mánadagur 15. oktober 2018síða 16

Mánadagur 15. oktober 2018 · Nr. 119 16 Sosialurin Hugskot og viðmerkingar – send sms til 225000 Spælarar spæla á U21-landsliðnum, fyri at læra. Fríggjadagin lærdu føroysku spælararnir hvussu beiskur fótbóltur kann verða. Frá koma á odda 2-1 stutt fyri tíð, til at missa sigurin á gáttini ELI HENTZE SAT UTTANFYRI Sermerkt við dystinum móti Litava var, at Eli Hentze ikki sat á bonkinum, har venjarin vanliga situr. Orsøkin er, at hann bleiv bruturvístur í 1-1 javnleikinum móti Póllandi seinast. – Hatta er tann bíligasta burturvísingin eg veit um, sigur Eli Hentze. Tróndur Arge – Tórsvøllur Ein fyri og annar eftir, fara teir yvir til Benjamin Heinesen og ugga hann. Innskifti vongurin ger brotsspark í yvirtíðini, sum kostar sigurin. Tað er á U21-landsliðnum, at okkara spælarar skulu læra, og tað gjørdu vit vónandi fríggjadagin á Tórsvølli. Tvær ferðir skorar Litava, og báður ferðir er tað eftir deyðbóltar, sum vit kundu havt klára okkum fyriuttan. Føroyska liðið eigur nógv rós fyri avrikið, sum kundi givið trý kærkomin stig. Nú er bara ein dystur er í hesi kappingini. Hann er í Aalborg móti Danmark, sum hevur nógv upp á spæl. Marrubyrjan Undan hesum dystinum hevur føroyska U21-landsliðið hevur fingið seks stig í kappingini. Serliga javnleikirnir móti Póllandi og Finnlandi, hava verið góð úrslit, meðan sigurin á Georgia á heimavølli var kærkomin. Tað eru tó tveir dystir, sum U21- landsliðsvenjarin iðrar seg um. Í fyrsta umfari tapa vit 3-0 í Litava, meðan vit somuleiðis tapa 3-0 á heimavølli móti Danmark. Tí er hetta møguleikin, at vísa hvussu langt føroyska liðið er komið síðani. Føroyska liðið hevur fyrsta stóra møguleikan í dystinum, tá Meinhard E. Olsen er um reppi at skjóta innleggi hjá Ara Olsen í málið. -Eg ætlaði at fáa vinstra beini á bóltin, men tað endar við at eg royni at sparka hann við uttari síðu av høgra fóti, men raki ikki bóltin, sigur Meinhard E. Olsen. Løtu seinni liggur bólturin í føroyska málinum. Miðverjin úr B36, Bjarni Petersen, glíður stutt uttanfyri brotsteigin, og velur at gera fríspark. -Eg háli hann niður, tí eg veit ikki um hann er við at sleppa til skot, sigur miðverjin. Í vindi og regni skjýtur Edgaras Utkus bóltin upp um manngarðin og í málið. Helst skal Karstin Hansen fáa fatur á bóltinum, men endar við at boksa bóltin í egið mál. Meinhard javnar Tað gongur bara eitt lítið korter, so javna Føroyar. Eftir eitt frísparksinnlegg, er tað Bjarni Petersen, sum vinnur bóltin. Leggur hann fyri føturnar á Adrian Justinussen, sum síðani leggur bóltin innfyri til Meinhard E. Olsen. -Eg hugsaði bara, at eg skuldi fáa nokk á bóltin. Eg stóð bara nakrar fáa metrar frá málinum, sigur Meinhard E. Olsen. Eftir hetta er talan um ein javn dyst, har bæði liðini eru darvaði av skjóta og váta vøllinum, sum er torførur at spæla á, tá tað eisini er vindur. So nær sigrinum Gestirnir eru stinnir á bóltinum, men tá føroyska liðið fær fatur á honum, so blívur tað skjótt vandamikið. Serliga Jákup Thomsen og Meinhard E. Olsen megna at skapa órógv. Jákup Thomsen hevur fleiri góðar vendingar á bóltinum, har verja hjá Litava kemur í trupulleikar av honum. Fimm minuttir fyri tíð er hornaspark. Aftast í feltinum fær Jákup Thomsen høvdið á bóltin, sum verður stútaður innfyri aftur, har Jákup B. Andreasen fær høvdið á. Føroyar eru á odda 2-1 og tað eru bara fáir minuttir eftir. Føroyska liðið hevur arbeitt seg inn í aftur dystin, eftir at Litava legði seg á odda. Nú ræður bara um at verja borg seinastu minuttirnar. Tíverri bliva vit ov ágrýtnir, tá ein litaviskur spælari kemur inn í brotsteigin hjá okkum, har hann verður rendur umkoll. Brotsspark til Litava og 2-2. Vit kunnu læra tvey ting av hesum. Tað er ikki at fella í fátt, tí sjálvt á altjóða stigi eru vit stinnir nokk, til at vendum einum hóttandi til sigur. Hinvegin, so verða vit eisini revsaðir fyri tey minstu mistøkini. Eitt góðkent stig Sum heild er talan um eitt gott føroyskt stig. Liðið avrikar væl og á fleiri økjum kunnu vit gleðast um, at vit hava fingið fleiri stig enn Litava í hesi U21-undankappingini. Kartin Hansen kundi helst havt bjargað frísparkinum til 1-0, og átti nøkur útspørk, sum fóru útav, men sum heild var talan um eitt gott avrik. Í verjuni vóru bakkarnir, Ari O l s e n og Jóannes K. Danielsen sannførandi. Betuel Hansen og Jákup B. Andreasen komu eisini væl frá verjukendu uppgávunum á miðvøllinum, meðan Meinhard E. Olsen og Jákup L. Thomsen vóru ein støðugt hóttan í álopsspælinum. Nú er bara ein uppgáva eftir, og hon verður móti Danmark. Teir kunnu við sigri á Føroyum í Aalborg tryggja sær fyrsta plássið, so tað verður trýst á. Nú skulu vit so prógva, at vit eisini eru komin longri enn 3-0 ósigurin fyri Danmark á Tórsvølli, har vit ikki fingu eitt bein til jørðina. trondur@sosialurin.fo Fótbóltur Dysturin hesa vikuna... U21-landsliðið: FÓTBÓLTUR Á GÁTTINI TIL EIN SIGUR MÁLVERJAR: Karstin Hansen, Skála Rói Mørk Hentze, B36 VERJAN: Jóannes Kalsø Danielsen, KÍ Ari Olsen, Skála Bjarni Petersen, B36 Bartal Wardum, HB Ólavur Niclasen, KÍ MIÐJAN: Hugin Samuelsen, B36 Betuel Hansen, NSÍ Janus S, Samuelsen, 07 Vestur Jákup Biskupstø Andreasen, KÍ Benjamin Heinesen, B36 Dan í Soylu, HB Jóannes Bjartalíð, KÍ Petur Knudsen, NSÍ Meinhard Egilsson Olsen, B36 Jann Benjaminsen, NSÍ ÁLEYPARAR: Jákup L. Thomsen, FH (ICE) Ari Mohr Olsen, HB Hópurin: