týsdagur 20. november 2018síða 47

47 Sosialurin Hugskot og viðmerkingar – send sms til 225000 Mikudagur 21. november 2018 · Nr. 135 Hugskot og viðmerkingar – send sms til 225000 Tróndur Arge - Malta Í samband við Nations League landsdystin millum Malta og Føroyar, so hava fjepp­ara­ feløgini hjá Malta og Før­oyum skipað fyri einum fjepp­ara­ landsdysti millum fjepparar hjá Malta og Føroyum. Hjálp til Kane Á Malta hevur Fót­bólts­sam­ band­ið og maltesisk fót­bólts­ feløg arbeitt við at hjálpa Kane. Í samband við fjepp­ ara­lands­dystin bleiv pen­ing­ ur savnaður inn til seks ára gamla Kane, ið hevur fingið staðfest krabbamein. Familj­an hevur ikki ráð til viðgerð, og maltesiska fót­bólt­s­samfelagið ger tí fleiri átøk fyrk at hjálpa teimum. -Pengarnir, sum koma inn frá dystinum fara til seks ára gamla Kane. Ungi mal­tes­in hevur fingið staðfest krabba­ mein, men foreldrini hava ikki ráð til viðgerð. Mal­tes­isk fótbóltsfeløg hava í eina tíð savnað inn pengar til Kane. Sam­an við maltesisku fjeppar­ un­um vilja vit gera okkara íkast, sigur Andrass Thomsen, landsliðssamskipari hjá Fót­ bóltssambandinum. 15 túsund krónur Til dystin á Malta eydnaðist, at savna yvir 15 túsund krón­ ur inn. Føroyski lands­liðs­mál­ verjin, Teitur M. Gestsson, læt eisini einar handskar til Kane, skrivar stuðlafelagið, Skansin, á Facebook. -Vit í Skansanum eru sera takksom fyri, at nógvir føroyingar stuðlaðu tiltakinum og føroyska liðnum. Skansin læt eisini eina donatión til Kane, verður sagt úr Skansa­ num. Frankie Jensen, sum er høvðusungdómsvenjari hjá FC Hoyvík, varð spælandivenjari hjá føroysku fjepparunum. Lið­ið taldi eitt nú núverandi og fyrrverandi spælarar hjá KÍ sum Henry Heinesen, Bárður Heine­sen, Heðin Klakstein, Jóhan Waag og Ísak Simonsen, og FC Hoyvík spælararnar Leiv­ur H. Joensen og Niklas Fríða Jacobsen. Dysturin endaði við einum 2-2 javnleiki og føroysku málini skoraði Niklas Fríði Jacobsen og Henry Heinesen. Føroyski spælararnir og fjepparnir valdu for­mannin í EB/Streymi, Brian Hansen, sum dagsins spælara. Hann stóð í mál á føroyska liðnum. Yvir 200 áskoðarar á Malta Dysturin bleiv spældur mána­ kvøldið klokkan 20. Nógvir før­ oyskir áskoðarar vóru møttir til fjepparadystin. Tað verða yvir 200 før­ oyskir áskoðarar á Ta’Qali leik­ vøllinum, tá Føroyar spæla móti Malta í seinasta dysti­ num í Nations League í hesum umfarinum. Tað er for­mans­ túrur og tað merkist eisini á talinum av føroyingum á Malta. - Vit hava umbiðið 203 at­ gongu­merki til føroyskar áskoðar­ar til dystin móti Malta. Tey flestu av teimum eru knýtt at føroyskum fótbóltsfeløgum, nú formanstúrur er. Eisini eru eini 50 fólk, sum bara hava um­ biðið atgongumerki, men ikki hava ferðast við okkum, sigur Andrass Thomsen, lands­liðs­ samskipari hjá Fótbólts­sam­ bandinum. Eina ferð um árið er ein so­ kallaður formanstúrur, har formenn og forkvinnur í før­ oysku feløgunum eru við á lands­liðsferð, har tey hava eitt nú formansfund. Tað er ikki óvanligt, at fólk tætt at feløg­unum eisini gera sær ein túr við. Her er mangan talan um nevndarfólk, hjálparfólk, venjar­ar, makar og familja. Landsdysturin móti Malta verður spældur eftir prent­ start. Ferðalagið kemur aftur til Føroyar í dag. FÓTBÓLTUR Føroyskir og maltesiskir fjepparar spældu mánadagin ein fjepparalandsdyst til vælgerandi endamál. 6 ára gamli Kane og foreldrini fingu yvir 15 túsund krónur til krabbameinsviðgerð FØROYSKIR ÁSKOÐARAR SAVNAÐU YVIR 15 TÚSUND KRÓNUR TIL KANE Á myndini sæst Kane saman við foreldrunum og føroyska liðnum. Føroyska liðið er frá vinstru standandi: Bjarni S. Heiniesen, Kaj Dam, Henry Heinesen, Ísak Simonsen, Sámuel Gregersen, Fannhard Skoradal, Leivur H. Joensen, Bogi Heiðriksson, Sigurð J. Simonsen, Brian Hansen, Ronni á Krákusteini, Arni Klein Abrahamsen, Per Heinason. Sitandi frá vinstru: Heðin Klakstein, Bárður Heinesen, Ari av Rana, Jóhan Waag Høgnesen, Tróndur Isholm, Kane og foreldrini, Niklas Fríði Jacobsen, Kenneth Hovgaard og Frankie Jensen Fjepparadystur á Malta: