týsdagur 25. september 2018síða 10

Mikudagur 26. september 2018 · Nr. 111 10 Sosialurin Hugskot og viðmerkingar – send sms til 225000 Nýggjur banki setast á stovn at fíggja bústaðir BÚSTAÐARNEYÐ Tað almenna eigur nokk av pengum at byggja bústaðir fyri, men teir liggja steindeyðir, og gera onga nyttu Áki Bertholdsen –  Vit eiga at stovna ein serligan sethúsabanka, ið skal hava sum høvuðsmál at fíggja bústaðir. Tað heldur Bill Justinussen, løg­ tings­maður fyri Miðflokkin. Og hann leggur afturat, at Mið­ flokkurin fer eisini at leggja upp­ skot fyri Løgtingið um hetta. Tá ið Løgtingið viðgjørdi eitt upp­skot frá Sjálvstýri um at geva komm­unum heimild til at byggja íbúðir, staðfesti Bill Justinussen, at bústað­arneyðin er so álvarslig, at hon eigur at vera tikin fram um alt annað. Og hann vísti eisini á, at tað almenna eigur nokk av pengum til at loysa trupulleikan við. Men held­ur enn at brúka pengarnar til at byggja bústaðir fyri, lata vit teir liggja steindeyðar. Tað, hann sipar til, er, at Landið eigur ein triðing í BankNordik, um­ framt at tað almenna hevur pening í búskapargrunninum. Bill Justinussen heldur, at Landið eigur at selja sín part í Bank­Nordik og verða pengarnir í bú­skapargrunninum so lagdir aft­ur­at, eigur tað almenna sostatt hundrað­tals milliónir, ið eiga at verða brúktar sum stovnsfæ í einum nýggjum sethúsabanka, sum skal tryggja fólki bílig lán at byggja sær hús fyri. Bankarnir hava forsømt uppgávuna Tað, Miðflokkurin fer at leggja upp­ skot fyri Løgtingið um, er so­statt at stovna ein sethúsa­banka, sum líkist gamla Húsalánsgrunninum, ið læt lagaliga figging til sethúsabygging. – Tað er ein uppgáva, bankarnir hava forsømt. Og eru tað fleiri bankar um at fíggja eini sethús, eru tað eisini fleiri fíggingarstovnar um at býta ábyrgdina, og váðan, ímill­ um sín. –  Tað minkar heldur ikki um virðið á pengunum, at tað almenna setir teir í húsabygging, tí har gera teir størri nyttu enn at seta teir í virðisbrøv, leggur løgtingsmaðurin fyri Miðflokkin, afturat. Hann heldur, at tað eigur ikki at vera ein vinna at fíggja bústaðir. Tvørtur ímóti eigur tað at vera ein almenn uppgáva, tí tað er ein manna­rættur hjá fólki at fáa tak yvir høvdið, men í Føroyum letur tað almenna alt upp í hendurnar á priv­atum peningastovnum, sigur hann. Trýsta fólk saman í Havn Bill Justinussen staðfestur, at bank­ arnir lata fyrst og fremst fígging til hús í Havn, tí har eru húsini mest verd, og sosatt er trygdin hjá bank­ un­um størst. Við hesum trýsta bank­arnir fólk saman í Havn, held­ ur enn at síggja alt landið sum ein felags bústaðarmarknað.  –  Tað er ein trupulleiki, ein nýggj­ur sethúsabanki kann bøta um, heldur hann. Annars heldur hann, at tað er harmi­ligt, at tryggingarfelagið, Lív, brúkar sínar pengar, sum eisini eru at kalla almennir, til at fíggja hotell við, heldur enn til at byggja bú­staðir. –  Tað átti samgongan at havt eina nógv greiðari meining um, held­ur Bill Justinussen. –  Vit mugu hava ein politikk, sum avspeglar veruleikan í sam­ felagn­um, sigur hann. Hann vísir á, at Eyðgunn Sam­ uel­sen, landsstýriskvinna í bú­stað­ armálum, hevur fleiri ferðir víst á, at tað eru ongir timburmenn tøk­ir at byggja bústaðir, tí tað er so nógv virksemi í byggivinnuni framm­an­ undan. – Eru ongar føroyskar hendur at byggja bústaðir, eru tað aftur fyri nógvar útlendskar hendur, sum kunnu byggja. – Hví verður onki ordiligt gjørt, og hví seta vit ikki 500 millónir av til endamálið. So kunnu vit gera eitt ordiligt tak fyri at loysa bú­stað­ar­ neyðina, heldur enn at vit byggja alt møguligt annað enn bústaðir, sigur hann. – Men tað sær út til, at hetta er blivið eitt samfelag fyri tey ríku, men tey børnini, sum veksa upp í blámu­fongdum kjallaraíbúðum, verða forsømd, leggur hann turris­ liga afturat. Hví ikki selja Eisini Jónleif Johannesen, ting­ mað­ur fyri Javnaðarflokkin, tek­ur undir við at stovna ein set­húsa­ banka. Hann tekur undir við at tað al­menna selur sín part av Bank­ Nordik, so at peningurin kann brúk­ast sum stovnsfæ í einum set­ húsa­banka. –  Vit eiga ein triðing í Bank­ Nordik, men tað vísir seg at vera ringt at fáa fígging til bústað á bygd. Hví ikki selja tann triðingin og seta pengarnar í ein almennan húsa­banka, sum hevði til endamáls at tryggja fólki bústaðarfígging kring landið, spyr hann. ÍBÚÐARNEYÐ – Tað eigur ikki at vera ein vinna at fíggja bústaðir. Tvørtur ímóti eigur tað at vera ein almenn uppgáva, tí tað er ein mannarættur hjá fólki at fáa tak yvir høvdið, heldur Bill Justinussen, løgtingsmaður. Nú fer hann at leggja uppskot fyri Løgtingið um at bøta um bústaðarneyðina Tað er ein trupulleiki, ein nýggjur sethúsabanki kann bøta um Tað átti samgongan at havt eina nógv greiðari meining