hósdagur 27. september 2018síða 18

FRÍGGJADAGUR 28. SEPTEMEBER 2018 SOSIALURIN 112 18 EIRIKUR LINDENSKOV A fturlítandi kvøld við einum væl spælandi rockbólki úr sjeytiárunum. Soleiðis kann í stuttum takast saman um konsertina við Uriah Heep, sum var í Høllini á Hálsi í Havn leygarkvøldið. Uriah Heep má teljast millum yndirockbólkarnar hjá før­oy­ ingum, og undirtøkan fyri kon­ sert­ini var eisini sera góð. Upp­ runa­liga skuldi konsertin vera í Dansifrøi í Havn, men har var skjótt greitt, at øll fólk fóru ikki at rúmast har. Tí varð konsertin flutt í Høllina á Hálsi, sum tekur størri fjøld, og eini 1400 fólk mundu vera á konsertini. Uriah Heep spældi sínar fyrstu tónar í 1969, og næsta ár fara teir tí at hátíðarhalda 50 ára jubileum – ein hálv øld sum ferðandi rock­ bólk­ur. Tónleikararnir í Uriah Heep eru eldri menn, men teir eru í sera góðum formi, og bólk­ur­in spældi sum ein væl smurd rock­ mask­ina. Uriah Heep er kendur fyri at vera góður live-bólkur, og teir spæla framvegis omanfyri hundrað konsert um árið, og tað hoyr­ist. Onkur kundi óttast fyri, at auto-piloturin varð settur til, men soleiðis upplivdist bólkurin als ikki. Teir spældu við stórari orku og høvdu gott samband við áhoyrararnar. Duga og orka Uriah Heep vann fram á altjóða rock­pallinum í sjeyti árunum, og tað var serliga við sangum sum Easy Livin’, Lady In Black, Stealin’, The Wizard og Gypsy. Bólkurin var við at mynda klassiska brets­ ka rock­tónleikin, sum var so væl um­tókt­ur gjøgnum 70’ini. Ein av uppruna tónleikarunum er eftir í Uriah Heep. Tað er Mick Box, sum spælir gittar og hevur verið við at skrivað nógvar av sangunum hjá bólkinum. Allir hinir tónleikararnir eru komnir við í bólkin seinni, men fleiri teirra hava spælt í Uriah Heep í langa tíð. Tríggir av teimum fimm tón­leikar­unum, sum spældu í Før­ oy­um um vikuskiftið, vóru eisini við í Uriah Heep, tá ið bólkurin vitj­aði í Føroyum í 1988 og 1990. Uriah Heep spældi sín kjarnu­ tón­leik á Hálsi leygar­kvøldið. Teir spældu sangir, sum teir eru heimskendir við, og teir spældu sangirnar í eyðkenda Heep-ljóðinum. Tað var ein huga­lig afturlítandi rockløta, og sannførandi framførslan hjá Uriah Heep var við at seta tvær strikur undir, at her er veru­liga talan um ein av klass­isku dygdar­ rock­bólkunum úr Bret­landi – og teir bæði duga og orka enn. GAMLIR GARPAR SPRELLAÐU Á HÁLSI Rockbólkurin Uriah Heep var í góðum formi, tá ið teir farna vikuskiftið høvdu konsert í Føroyum. Bólkurin, sum nærkast 50 ára jubileum og er akutellur við nýggjari útgávu, spældi bert gamlar sangir, men gjørdi tað sannførandi