hósdagur 18. oktober 2018síða 28

FRÍGGJADAGUR 19. OKTOBER 2018 SOSIALURIN 121 28 Hóast ætlanin ongantíð var at hjálpa danska U21- landsliðnum til EM, so bleiv tað júst leikluturin hjá okkum. Avrikið í Aalborg kundi verið betri, men sum heild komu vit frá uppgávuni við skinninum á nøsini TAÐ VAR NAKAÐ LORT - Sjálvandi eru vit sera skuffaðir at tapa 3-0. Vit viðurkenna, at Danmark er og var á degnum betri. Men vit fegnast um enn eitt avrik, ið er nær við sera gott. At vit ikki fóru til hálvleiks við 0-0 úrslitinum, var nakað lort! Og so skora teir, tá ið tíðin er farin, sigur Eli Hentze. TRÓNDUR ARGE E M-undankappingini fyri U21-landsliði er komin at enda. Føroyska liðið fekk sjey stig kappingini, sum tíverri ikki røkkur longri enn til eitt aftasta pláss í bólkinum. Vit byrjaðu EM-undan­ kappingina við at tapa tvær ferðir 3-0, móti Litava og Danmark. Av­ rikini vóru alt annað enn góð. Nú eru tveir teir seinastu dystirnir spældir, aftur móti Litava og Dan­ mark. Móti Litava megnaðu vit at partvís reina okkum í 2-2 javn­ leikinum, sum helst skuldi verið ein 2-1 sigur til okkara. Dysturin í Aalborg setti punkum fyri hesa kappingini. Avrikið var á eini leið og vit kunnu fegnast um, at tað var betri enn í heimadystinum, men úrslitið er tað sama, 3-0. Eftir tveir javnleikir móti Pól­ landi, so blivu úrslitini hjá føroyska U12-landsliðnum avgerandi fyri, at Danmark kemur beinleiðis til EM- endaspælið. Danmark vann báðar dystirnar móti Føroyum, meðan vit tóku stig frá Póllandi í tveimum førum. Hástórir danskarar Tað var lítið óvæntað í upptakini hjá stóru donsku sjónvarpsrásini, Kanal 5. Saman við systurrásini, Kanal 6, plaga tær vanliga at borðreiða við góðum framleiðslum av beinleiðis fótbólti. So var eisini hesa ferð, men tað mundi koma óvart á vertin og gestirnar, at nógv­ ir føroyskir hyggjarar eisini høvdu tendrað fyri rásini, tí alt gekk út upp á danska U21-lands­liðið, meðan tey fáu orðini vit fingu, var ein niðurhøgging, sum vil nakað. Í upptaktini er serliga ein maður, sum heldur líti um føroyska U21- landsliðið. Talan er um fyrrverandi lands­liðsáleyparan, Flemming Povl­sen. Hann sigur, at Danmark skal vinna hendan dystin 5-0. Hóast hann fær eitt mótspæl frá vertinum, sum vísir á, at Føroyar hava spælt javnt tvær ferðir móti Pól­landi, so er hann ikki í iva. - Danmark skal vinna hendan dyst­in greitt. Tað er risa munur á liðunum. Eg tippi 5-0, sigur Flemm­ ing Povlsen. Heppin leiðslan í hálvleikinum Danska U21-landsliðið er fjáltur­ stungið í 46.minuttir. Hóast spælar­ arnir umboða feløg sum Borussia Dortmund, Sampdoria, Dynamo Kiev, Genk og FCK, so sást eisini, at teir vóru fjálturstungnir, tí so stórt trýst er á teimum at vinna dystin. Hinvegin, so er føroyska liðið væl skúlað til dystin. Ongin fjáltur og ein greið ætlan. Í verjustøðu skulu danskararnir ikki hava nakað pláss at spæla í, meðan vit gera skjótt av í álopsstøðu. Karstin Hansen verður ongan­ tíð ordiliga kroystur í fyrra hálv­ leiki, meðan vit koma til nakrar deyð­bóltsstøður, har vit við eitt sindur av hepni kundu havt fingið meiri bruturúr. Tað sær leingi út til, at okkara fara at klára at halda málið reint, men í seinasta sparkinum fyri hálv­leik gongur galið. Ati Olsen fær ikki ruddað vekk eftir hornaspark, og so stendur Jacob-Bruun Larsen úr Borussia Dort­mund í Týsklandi leysur og skor­ar. Hann hevur so seint sum í sein­asta umfarinum í Champions League bólkaspælinum, skorað fyri besta liðið hjá Borussia Dortmund móti Monaco. Flemming Povlsen: Soleiðis skal tað verða Í eini roynd at fáa eitt sindur av skil á viðmerkingarnar hjá donsku við­ merkjarunum, so sendi undir­ritaði eini boð á Twitter til Kanal 5 og vertin, Zak Egholm, har teir blivu mintir á, at uttan føroyska “hjálp” við tveimum javnleikinum móti Póllandi, so var danska U21-lands­ lið­ið trý stig aftanfyri Pólland undan hesum dystinum. -Soleiðis skal tað verða, tá vit eru í einum ríkisfelagsskapi, nakað soleiðis svar­ aði Flemming Povl­sen aftur í steðginum, har semja var um, at málið beint fyri hálv­leik hevði stóran týdning. Her kann nevnast afturat, at Flemm­ing Povlsen tann 11. oktober í 1990 skoraði móti Føroyum í Park­ ini, tá Danamrk vann 4-1 í okkara bara øðrum altjóða landsdysti. Vit klára ikki at standa ímóti Føroyska liðið er væl skipað í fyrra hálv­leiki, har Bjarni Petersen og Ólavur Niclasen hava tamarhald á støðuni í miðverjuni, har millum annað Meinhard E. Olsen og Jákup L Thomseni støðum er hóttandi. Eisini Jóannes Bjartalíð vinnur okk­um nøkur fríspørk við sínum góða bóltførleika. Í seinna hálvleiki riggar einki. Vit koma undir eitt stórt trýst, har vit illa nokk megna at verja fyri egnum máli. Tað er næstan ikki hugs­ingur um at koma í mótálop, tí vit fáa ikki fatur á bóltinum. Tað endar eisini við, at Danmark økir um leiðsluna til 2-0. Mikkel Due­lund dribblar væl uttanfyri brots­teigin og meddar bóltin í málið til 2-0. Eftir hetta kemur føroyska liðið fyri seg, men tað blívur ongantíð til meir enn góðar støður. Vit eru rundanum málið hjá teimum, men vit kom ikki til heilt stóra møgu­leikan, sum kann fáa okkum inn aftur í dystin. Í yvirtíðini fáa vertirnir eitt heppið mál til endaliga úrslitið 3-0. Vit kundu so lættliga sloppið undan fyrsta og seinasta málinum, men sannleikin er eisini, at í har í millum raka danskararnir eisini stongina tvær ferðir. So 3-0 er ein góð lýsing av dystinum. Flemming kann flenna Hóast hann tippaði 5-0 til Dan­ mark, so kann Flemming flenna, tí Danmark er víðari til EM-enda­ spælið fyri U21-landslið, men kanska hann nú veit av, at tað hevði ikki gingið uttan føroyska hjálp. Hóast vit enda aftast í bólki­ num, so fingu vit sjey stig, og tvey av teimum móti nummar tvey í bólki­num. Tað er nu ikki so galið. TRONDUR@SOSIALURIN.FO Fótbóltur Dysturin hesa vikuna... U21-landsliðið: DANMARK TIL EM VIÐ FØROYSKARI HJÁLP FÓTBÓLTUR: EM-undankappingini