mánadagur 5. november 2018síða 22

Mánadagur 5. november 2018 · Nr. 128 22 Sosialurin Hugskot og viðmerkingar – send sms til 225000 Sjúrður Hildarson Hoydal Neistin og StÍF tjóvstartaðu hetta umfarið í SMS-deildini, tá ið liðini hittust í Høllini á Hálsi leygardagin. Hóast eina góða byrjan, so eydn­aðist tað ikki strandakvinnum at fylgja við Neistanum, ið vann 23-17 eftir 12-7 í hálvleikinum. Neistin tykist at halda fram við at skava stig saman, og alt bendir á at tær bláu úr Havn eru tær, ið odda­liðini H71 og VÍF skulu ansa eftir í kappingini um finaluplássini. Neistin hevur fingið ein fong við nýggja leikaranum Sofie Søborg, ið tykist at gerast betri fyri hvønn dyst hon spælir. Samstundis er Marjun F. Danberg aftur farin í hond­bólts­skógvarnar, og hon var stóri leikarin leygardagin. Heldur hon fram, so hevur Neistin øgiliga styrki á bakkunum, og kann hótta øll lið. VÍF er vaknað aftur Øgiliga styrki hava Føroya­ meistar­ar­nir úr VÍF eisini, og tað prógvaðu tær móti Kyndli sunnudagin. Ivi hevur verið um Liljuna Djur­huus í seinastuni, tí hon hevur havt ein akslaskaða at dragast við. Hetta sást tó ikki sunnudagin í Havn, tí Liljan Djurhuus sveiggjaði skot­armin við stórari megi og átti stóran leiklut í at VÍF vann greiðan sigur á Kyndli. Spenningurin í dystinum helt sær kortini leingi, har serliga Jovana Stranjanac í kyndilsmálinum gjørdi sítt fyri at halda tær grønu inni í dystinum. Mið­skeiðis í seinna hálv­leiki javn­aði Kyndil til 14-14 eftir eina drúg­va leiðslu hjá VÍF, men so settu Føroya­ meistararnir dystin upp á pláss undir leiðslu av Vivi­on­nu Peter­sen í málinum, ið læsti av seinastu løtuna. Hjá Kyndli var profilurin frá í fjør, Marianna Geirsdóttir Eystberg við á liðnum fyri fyrstu ferð hetta kappingarárið, og tað sást at Kyndil fekk spælt við væl størri breidd enn undanfarnu dystirnar. Hetta rakk tó ikki úrslit móti sterka VÍF-liðnum og Kyndil má hyggja nak­að langt eftir finaluplássunum í løtuni. Kyndil spæla sum eitt oddalið Klassikarin í Føroyskum mans­ hond­bólti, Kyndil móti VÍF var eisini á skránni sunnudagin, og hetta var ein týdningarmikil dyst­ur á stigatalvuni. VÍF lá undan dysti­num á odda í kappingini, men Kyndil kundi minka um munin nið­ur í eitt stig við einum sigri. VÍF byrjaði eisini dystin best, men eftir støðuna 4-6 setti Kyndil ferð á og gjørdi støðuna til 11-6. Bæði liðini vildu spæla skjóta hond­bólt, men hetta tóktist at eydnast væl frægari hjá Kyndli. Kyndil tykist at hava ein sera breiða hóp í ár, og ungu leikararnir sum Bartal K. Olsen og Jóni G. Viderø vístu veruliga at teir eru til reiðar at taka ábyrgd. Saman við royndaru leikararunum á lið­ num forðaðu teir fyri øllum roynd­um hjá VÍF at koma inn aftur í dystin í seinna hálvleiki. Ein sat ongantíð veruliga við kensluni av at Kyndil skuldi missa tamar­ haldi. Hetta serliga av tí, at Kyndil fann nógvar og fjølbroyttar loysnir í álops­ spælinum, eins og verjan stóð sera sterk. Fekk VÍF forðað fyri skotum uttanifrá, so spældi Kyndil strikuspæl og eydnaðist hetta ikki, so eydnaðist tað kanska av vonginum løtu seinni. Tað bar ikki til at steðga kyndils­álopi­ num sunnu­dagin, og endin var ein sera greið­ur sigur á 32- 24 eftir eitt sera sann­førandi avrik. Kyndil spælir seg við hesum heilt upp í oddin, og eingin ivi kann vera um, at Kyndil ætla tað av álvara í ár. Nú liggja VÍF, Neistin og Kyndil á níggju og átta stigum, og tað er trupult at ímynda sær at hesi liðini ikki vera millum fýra tey fremstu tá ið grundspælið er av. Fjórða liðið kann hugsast at vera H71, ið kann leggja seg undir lið­ina av Neistanum og Kyndli um hoy­víkingar fáa tvey stig móti KÍF mikukvøldið. Men KÍF kann eisini nærkast oddinum, um koll­firð­ingar endurtaka bragdið frá ein­um mánað síðani, tá ið KÍF vann stór­sigur á H71. Eftir at fyrsti fjórðingurin av bæði Okkara- og SMS-deildini er farin afturum geva stigatalvurnar ábendingar um styrkina í kappingunum. Hjá monnum er sera opið, men hjá kvinnum eru tað tvey lið sum ætla sær at renna undan SMS-deildin støðan NR. LIÐ DYSTIR V.M. T.M. MUNUR STIG 1 H71 5 145 123 22 10 2 VÍF 6 166 134 32 9 3 Neistin 6 136 124 12 7 4 Kyndil 6 135 160 -25 4 5 Stjørnan 5 116 122 -6 3 6 StÍF 6 115 150 -35 1 Okkara-deildin støðan NR. LIÐ DYSTIR V.M. T.M. MUNUR STIG 1 VÍF 6 162 148 14 9 2 Kyndil 7 172 151 21 8 3 Neistin 6 146 131 15 8 4 H71 5 121 116 5 6 5 StÍF 5 116 132 -16 4 6 KÍF 5 118 120 -2 3 7 Team Klaksvík 6 133 170 -37 2 Neistin – StÍF 23-17 (12-7) Neistin: Marjun Danberg 8, Ingun K. Persson 3, Drós Ragnarsdóttir 3, Sofie Søborg 2, Fríða á Dunga 2, Stina Madsen 2, Birita Wardum 1, Maria Dahl 1, Sólbjørg Høj 1 StÍF: Rebekka Zachariassen 6, Erla Jansdóttir Petersen 5, Karina Berg Høgnesen 3, Jóhanna í Króki 1, Poula Dulavík Berg 1, Sunnfríð Berg Johansen 1, Kyndil – VÍF 18-24 (9-13) Kyndil: Marianna G. Eystberg 5, Bára K. Hansen 4, Súna K. Hansen 3, Anja Eliasen 2, Ásleyg Súnadóttir 2, Sólja B. Poulsen 1, Birita Mortansdóttir 1 VÍF: Liljan Djurhuus 7, Durita C. Jojic 7, Agnas Olsen 6, Daniella Joensen 3, Kathe Frederiksen 1 Kyndil – VÍF 32-24 (16-11) Kyndil: Bartal K. Olsen 8, David Edvardsen 6, Hjalti M. Jacobsen 3, Rógvi Dal Christiansen 3, Tróndur Wardum 3, Jóni G. Viderø 3, Rókur Akralíð 2, Høgni K. Olsen 1, Tummas P. Hanusarson 1, Ólavur av F. Mittún 1, Tórður S. Guttesen 1 VÌF: Jón Müller 7, Andrias Eriksen 4, Sjúrður Olsen 3, Filip Jojic 3, Bjarti Hansen 2, Jóhan í Garðastovu 2, Heini á Heygum 2, Rúni Joensen 1 Hagtøl SMS-deildin Hagtøl Okkaradeildin HONDBÓLTUR STIGATALVURNAR TAKA SKAP