mánadagur 22. oktober 2018síða 14

Mánadagur 22. oktober 2018 · Nr. 122 14 Sosialurin Hugskot og viðmerkingar – send sms til 225000 Sjúrður Hildarson Hoydal Leygardagin var toppdystur á skránni í Høllini á Hálsi, tá ið mansliðini hjá Neistanum og VÍF brustu saman. VÍF var ósigrað undan dystinum, og hevði bert mist eitt stig tá ið liðið spældi javnt við Kyndil. Neistin hevði verið fyri einum ósigri, eftir at liðið hevði tapt móti Kyndli seinasta vikuskifti, og einki var at ivast í at neistamenn høvdu hug at taka oddasessin aftur. Tað vóru eisini teir bláu, ið løgdu best út. Neistin spældi við høgari leikferð og fekk nógv mál burtur úr skjótum álopum. VÍF kundi kanska takka Mladen Mjerimacka í máli­num fyri at munurin ongantíð gjørd­ist størri enn fýra mál í fyrra hálv­leiki. Júst um tað mundið – tá ið støðan var 11-7 til Neistan fóru fyri fyrstu ferð teir báðir Sjúrður Olsen og Magnus Müller at gera um seg á bakkunum. Áðrenn hetta høvdu vestmenningar fyri tað mesta dúva á Filip Jojic, men nú fekk hann úr stuðul frá hinum í bakketuni. Samstundis sum Mladen Mjerimacka helt fram at stór­bjarga í málinum, fekk VÍF vent gongd­ini so at støðan gjørdist 13-13 í hálv­leikinum, og neistamenn vóru ávar­aðir um hvat VÍF kundi finna uppá. Vóru ábendingar um at Mladen Mjerimacka fór at spæla ein góðan dyst, so var tað veruliga staðfest fyrstu løtuna av seinna hálvleiki. Sama hvat neistamenn royndu, so fingu teir ikki bóltin inn um sterka málverjan. Í hinum endanum fór Sjúrður Olsen at stýra álopinum, og VÍF kundi draga frá. 15 minuttir inni í seinna hálv­ leiki var støðan vorðin 13-19, og alt tóktist avgjørt. Nú fóru neista­ menn aftur at skora mál við jøvn­ um millumbilum, men tað hjálpti lítið, tá ið teir tríggir bakk­ar­nir hjá VÍF, Sjúrður Olsen, Filip Jojic og Magnus Müller hildu fram við mál­ skjótingini. Dysturin gjørdist ongantíð spennandi og vestmenningar kundu leggja ein trivaligan 23-29 sigur afturat góðu kapp­ingar­ byrjanini, har liðið bert hevur mist eitt av fyrstu tíggju stigunum, og liggur á odda í Okkaradeildini. Tað er farið at líkjast í Hoyvík Í Hoyvík tók H71 móti Team Klaksvík. Hvørki av liðunum báð­ um hava fingið ynsktu kapp­ingar­ byrjanina, har H71 hevur verið fyri tveimum greiðum tapum, meðan klaksvíkingar bert hava vunnið ein av fyrstu fýra dystunum í ár. Klaksvíkingar vóru nakað skerdir, og serliga var merkisvert at Hørður Fannar SigÞórsson ikki fekk spælt vegna skaða. Kanska hetta hevði ávirkan á byrjanina hjá klaksvíkingum, tí hon var stak vánalig. Einki eydnaðist hjá Team Klaks­ vík, bóltar vóru tveittir burt­ur og skot vóru brend. Hesum revsaði H71 eirindaleyst, so at støðan gjørd­ ist 8-0 til H71, tá ið fyrri hálvleikur var hálvrunnin. Men einki var avgjørt enn. Hoyvíkingar fóru kanska at taka sær av løttum, meðan klaksvíkingar ikki góvu seg. Munurin minkaði burtur í hvørjum, og tá ið komið var til hálvleiks var støðan 14-12 til H71, ið ikki kundi vera nøgt við at mun­urin var so lítil. Team Klaksvík kom eisini heilt niður á eitt mál stutt inni í seinna hálv­leiki, men nærri kom útiliðið ongan­tíð. H71 helt leikferðini uppi og hetta tóktist at gerast ov tungt fyri skerda Klaksvíksliðið, ið nú sá leiðsluna fjara burtur aftur. Um miðjan seinna hálvleik var munurin vorðin ov stórur og H71 kundi lættliga spæla ein tryggan 30-24 sigur í hús. Sostatt hava Føroyameistararnir vunnið tveir greiðar sigrar á rað, og hini liðini í kappingini fara nú aftur at óttast at spæla móti H71. Hoyvíkingar tykjast at vera væl betur fyri nú enn við kapp­ingar­byrjan, har serliga verjan og skjótálopini standa sterk í dystar­myndini. Klaksvíkingar vístu samstundis, at teir duga at spæla hondbólt, men tað var sjón fyri søgn at hópurin er sera smalur, og liðið hevur ikki ráð til skaðar. Kanska serliga ikki til so umráðandi leikarar sum Hørð SigÞórsson. Liðið vísti stóra styrki at koma aftur í dystin eftir vánaligu byrjanina, men sovorðin brøgd krevja mikla orku, so at tað er trupult at halda henni uppi ein heilan dyst, og hetta var avgerandi henda dystin. StÍF tók Kyndil á bóli Flestu feløgini óttast eisini Kyndil fyri tíðina. Teir grønu úr Havn hava eina sera sterka verju, og tað hava millum annað oddaliðini, VÍF og Neistin, eisini ásannað fyrr í kapp­ ingini. Men StÍf møtti somuleiðis upp við sterkari verju og málverja, tá ið liðið vitjaði Kyndil í Høllini á Hálsi sunnu­dagin. Endin var at StÍF vann 22-23 eftir ein tættan dyst, ið enn einaferð prógv­aði at øll lið kunnu vinna á hvørjum øðrum í ársins mansdeild. Sum sæst á stigatalvuni, so verður hørð kapping um tey fýra plássini, ið geva atgongd til enda­ spælið komandi vár, og tað er trupult at peika á nakrar favorittar í teim­um einstøku dystunum. SMS-deildin: Neistin megnaði javnleik móti VÍF Í SMS-deildini hava miðlarnir nú í longri tíð rópt VÍF at vera favorittar til hvønn dyst. Hetta er serliga orsakað av sterku bakketuni við Agnas Olsen, Liljuni Djurhuus og Duritu Jojic, men seinastu tveir dystirnar hevur onkur liður í ketuni vanta. Fyri tveimum vikum síðani varð Durita Jojic skadd í ósigrinum fyri H71. Leygardagin var hon aftur á liðnum, men hesaferð var eingin Liljan Djurhuus at síggja. Hjá Neistanum spældi høgri bakkurin, Sofie Søberg, sín næsta dyst, og hon hevði veruliga stillað kanónina leygardagin. Sam­stund­ is vóru eisini eitt nú Marjun Danberg og Bára Hansen kom­nar inn aftur á liðið, ið nú brádl­iga líktist einum avbjóðara móti VÍF. Dysturin endaði eisini við javn­ leiki, 22-22, ið neistakvinnur helst fegnast nakað meira um, nú tær vístu at tær kunnu spæla móti teim­um bestu. Kyndil vann aftur Stak vánaliga byrjanin hjá Kyndli er komin at enda. Eftir at liðið vann fyrstu tvey stigini móti Neistanum í síðstu viku, so komu næstu tvey stigini í hús um vikuskiftið, tá ið liðið basti StÍF við støðuni 25-22. Á Strondum iðra tey seg um at StÍF er ikki nóg væl fyri í avgerandi løtunum, men kunnu gleðast um at liðið vísir seg væl fram í løtum, men nú skulu skjótt fleiri stig á talvuna á Strondum, áðrenn tey fella í fátt. Sigursrøðin hjá H71 heldur fram Vinnarin av umfarinum í SMS- Hjá kvinnum er fyrsti fjórðingur av kappingini farin afturum, og tað er H71, ið hevur vunnið hendan fjórðingin í stórum stíli. Hjá monnum er fyrsti fjórðingurin eisini um at vera spældur, og VÍF líkist stóra vinnaranum, eftir at Mladen Mjerimacka stongdi málið í toppdystinum um vikuskiftið HONDBÓLTUR VÍF OG H71 STRÚKA AVSTAÐ