mánadagur 22. oktober 2018síða 13

13 Mánadagur 6. januar 2014 · Nr. 2 Sosialurin Mánadagur 22. oktober 2018 · Nr. 122 Hugskot og viðmerkingar – send sms til 225000 STUTTSØGD Signhild Joensen vann í gjár gullheiðursmerki í altjóða svimjikapping í Fraklandi. Dystur hevur verið í kurvabólti her heima, og úti í heimi er HM í formil 1 um at verða avgjørt. Her eru stuttsøgdu ítróttartíðindini Pætur Albinus FÓTBÓLTUR Brann og Gilli Rólantsson nærkast aftur oddasessinum í norsku Elite­ serien eftir at Rosenborg í gjár snávaði við 0-0-javnleiki ímóti Lille­strøm samstundis sum Brann vann 2-1-comebacksigur á Sta­ bæk. Gilli Rólantsson varð inn­ skiftur tá støðan var 1-1 við góðum korteri eftir at spæla. Tað eru fýra dystir eftir at spæla, og næsta sunnukvøld kl.20 er lagt upp til satt oddabrak í Bergen, har júst Brann og Rosenborg hittast. Eftir 7-1-stórtap fyri Danmark skuldu føroysku U17-genturnar í gjár royna seg ímóti Ukraina í EM-undankappingini, sum verður spæld í Danmark í hesum døgum. Hendan uppgávan skuldi eisini vísa seg at gerast trupul, og føroysku genturnar taptu dystin 4-1. Tað var Fridrikka Klementsen, sum skeyt føroyska málið fáar minuttir fyri leiklok. Føroyar hava nú spælt allar tríggjar dystirnar í bólkinum og eru sostatt lidnar í kappingini. Tær endaðu aftast í bólkinum, men kunnu tó fegnast um at tær komu á máltalvuna í øllum dystunum. Fyrsti dysturin í kappingini endaði við 5-1-tapi fyri Kekkia. Finnur Justinussen var aftur á máltalvuni, tá ið Næstved í gjár hevði vitjan av Lyngby í næstbestu donsku deildini. Eitt mál kom í dysti­num. Tað kom tíggju minutt­ ir fyri leiklok, og tað var Finnur Justinussen, sum skoraði tað mál­ið og gjørdist sigursharri í 1-0-sigrinum. Við málinum í dag hevur Finnur Justinussen skotið 10 mál í næstbestu donsku deildini. Tað er mest í deildini saman við Martin Koch Helsted (HB Køge) og Sakari Tukiainen (Thisted). Næst­ ved er væl við í oddastríðnum. Tað er fýra stig til oddaliðið og beinleiðis uppflyting, men einans eitt stig til uppflytingarspælið. Næsti dystur verður sunnudagin á útivølli ímóti einum av oddaliðnunum, HB Køge. FORMIL 1 Lewis Hamilton (Mercedes) hevði møguleikan at tryggjað sær samlaða HM-sigurin, tá ið kapp­koyr­ing var í Austin í USA í gjár, men soleiðis skuldi ikki ganga hjá bretska koyraranum. Hann bleiv nummar trý aftanfyri Kimi Raikkonen (Ferrari) og Max Verstappen (Red Bull), og tískil má hann bíða í øllum førum eina viku við at tryggjað sær HM- sigurin frammanfyri Sebastian Vettel (Ferrari), sum hann hevur kapp­ast við í alt ár. Danski Kevin Magnussen (Haas) bleiv nummar níggju í gjár, men fekk seinni frá­ tikið stigini av tí at hann eina løtu hevði ov nógv brennievni á bilinum. Tríggjar kappkoyringar eru eftir at koyra: Í Meksiko kom­ andi leygardag og síðani Brasil og Abu Dhabi. HONDBÓLTUR TM Tønder við føroyska Niklas Simonsen sum ein av málverjunum heldur fram sum ósigrað og einsamalt oddalið í næstbestu donsku deildini. Í gjár varð Odder sent heimaftur við 29-23-tapi, og sambært Jyske Vestkysten, so stóð starvsfelagin hjá Niklasi í málinum, Christian Trans, ein branddyst. TM Tønder hevur fult stigatal, 14 stig fyri sjey dystir, og er tvey stig frammanfyri Team Sydhavsøerne. Næsti dystur hjá TM Tønder er leygardagin í aðru viku á útivølli ímóti Stoholm. KA av Akureyri við føroysku Áka Egilsnes og Allani Norðberg á lið­num spældi leygardagin 25-25-javn­leik ímóti ÍR í bestu ís­ lends­ku deildini. Útjavnandi málið skoraði KA í seinastu sekundunum í hesum dystinum, har Áki Egilsnes skeyt seks mál og Allan Norðberg tvey mál. KA hevur fimm stig eftir fyrstu seks dystirnar og er nummar níggu av 12 liðum í deildini. KURVABÓLTUR Leygardagin hittust Sporðdrekin úr Havn og Ravnur av Toftum í føroysku landskappingini. Hesi lið­ini spæla vanliga javnar dystir, og einki undantak var hesaferð. Tá farið var í fjórða og seinasta fjórðing av dystinum, stóð á jøvnum 40-40. Tá dró Sporðdrekin tó frá og vann dystin 51-44. Toppskjútti hjá Sporðdrekanum var Magnus Jakobsen við 21 stigum, meðan Bjarni W. Zachariassen skeyt 18 stig fyri Ravn. Næsta leygardag spælir nýggja felagið úr Klaksvík, Hávur, á fyrsta sinni heimadyst á nýggja vøllinum í KÍ-høllini. Mótstøðuliðið er Hamar. SVIMJING Signhild Joensen úr Ægir vann í gjár gull á altjóða svimjistevnu í Saint Dizier í Fraklandi. Hetta gjørdi hon í 100 metra ryggsvimjing, har hon svam teinin upp á 1:02.15 og var fremst av øllum. Hon vann eisini bronsu í 200 metra ryggsvimjing, og so bleiv hon nummar fimm í finaluni í 50 metra ryggsvimjing við tíðini 28.89. Magnus Jákupsson, sum svimur fyri Danmark, vann silvur í 50 metrum ryggsvimjing við tíðini 24.76. Rebekka Trygvadóttir úr Ægir vann leygardagin bronsu í 200 metrum bringusvimjing í sínum aldursbólki (fødd 2004) á hesi somu altjóða svimjistevnuni í Saint Dizier, har hon í finaluni svam teinin uppá tíðina 2:43.28. Hetta skrivar svimjing.com. Føroysk heiðursmerki í Fraklandi