týsdagur 13. november 2018síða 23

23 Sosialurin Hugskot og viðmerkingar – send sms til 225000 Mikudagur 14. november 2018 · Nr. 132 Hugskot og viðmerkingar – send sms til 225000 verjukendan miðvallara hesa báðar dystirnar. Hallur Hansson, AC Horsens Spælir fast á miðvøllinum hjá AC Horsens og er sjálvskrivaður á landsliðnum. Hann hevur spælt javnt væl seinnu árini. Hann hevur eisini funnið sín leiklut á landsliðnum, har hann er í holt við at blíva til ein leiðari á liðnum. Sølvi Vatnhamar, Víkingur Er við aftur á landsliðnum, eftir at ein skaði gjørdi, at hann ikki var við móti Aserbadjan og Kosovo seinast. Er ein favorittur hjá Lars Olsen, so tað verður spennandi at síggja, hvønn leiklut leirvíkingurin fær, um Lars Olsen heldur fast í trímansverjuni. René Shaki Joensen, Grindavík Hevur spælt alt kappingarárið við Grindavík í Íslandi, men ynskir nú at royna nýggjar leiðir, men tað gongur illa, tí felagið vil ikki lata hann fara. Hevur spælt á verjukenda miðvøllinum, men stóð seg avbera væl á framrættaða miðvøllinum móti Kosovo. So er spurningurin, hvønn leiklut hann fær, men tað er ikki ein spurningur um hann spælir – tí tað ger hann. Brandur H. Olsen, FH Hevur fingið næstan eitt heilt kappingarár í beinini, eftir ein drúgvan skaða í knæ­num. Hevur fyri tað mesta verið 10 arin á framrættaða mið­ vølli­num, men spældi ein eitt sindur broyttan 10 ara móti Kosovo. Spælir heilt víst nógv­ ar minuttir, men helst ikki allar. Kaj Leo í Bartalsstovu, Válur Tók ikki ordiliga av møgu­leika­ num, tá hann fekk hann móti Aserbadjan. Hann er í spæli til hesar dystirnar, men tíðin rennur undan honum, tí nú eru nýggir menn við, sum Lars Olsen helst eisini vil sleppa at síggja. Í løtuni sær út til, at hann fær tvey innhopp, men nógv kann broytast til dystarbyrjan. Jóannes Bjartalíð, KÍ Er aftur á landsliðnum, eftir ein tíð á U21-landsliðnum. Er helst í spæl til 10 ara leiklutirnar í 5-4- 1 spælskipanini. Helst verður talan um eitt innhopp ella tvey. Álop: Árni Frederiksberg, B36 Eftir aftur á landsliðnum, eftir at hann hevur frávalt lands­lið­ið í eina tíð. Hevur havt eitt fram­úr kappingarár í NSÍ, so nú er spurningurin, hvussu nógv Lars Olsen við síggja av nýggja B36’aranum á landsliðnum. Meinhard E. Olsen, B36 Er komin við upp á avboð fyri Jóan Símun Edmundsson, men tað er ikki óhugsandi, at hann fær nakrar minuttir, tí hann kann røkja fleiri leiklutir. Er á veg til norskan fótbólt. Klæmint A. Olsen, NSÍ Er nú fyrstaval í álopinum og fær endiliga møguleikan aftur at vísa seg. Hann gjørdi eitt gott innhopp móti Kosovo og byrjar heilt víst í Aserbadjan. Jákup L. Thomsen, FH Er við á fyrsta sinni, men við avboðnum hjá Jóan Símuni, so er hann brádliga í spæl til báðar dystirnar. Hevur spælt nakar fínar U21-landsdystir, men manglar enn nakað fyri at spæla á A-landsliðnu, men tað kann mennast við at fáa nakrar minuttir. FÓTBÓLTUR FÓTBÓLTUR