týsdagur 27. november 2018síða 12

Mikudagur 28. november 2018 · Nr. 138 12 Sosialurin Hugskot og viðmerkingar – send sms til 225000 TÍÐINDI RENDU SEG Í TORVU Á 50.000- 100.000 TONS Tá Høgaberg kom á fiskileið á Nólsoyarbanka sunnukvøldið, rendu teir seg í eina velduga stóra makreltorvu Vilmund Jacobsen Sum greitt er frá aðrastaðni í blaðnum í dag, er tað óvanliga hent, at stórar makreltorvur í løtuni eru í føroyskum sjógvi, og tað er serliga á Nólsoyar­ banka, at stórar makreltorvur eru staðfestar á ekkoloddinum. Rendu seg í torvu Tá Høgaberg, sum hevur fiskað á leiðini í eina tíð, kom út á nýggjan túr sunnukvøldið, rendu teir seg í velduga stóru torvuna, sum sæst á viðheftu mynd. - Eg veit, at tað er ikki lætt hjá ókunnugum at síggja á myndini, men hetta er ein makreltorva, sum er ein fjórðing í tvørmát, og hon er eftir øllum at døma millum 50 og 100 metrar djúp. Eg meti eina slíka torvu at vera millum 50.000 og 100.000 tons, sigur skip­arin á Høgabergi, Høgni Hansen, við Sosialin. Hann vísir á, at makrelurin, teir hava fingið á leiðini, er góð­ur. Góðskan er fyrstafloks og makrelurin, sum verður fisk­aður við nót, verður seldur til Japans. Triði túrur við nót Sosialurin kann leggja aftrat, at Høgaberg kom á Fuglafjørð tíðliga týsmorgunin við 1000 tonsum av makreli, sum teir hava fiskað við nót, og fiskurin verður landaður til Pelagos í Fuglafirði. - Hetta er triði túrur við nót í november, skrivar ein av manningini, Rúni í Hjøllum, á sínari Facebook-síðu í gjár. - Her sæst munurin, tá fiskað verður við troli og nót. Fiskurin, sum er fiskaður við nót, liggur á ljósa undirlagnum og fiskurin, veiddur við troli, liggur á tí grøna - Eg meti eina slíka torvu at vera millum 50.000 og 100.000 tons, sigur skiparin á Høgabergi, Høgni Hansen