hósdagur 4. oktober 2018síða 18

FRÍGGJADAGUR 5. OKTOBER 2018 SOSIALURIN 115 18 ÁRNI GREGERSEN S einasta spælið um fíggj­ ar­lóg, vald og ráð­harra­ krakk­ar er sett í gongd. Løgtingið hevur 1.við­ gerð av uppskotinum til fíggjarlóg fyri komandi ár. Sum vanligt, so verður høvi eisini brúkt at vita, hvør er sterkastur í tinginum og eftir­sum hetta er seinasta fíggjar­lógar­upp­ skotið hjá hesi samgonguni í hes­ um valskeiðnum, so verða fleir styrki­royndir gjørdar. Samgonan er eitt sindur skerd, tí veruleikin er, at síðani september 2015 hevur talan verið um eina sam­gongu, sum ikki innanhýsis megnar at telja 17 atkvøður. Beint eftir at samgonguskjalið var undirskrivað, boðaði Sonja Jógvans­dóttir frá, at hon meldaði seg úr Javnaðarflokkinum. Síðani hevur tað verið buldrasligt og formliga hevur Kristin Micelsen, borgarstjóri á Tvør­oyri, boðað frá, at hann ikki kenn­ir seg bundnan av teimum av­ gerðum, Javnaðarflokkurin tekur. Við øðrum orðum telir sam­ gongan bara 15 av 33 atkvøðum. Arbeiða sum vanligt Hóast hendan veruleikan, so vænt­ ar løgmaður framvegis, at tað fer at eydnast í minsta lagi at fáa 17 atkvøður fyri fíggjarlógini. Hann vísir á, at vanligt er at tosa við onnur, tá ið arbeiðið við fíggjarlógini av álvara er kom­ið í gongd í tinginum. Fyrst í desem­ber er vanligt, at landsstýrið kem­ur við seinastu tølunum og inn­tøku­met­ ingum fyri komandi ár. Tá ið tey tøl­ini fyriliggja verður politiskt farið undir at tryggja neyðugu atkvøðurnar, so fíggjarlógin kann samtykkjast. -Vit hava ikki enn gjørt nakra av­talu við aðrar flokkar, men vit eru í dialogi við flokkar og einstaklingar, so hetta fer at ganga upp, sigur Aksel V. Johannesen, løgmaður. Viðvíkjandi fíggjarlógini er tað soleiðis, at ein stórur partur av útreðslunum liggja meira ella minnji fastar og eru tær somu, uttan mun hvør samgonga situr á lands­stýriskrakkunum í Tinganesi. Eitt sindur av rakstrar­út­reiðslu­ num kunnu vaksa ella minka eitt sindur, men ikki tað stóra, sæð í mun til eina fíggjarlóg, sum javn­ vigar við meira enn seks milljard­ um krónum. Tað sum slagið ofta er um, eru íløgur­nar og hvussu tær skulu rað­ festast. Politiskt verður hetta ofta brúkt til at fáa flokkar at taka undir við sam­gonguni og fíggjarlógini. Júst nú vita øll, at nógv ferð er á búskapinum og tí hevur sam­ gong­an gjørt av at drýggja nakrar av al­mennu íløgunum. Ikki tí at tað ger so stóran mun í samlaða bú­skapinum, men heldur fyri at senda eitt signal um, at ferðin – ser­liga í byggivinnuni – er rættuliga stór nú. Hetta ger, at torført er at finna hand­verkarar og at byggiharrin ikki fær nóg mikið fyri hvørja íløgu­krónu, tí allir prísir hækka. Samlaðu íløgurnar í Føroyum júst nú, tá ið privatu íløgurnar verða taldar við eru um tríggjar milljardir krón­ur , staðfestir Búskaparráðið, so at landið drýggjar íløgur fyri eini 80 milljónir krónur flytir ikki so nógv. Men tað er eitt politiskt signal. Fámjins-tunnil Mitt undir fyrstu viðgerð av fíggjar­lógar­uppskotinum hava sjey tingfólk so sett eitt uppskot fram um at gera tunnil til Fámjins áðrenn tunnil verður gjørd til Dals. Millum tey sjey, sum seta upp­ skotið fram, er Kristin Michelsen, sum annars er ein partur av sam­ gonguni. Hetta er eitt mál, sum bruni er í. Fyrr í vikuni legði Henrik Old, lands­stýrismaður, frá sær í sama sam­bandi. Onki bendir á, at hetta er eitt innan­hýsis mál í samgonguni, men heldur í sjálvum Javnað­ar­ flokkinum hjá løgmanni. Millum tingfólk verður mett, at hetta ikki verður eitt mál, sum Henrik Old fer at vinna nakað burtur­úr, tí tey siga, at var hann ikki komin við uppskotinum um lítla tunnilstoymið hjá landinum, so var Fámjins-tunnilin útboðin sama við Hvalbiar-tunlinum og so var hann gjørdur nógv skjótari enn nú. Og Dalur hevði eisini fingið sín tunnil. Politiska støðan í løtuni er ikki spentari enn hon hevur verið alt samgonguskeiðið. Meðan fiski­ vinnu­nýskipanin var til viðgerðar var mun­andi størri trýst á einstøku ting­limunum, men tá megnaði sam­gongan at hanga saman og sam­tykkja skipanina. Lat tað vera sagt her til endans: upp­skotið um Fámjin til Dals kann gera enda á samgonguni, men akkur­át nú er tað so at siga ongin í Løg­tingi­num, sum væntar at tað hend­ir. SAMGONGAN FÆR MEIRLUTA OG FÍGGJAR­ LÓGIN VERÐUR SAMTYKT Sjálvt um samgongan ikki telir meira enn 15 atkvøður, so er onki, sum bendir á, at hon ikki fær fíggjarlógina samtykta GREINING Fólk í tinginum halda, at hevði Henri Old ikki verið so bráður, so hevði Fámjins tunnilin boðin út saman við Hbalbiartunlinum og verið nógv skjótari gjørdur Kristin Michelsen, borgarstjóri á Tvøroyri, er ein av sjey tingfólkum, sum hevur lagt uppskot fram um at gera tunnil til Fámjins beinanveg Aksel V. Johannesen, løgmaður, ivast ikki íu, at tað verður møguligt at fáa ein meirluta fyri fíggjarlógini