 Yrki: Hondbóltsspælari (KÍF) Royn tína vitan um ítróttin her og nú! Svarini standa niðast til vinstru, men royn teg nú fyrst 1. Montenegro 2. Aserbadjan og Kosovo 3. Ralf Schumacher 4. Klaksvík 5. 40 6. Kyndli 7. Tokyo 8. Hallur Danielsen 1. Úr hvørjum landi er nýggi KÍF-spælarin, Borko Cupara? 2. Hvørjum tveimum londum skal føroyska A-manslandsliðið í fótbólti spæla ímóti í oktober? 3. Hvussu eitur beiggi Michael Schumacher, sum eisini koyrdi formil 1? 4. Úr hvørjum føroyskum býi stavar Ítróttafelagið Treysti? 5. Hvussu gamal er Fróði Benjaminsen? 6. Í hvørjum føroyskum hondbóltsfelagi er Jóhan á Plógv Hansen uppvaksin? 7. Hvør asiatiskur stórbýur verður vertur fyri OL 2020? 8. Hvussu eitur hondbóltsvenjarin á myndini? Hvussu var dysturin ímóti StÍF? - Skuffandi. Fýra dagar frammanundan vunnu vit greitt á H71, ið saman við Neistanum, er FM-favorittur, so vit høvdu sett okkum fyri at fáa 2 stig heim av Skála, men tað eydnaðist ikki. Vit eru framvegis eitt lið, ið skal spælast betur saman, og tískil er okkara botnstøði ov lágt í løtuni. Men vit arbeiða miðvíst fyri at betra um spæl okkara. Hvønn leiklut hevur tú á KÍF-liðnum? - Mín leiklutur er at stýra verjuni og kontraspælinum. Eg eri millum teir elstu á liðnum, og gevi harvið hesum unga liðnum eitt sindur av rutinu. Eisini haldi eg sjálvur at eg kann vera tann, ið heldur høvdið kalt í støðum har tað kann vera torført. Hvørjar dygdir hevur Borko Cupara? - Borko er vinstrahandaður, og skýtur ótrúliga hart og væl. Hann gevur liðnum homogenitet, tí vit nú hava hóttanir á báðum bakkum. Áðrenn Borko kom, høvdu vit ongan høgra bakk, og tí verður hann óivað ein umráðandi leikari fyri okkum í ár. Hvat er málið hjá KÍF í ár? - Málið er at klára okkum betur enn í fjør, og í fjør endaðu vit aftast. Nú kappingarleisturin er broyttur til eitt sokallað final-4, kundi tað verið stuttligt at komið í topp fýra, men tíðin fer at vísa um tað verður aktuelt. Hvør væntar tú fer at kappast um FM? - Eg vænti, at tað verður Neistin og H71, ið aftur í ár koma at kappast í FM-finalunum. Liðini eru væl samanspæld og hava tey eisini góðar leikarar á øllum plássum. Havi ringt við at síggja hvørji lið fara at hótta tey. ”Ja, tað sást. Eg orkaði ikki eingong at kasta meg eftir bóltinum til 2-1, so hatta skal eg ikki gera aftur.” - HB-málverjin, Teitur M. Gestsson, eftir at hann rann langt at feiðra 2-0-málið ímóti KÍ (FM1) ”Eg haldi, at Neymar er fótbóltsins Kim Kardashian. Hann er ikki nakar fótbóltsúrmælingur. Hann er ein reklamu- úrmælingur, júst sum The Kardashians.” - Joey Barton um Neymar (L’Équipe) 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Myndin hesa vikuna Fyri fyrstu ferð síðani apríl var Sir Alex Ferguson aftur at síggja á Old Trafford leygardagin, har 76 ára gamli skotin, sum hevur strítt seg aftur til gerandisdagin eftir eina heilabløðing, sá Manchester United spæla 1-1 ímóti Wolverhampton