týsdagur 9. oktober 2018síða 29

29 Sosialurin Hugskot og viðmerkingar – send sms til 225000 Mikudagur 10. oktober 2018 · Nr. 117 Hugskot og viðmerkingar – send sms til 225000 er við í uppspælinum til flestu av álopunum hjá okkum móti Malta. Sá nakað viðtikin út í seinna dystinum, men hevur spælt flestu minuttirnar fyri FH, nú kappingin er komin at enda. Er í spæl til báðar dystirnar. Pól Jóhannus Justinussen, NSÍ Er komin við fyri Sølva Vatnhamar, sum er skaddur. Hann hevur verið partur av landsliðnum fyrr, so hann kennir spælið. Passar ikki heilt inn í spælið, sum nú er blivið meiri tekniskt. Tó kann úttøkan eisini síggjast sum, at Lars Olsen leitar eftir eini ”Plan-B”. Sær út til, at hann kann blíva eitt kort, sum skal spælast móti endanum, um vit hava brúk fyri styrki. Eli F. Nielsen, B36 Miðvallarin hjá B36 hevur verið rundanum landsliðið í eina tíð nú. Er innkallaður, eftir at Tróndur Jensen mátti geva avboð vegna skaða. Tykist ikki verða nær við spælitíð hesaferð, tá eitt nú Rógvi Baldvinsson og Heini Vatnsdal eru við í hópinum. Rógvi Baldvinsson, Bryne (Noreg) Enn ein “alt mulig mand” hjá Lars Olsen. Kann spæla í miðverjuni, vinstra bakki og á vejrukenda miðvøllinum, umframt at hann passar væl til miðverjuna, tá vit spæla við trimum í miðverjuni. Í løtuni tykist hann vera ein spælari, sum Lars Olsen hevur brúk fyri, tá okkurt ikki riggar. Kann bæði byrjar og skiftast inn, og tað á fleiri plássum. Væl møguligt at hann fær minuttir á vøllinum, eins og hann gjørdi móti Kosovo. Gilli Rólantsson Sørensen, Brann (Noreg) Sat uttanfyri seinast hjá Brann Bergen, men hevur fingið væl av spælitíð í hesum kappingarárinum. Venjingarnar benda á, at Gilli skal spæla á høgra bakki hesaferð. Avrikið á vengrunum hava verið misjøvn, men sum høgri bakkur aftanfyri Jóan Símun Edmundsson, verða fleiri møguleikar at koma framvið. Spælir helst báðar dystirnar. Kaj Leo í Bartalsstovu, ÍBV (Ísland) Hevur spælt fast alt árið hjá ÍBV, men hevur enn ikki fingið álitið frá Lars Olsen í fleiri dystum á rað. Kom inn móti Malta, og byrjaði móti Kosovo, har avrikið ikki var sannførandi. Við Sølva Vatnhamar uttanfyri og Gilla Rólantsson á bakkinum, so er líkt til, at gøtumaðurin fær ein møguleika at sannføra eina ferð afturat. Byrjar helst fyrra dystin, og er í spæl til seinna dystin. Álop: Jóan Símun Edmundsson, Arminia Bielefeld (Týskland) Stórtrívist í 2. Bundesliguni, har hann bleiv kosin til besta spælaran hjá Arminia Bielefeld í august mánaði. Spælir fast á høgra vongi, har hann eisini leggur upp til mál. Nú er líkt til, at Lars Olsen umhugsar at brúka toftamannin á vonginum, heldur enn í álopinum – hvørtfall til dystin móti Aserbadjan. Spælir heilt víst báðar dystirnar. Finnur Justinussen, Næstved (Danmark) Hevur skotið níggju mál fyri Næstved í hesum kappingarárinum, og hevur lyft seg upp á eitt hægri stig. Nú er líkt til, at gøtumaðurin fær møguleikan frá byrjan móti Aserbadjan. So er væl spurningurin, um hann tekur av. Klæmint A. Olsen, NSÍ Stendur klárur, um Finnur Justinussen ikki tekur av. Hóast hann ”bara” hevur skotið 11 mál í ár, so hoyrir við til søguna, at hann hevur verið skaddur, og skotið hattrik í Europa League. Um Jóan Símun spælir á vonginum, so er sannlíkt, at liðskiparin hjá NSÍ fær nakrar minuttir. FÓTBÓLTUR FÓTBÓLTUR OKKUM?