týsdagur 16. oktober 2018síða 23

23 Sosialurin Hugskot og viðmerkingar – send sms til 225000 Mikudagur 17. oktober 2018 · Nr. 120 Tróndur Arge Føroyska U19-landsliðið hevur nú spælt sínar tríggjar landsdystir í innleiðandi EM-undankappingini, sum hevur verið í Írlandi í hesum døgum. Føroyar taptu allar dystirnir og fingu bara tað eina málið, sum Hanus Sørensen skoraði móti Bosnia-Hersigovina í 2-1 tapinum í gjár. Annars taptu Føroyar 5-0 fyri Hollandi og 3-0 fyri Írlandi. Taptu móti sterkari mótstøðu Føroyska U19-landsliðið við dreingjum tapti fyrsta dystin í innleiðandi EM-undankappingini móti Hollandi, sum vann 5-0. U19- landsliðsvenjarin heldur fyri, at hesa ferð var mótstøðan bara ov sterk. - Vit spældu væl meginpartin av fyrra hálvleiki, og komu eisini til onkrar góðar støður. Men beint áðrenn steðgin eydnaðist Hollandi at fáa tvey mál. Í seinna hálvleiki komu vit undir stórt trýst, og vit mugu bara ásanna, at vit taptu móti einum betri liði, sigur Jógvan Martin Olsen, landsliðsvenjari, og leggur afturat um dystin: - Holland hevur eitt sera gott lið, og til tíðir vórðu vit niðurspældir av einum liði, sum var klassar omanfyri okkum. Hagtølini yvir skot á mál sigur eisini eitt sindur um gongdina í dystinum. Holland hevur 14 skot innanfyri málrammuna hjá okkum, meðan vit høvdu eitt. Holland er tiltikið fyri at menna góðar ungar spælarar, og í fleir ár var Ajax felagið, sum øll royndu at eftirlíkna. Hetta er tó eini tjúgu ár síðani, men enn er dugur í hollendska ungdómsarbeiðinum. - Okkara spælarar stríddust væl, men mótstøðan var ov sterk, sigur Jógvan Martin Olsen við FSF.fo Í hinum dystinum í fyrsta umfari í bólkinum vunnu írsku vertirnir 3-1 á Bosnia-Hersigovina. Greiður írskur sigur Í øðrum umfari í innleiðandi EM- undankappingini, tapti føroyska U19-landsliðið greitt. Írsku vertirnir vunnu 3-0 og aftur heldur venjarin fyri, at føroyska liðið er upp í móti eini sterkari mótstøðu. - Írar stýra dystinum, og vit mugu bara viðganga, at teir eru betri enn vit. Kortini haldi eg, at okkara verjurpartur riggaði væl, men tíverri gera vit eitt býtt brotsspark miðskeiðis í seinni hálvleiki, og so komu teir ordiliga í gongd, sigur Jógvan Martin Olsen, landsliðsvenjari. Tað er ikki fyrr enn í 67. minutti, at írar fáa hol á, tá Troy Parrott, ið gjørdi øll málini hjá Írlandi, settur eitt brotsspark í netið. Tíggju minuttir seinni økir Troy Parrott um írsku leiðsluna, og tá fýra minuttir eru spældir út yvir vanligu leiktíðina, skorar Troy Parrott aftur úr ellivu metrum. - Vit megna at spæla okkum til einkultar støður, men neyvleikin manglar í avgerandi løtum, sigur Jógvan Martin Olsen við heimasíðuna hjá FSF. Í hinum dystinum í bólkinum í øðrum umfari vinnur Holland stórt á Bosnia-Hersigovina. Úrslitið er 6-0 til Holland. Á odda - men tapa Í gjár spældi føroyska liðið so triðja og seinasta dystin, sum var móti Bosnia- Hersigovina. Her fær føroyska liðið eina góða byrjan, tá Hanus Sørensen leggur føroyska liðið á odda aftaná 27 minuttir. Tíverri megna vit ikki at halda leiðsluna. Longu tá farið verður til hálvleiks er Bosnia-Hersigovina á odda 2-1. Ajdin Hasić skorar bæði málini. Tølini siga, at tað var ikki so stórur munur á liðunum, men tíverri stendur U19-landsliðið eftir við ongum. trondur@sosialurin.fo FÓTBÓLTUR FÓTBÓLTUR Hóast talan er um sterka manning, har fleiri spælarar eru á síggja í útlendskum feløgum og á bestu liðunum í Føroyum, so stendur U19-landsliðið eftir við ongum í innleiðandi EM-undankappingini U19-landsliðið í fótbólti: STANDA EFTIR VIÐ ONGUM Hópurin: Bjarti Vitalis Mørk, HB Stefan Radosavljevic, TB/FCS/Royn Bárður á Reynatrøð, Víkingur Sølvi Sigvardsen, NSÍ Sjúrður Pauli Nielsen, NSÍ Óli Eyðsteinsson Poulsen, KÍ Jonn Johannessen, KÍ Magnus Holm Jacobsen, FCFP (POR) Dann Fróðason, 07 Vestur Steffan Løkin, NSÍ Filip í Liða, AB Bartal S. Petersen, AB Andrias Edmundsson, Sunderland (ENG) Lukas Grenaa Giessing, FC Midtjylland (DEN) Hanus Sørensen, FC Midtjylland (DEN) Símun Sólheim, HB Elias El Moustage, Thisted FC (DEN) Pætur T. Skipanæs, NSÍ