hósdagur 29. november 2018síða 44

VINNUBLAÐIÐ HJÁ MIÐLAHÚSINUM 16 november 2018 30 Vilmund Jacobsen Hilmar Johannesen, sum man vera ein av okkara royndastu, tá ræður um veiði eftir brislingi, vaks upp saman við systkjum sínum í hesum umhvørvi í Søldarfiðri. Longu í 1966 byrjaði pápi hansara, Jóan Jakku Johannesen, sáli, at veiða sild við nót, og tá var hetta við einum seksæringi, sum beiggi hansara og ein vinmaður áttu. Nøkur fá ár í 1970-unum snerpaðu teir ikki, men tá hevði Jóan Jakku Johannesen eitt 10-mannafar, sum hann kundi fara á flot við. Í 1978 keypti hann Nordafarbát, sum eisini bar navnið Katrin, og henda bátin høvdu teir í Søldar­firði heilt fram til 2009, tá teir keyptu ein AWI-skrokk við húsi, sum Jóan Jakku og synir hansara riggaðu til nótaveiði. Var virkin til tað seinasta - Pápi doyði í 2015, men hann var virkin heilt til tað seinasta – ja, hann var enntá í bátinum tvær vikur, áðrenn hann doyði, sigur sonurin, Hilmar Johannesen, sum saman við brøðrum sín­um og øðrum í familjuni hevur ført lívsverkið hjá pápanum víðari. Nýggja Katrin er ein sera snøggur bátur, sum burtur av er riggaður til nótaveiði eftir brislingi og sild. - Vit, sum hava rikið hetta virksemi víðari, síðan pápi doyði, eru í fyrsta lagi tríggir brøður, svágur, systirsonur og versynir. Hilmar Johannesen sigur, at Katrin hevur tey loyvi, sum bátar í hesi støddini í bólki 5B hava, men seinnu árini hevur báturin at kalla bara verið brúktur til veiði við nót. - Vit hava eisini hummaraloyvi, sum varð brúkt í sínari tíð, men hetta loyvi hevur ikki verið brúkt seinnu árini. Hann sigur, at onkur túrur er gjørdur við snellu, síðan nýggi báturin kom, men lína hevur ikki verið brúkt í bátinum. Vetur og vertíð Tað er veturin, sum er vertíðin til brisling. Van­ liga byrjar veiðan nakað út í november, og síðan verður brislingur veiddur til út í februar. - Vit gjørdu nakrar góðar dagar herfyri, men í seinastuni hevur einki verið at fingið. Síðan vit fingu henda bátin, hava vit roynt meira víða, enn vit gjørdu við Nordafar-bátinum, og her­fyri fingu vit væl av brislingi í Haraldsundi og Hvanna­sundi og eitt lítið sindur inni á Funn­ings­firði. Hilmar Johannesen sigur, at minni hevur verið at fingið á Skálafjørðinum seinnu árini, men ytri á Skálafjørðinum, á Tangafirði og í Sunda­lagnum hevur stundum borið til. - Fara vit langt aftur í tíðina, var tað serliga Skálafjørðurin, sum var álitið, men soleiðis er tað ikki longur, leggur hann aftrat. Brislingur og sild Hann sigur, at um veturin, tá brislingur plagar at vera at fáa, hendir seg eisini, at teir kunnu gera okkurt gott sildakast. - Eg minnist tveir dagar – við fáum døgum ímillum – út fyri Toftabygd. Annan dagin fingu Teir veiða brisling og sild um vetrarnar - VIT GJØRDU NAKRAR GÓÐAR DAGAR HERFYRI, MEN Í SEINASTUNI HEVUR EINKI VERIÐ AT FINGIÐ. SÍÐAN VIT FINGU HENDA BÁTIN, HAVA VIT ROYNT MEIRA VÍÐA, ENN VIT GJØRDU VIÐ NORDAFAR-BÁTINUM, OG HERFYRI FINGU VIT VÆL AV BRISLINGI Í HARALDSUNDI OG HVANNASUNDI OG EITT LÍTIÐ SINDUR INNI Á FUNNINGSFIRÐI, SIGUR HILMAR JOHANNESEN Her liggur Katrin inni í bátahylinum á Toftum við nógvum fiski