týsdagur 6. november 2018síða 23

23 Sosialurin Hugskot og viðmerkingar – send sms til 225000 Mikudagur 7. november 2018 · Nr. 129 Hugskot og viðmerkingar – send sms til 225000 FÓTBÓLTUR HEGGA SAMUELSEN ALDUR: 45 FYRRVERANDI FELØG: Fram, FS Vágar, MB, 07 Vestur AVBJÓÐINGIN Størsta avbjóðingin hjá uppflytarum er vanliga at yvirliva í deildini, og soleiðis verður eisini hjá ÍF, sum tó hevur eina rúgvu av leikarum við royndum frá bestu deildini. ÍF vann 1. deild sannførandi, men tað kann taka eina løtu aftur at klára at fylgja við høgu leikferðini í Betrideildini. Eitt, sum talar fyri ÍF, er, at tað eru útlit fyri at fleiri lið koma at stríðast í tyngra endanum næsta ár. Hetta, og drúgvu royndirnar á liðnum, er møguleikin hjá ÍF at yvirliva og aftur stabilisera seg í deildini. SORIN ANGHEL ALDUR: 39 FYRRVERANDI FELØG: EB/ Streymur kvinnur, Víkingur (hjálparvenjari) AVBJÓÐINGIN Óvæntað og við hjálp úr 1. deild eydnaðist tað AB at yvirliva í Betrideildini í evstu løtu, men tað tykist púra greitt, at hópurin má hava styrk, um hann skal standa seg í Betrideildini og sleppa undan botnstríðnum. Tað hevur venjarin, Sorin Anghel, viðgingið alment, og størsta avbjóðing hansara komandi tíðina verður at lokka røttu spælararnar út á Argir og at síðani at skapa eitt lið, sum kann skava væl fleiri stig saman næsta kappingarár. JÁKUP MARTIN JOENSEN ALDUR: 42 FYRRVERANDI FELØG: B36 U18, B36 II AVBJÓÐINGIN Nýklakti Betri-venjarin, Jákup Martin Joensen, skal, saman við nevndini, seta ein hóp saman, ið er førur fyri at kappast fram ímóti fremru helvt í deildini, og hann skal seta sítt fingramerki á liðið. Tveir vongprofilar eru mistir í Hans Paula Samuelsen og Pæturi Petersen, so tað vera møguliga avbjóðingar í tilfeinginum. Lokala styrkin er tó rímilig, so tað eru rímilig líkindi eru fyri at liðið skuldi megnað at hildið seg burtur frá botninum. EINGIN VENJARI AVBJÓÐINGIN Felagsliðið í Suðuroy, TB/FCS/ Royn, hevur verið ein sólskinssøga í føroyskum fótbólti, men tað er kuril á tráðnum, og tað er vandi fyri, at tað endar í skilnaði. Sum skilst, so er ósemja um hvar heimadystirnir skulu spælast, og helst fara næstu dagarnir at avgera, um samstarvið fer at halda fram ella ei. Tað ganga ikki nógvir venjarar leysir í føroyskum fótbólti, so tað er góður møguleiki fyri, at venjaraloysnin, eins og undanfarnu, árini verður útlendsk – annaðhvørt í TB/FCS/ Royn ella TB. EYÐUN KLAKSTEIN ALDUR: 45 FYRRVERANDI FELØG: KÍ, B36 AVBJÓÐINGIN Skála hevur stabiliserað seg í deildini, men tykist flóta í ongamannalandi langt frá bæði toppi og botni. Tað er ilt at ímynda sær, at hetta skal broytast, um liðið ikki fær avgjørdan styrk ella miss. Hóast smáu umstøðurnar klárar liðið seg lutfalsliga væl einamest við egnum tilfeingi. Eyðun Klakstein er á øðrum kappingarári venjari á Skála, har tey kunnu gera eitt langskot eftir at bjóða topp 5 av, men sum eitt realistiskari boð kunnu royna eftir at vinna miðfeltið í deildini.