mánadagur 29. oktober 2018síða 20

Mánadagur 29. oktober 2018 · Nr. 125 20 Sosialurin Hugskot og viðmerkingar – send sms til 225000 Jóannes Hansen Tað var dramatikkur inntil síðsta bríksl, tá ið tað leygardagin varð sett punktum fyri hetta kapp­ ingarárið. Tá ið argjamenn fóru norður til Eiðis, vistu teir ikki, um nakar møgu­leiki var fyri, at teir framvegis fóru at vera í bestu deildini, tá ið teir fóru úr Hólmanum aftur. Teir í 07 Vestur vistu heldur ikki, um teir vóru keyptir ella seldir, tá ið teir eftir døgurða settu kós inn í Trongisvág. Tað var B68, sum lá í buktini. Ill­ veðrið fríggjakvøldið hevði við sær, at oyggjauppgerðin í næstbestu deild­ini millum Víking og B68 varð av­blást, tá ið trettan minuttir vóru farn­ir, og støðan framvegis var mál­ leysur javnleikur. Hetta var í Sarpugerði. Á middegi leygardagin varð leikur tikin upp­ aftur í Leirvík. Við sigri flutti B68 upp. Um tað ikki eydnaðist at vinna, fór 07 Vestur ella AB at bjarga sær. Í Leirvík endaði tað 0-0, og so lá tað til 07 Vestur, sum var tvey stig frammanfyri AB, at varðveita sessin í fremstu røð. Tað endaði við, at AB framvegis hoyrir til í bestu deildini, meðan 07 Vest­ur enn einaferð noyðist tungu leið­ina niður í bestu deildina. Síðsta løtan leygardagin var so dramatisk, sum tað næstan ikki ber til at ímynda sær. At AB var frammanfyri 1-0 á Eiði, meðan støðan í Trongisvági var 0-0 bar við sær, at AB hevði kós ímóti niður­flyting. Bæði liðini høvdu sama stiga­tal og máltal, men 07 Vestur hevði skorað fleiri mál enn AB. So lagaði seg alt til fyrimunar fyri AB. Argjamenn øktu til 2-0, og tveir minuttir seinni skoraðu Suðringar sigurs­málið við Stórá. Argjamenn stórfegnaðust, og vága­menn hingu við nevinum. Tað plagar at verða sagt um kettuna, at hon hevur sjey lív. AB vísti seg at hava fleiri lív enn so, tí mest sum alt kappingarárið vóru argja­menn undir niður­flyt­ingar­ strikuni, og fram ímóti kapp­ingar­ enda vóru teir fyri tað mesta aftastir. Men argjafrensarnir vóru drúgvir, og tá ið tað mest galt um, vístu teir rætta hugburðin og yvirskotið, sum var neyðugt fyri at varðveita plássið. Tað gjørdu teir í 07 Vestur ikki. Tí verður AB eisini í 2019 partur av bestu deildini, meðan ÍF fer at av­ loysa 07 Vestur. Fagnaður í Hólmanum EB/Streymur – AB 0-2 Tað var krígsdansur í Hólmanum, har AB síðstu løtuna var undir­ mannað: -Í dag gekk roknistykkið hjá okkum upp. Vit vistu undan dystar­ byrjan, at B68 ikki hevði tikið av sín­ um møguleika, og nú tað eydnaðist eru vit ovurfegnir. Eg havi verið við til at vunnið steypafinalur og FM við EB/Streymi, men kenslan, nú tað eydnaðist okkum at megna tað, sum eingin undan kappingarbyrjan roknaði við, at vit fóru at megna er so framúr góð, ja, eins og vit hava vunnið FM, sigur veteranurin á mið­ vøllinum Bárður Olsen. -Hetta er sum at vinna FM. Eingin hevði roknað við hesum uttan vit sjálvir. Vit roknaðu alt árið við møgu­ leikanum. Um vit ikki gjørdu tað, so var einki at spæla fyri. Eg havi ikki orð fyri, hvussu fegnir vit eru, sigur AB málverjin og liðformaðurin Heðin Sten­berg. -Eg eri ógvuliga stoltur av okkara spælarum. Eg segði við teir undan dystar­byrjan, at nú ráddi tað um at halda øllum øðrum burtur og bara at hava fokus á okkara avriki. Seks av spælarunum eru undir tjúgu ár og hava verið við til at vinna U-21 kappingina, og tað er framúr, at teir eisini stóðu hesa royndina. Vit hava arbeitt nógv og væl. Talan er um raskar dreingir, sum hava lagt so ómeta­liga nógv fyri og sum eiga væl meiri í sær, sigur AB venjarin Sorin Anghel. Jobin Drangastein setti eyka mót í liðfelagarnar, tá ið hann tveir minuttir undan steðginum og eftir inn­legg úr vinstru við nærra stólpa og umvegis tvørtræið setti bóltin í mál­ið til 1-0. Lítla løtu undan leikloki steyk inn­skifti Filip í Liða til baklinjuna í høgru, áðrenn hann legði flatt inn fyri málið, har Tóki á Lofti takkaði fyri og økti til 2-0. So bíðaðu argjamenn lítla løtu, áðrenn tað varð greitt, at teir høvdu tryggjað sær lívið í bestu deildini í hvussu so er í eitt ár aftrat. Vónbrot millum vágamenn Suðringar – 07 Vestur 1-0 Tá ið Rúni Gaardbo bríkslaði fyri síðstu ferð, og tað var greitt, at tað verður leygardagsfótbóltur í Sørvági næsta ár, var hýrurin sjálvandi vána­ lig­ur millum gestirnar. Einasta málið í síðsta dystinum hjá Suðringum við Glenn Ståhl við róðr­ið skoraði Stefan Radosavljevic, tá ið tað bara restaði heilt lítil løta. Sigurin ber við sær, at Suðringar enda á sjeynda plássi við 28 stigum – eitt aftanfyri Skála. -Vit høvdu ikki hepnið við okkum, tí vit høvdu fleiri stórar mál­møgu­leikar og kundu havt verið frammanfyri við fleiri málum, áðrenn heimaliðið, sigur 07 Vestur for­maðurin Jim Sonni Guttesen, sum heldur høvdið høgt, hóast talan er um stórt vónbrot: -Vit halda fram við at menna fót­ bóltsfelagið. Sáttmáli er skrivaður við flestu lokalu spælararnar og eisini við Ken Fagerberg. Teirra leiklutur v e r ð u r n æ s t a ár at syrgja fyri, at liðið flytur aftur upp í bestu deildina. Ung­dómsdeildin er væl skipað, og tað er góður møguleiki fyri, at evnaríku ungu menninir um eini trý ár fara at megna at vera við í kappingini longri uppi á talvuni í bestu deildini, sigur Jim Sonni Guttesen. HB var í eyðkenda lagnum HB – Víkingur 2-1 Tað var metregn og ramur gull­ deymur í Gundadali, har teir í HB fegn­aðust um FM og 73 stig, sum er met, ið tað er ilt at ímynda sær, at nakar fer at taka. Gunnar Vatnhamar legði longu í fyrsta minutti Víking framum. Tað ber við sær, at HB ikki eigur metið í málum, sum eru farin ígjøgnum. Átjan mál fóru ígjøgnum hjá HB í ár. Met­ið eigur B36. Tá ið árstalsfelagið vann FM í 2005, fóru bara seytjan mál ígjøg­num. Hitt metið, sum HB hevur eftir at taka, er flest FM á rað. Um tað verður eins sannførandi, sum tað hevur verið í ár, so verður tað metið tikið í 2023. Víkingur var frammanfyri, inntil tað restaðu átta minuttir. So tørnaði tað út, sum tað so ofta hevur gjørt í ár. Adrian Justinussen javnaði við brots­sparki, tá ið hann skoraði mál numm­ar 20, og innskifti Niklas T. Kruse skoraði sigursmálið eftir snilda frí­spæling frá Símuni Samuelsen. -Vit svóvu fyrstu løtuna, og hetta er avgjørt ikki tað, sum hevur eyð­ kent okkum. Men vinnara mentali­ tet­urin vísti seg, og hann bar sigurin við sær. Vit vildu ógvuliga fegnir vinna, og tað gjørdu vit. Heimir segði eftir sigurin í Klaksvík, tá ið vit tryggjaðu okkum FM, at nú varð farið undir fyrireikingarnar til næsta FRÓÐI ÓLASON OLSEN AB: Einki er liðugt fyrr enn alt er liðugt. Framtíðin er bjørt FM U21, og vit tosa føroyskt. Takk fyri í ár. RÓGVI DAM EB/STREYMUR: Takk fyri í ár. Saman standa vit sterk KRISTIAN JOENSEN KÍ: Við 8 leikarum ið av uppruna, ikki eru úr KÍ, so kann man róliga siga at KÍ dumpaði so hjartaliga í 2018. Eitt tað ringasta kappingarárið eg kann minnast, tá hugsa verður um forvæntningar. Tá tú setur tað so stórt upp, sum KÍ gjørdi í ár, so er bara meistaraheitið gott nokk. Tillukku HB. Mikkjal skal hava minst 3 leikarar aftarat komandi ár, og KÍ leikarar fara úr felagnum. Vit gyppa okkum á ovastu rók í 2019 JAN BOLSTAD ANTONIUSSEN NSÍ: Tá tað ikki kann blíva gull, so má mann bara noyðast við silvur! Takk fyri í ár! Góðir! BJØRG OLSEN SKÁLA: Best of the rest. Takk fyri í ár. Gleða okkum longu til komandi kappingarár. Hjartaliga til lukku til okkara kvinnur við FM. Til lukku HB við FM. Hóast teir leingi hava verið roknaðir sum upplagdir niðurflytarar, so megnaðu argjamenn at varðveita plássið, meðan 07 Vestur ikki tók av, tá ið møguleikin var har FÓTBÓLTUR 27. umfar: ARGJAFRENSARNIR ERU SUM KETTAN