hósdagur 29. november 2018síða 45

VINNUBLAÐIÐ HJÁ MIÐLAHÚSINUM 17 november 2018 30 vit meira enn fullan bát við sild, og hin dagin fullan bát við brislingi. Onnur, sum minnast júst hesar dagarnar, sóu Katrin liggja fullfermda inni í bátahylinum á Toftum – við nógvum fiski aftrat í nótini, sum teir sleipaðu eftir sær. Katrin tekur umleið 18 tons av fiski, og tá er báturin at kalla fullfermdur. Ikki fulltíðarvinna Hilmar Johannesen sigur, at royndin eftir brislingi og sild við Katrin ikki gevur nøkrum fulltíðarvinnu. - Flestu av okkum, sum plaga at vera við bátinum, hava annað arbeiði, men við tað, at vit eru einir sjey í tali, sum kunnu verða við, ber sum oftast til at manna bátin, tá farast skal avstað. Hann vísir á, at árini hava roynst misjøvn. - Tey árini rundan um 2010, tá nógvur makrelur var her um oyggjarnar, fekst ógvuliga lítið av brislingi, og eg eri onga løtu í iva um, at makrelurin gekk eftir brislinginum. Hilmar Johannesen sigur, at tað hevur gingið væl at sloppið av við brislingin, sum í flestu førum er seldur til Havsbrún. - Men, seinnu árini, nú Tavan í Leirvík hevur gjørt royndir við brislingi, hava vit selt brislingin, tá støddin hevur verið hampiliga góð, til Tavuna, har vit eisini hava fingið eitt sindur betri prís, sigur hann. Nýggja Katrin er frá 2009. Teir keyptu ein AWI- skrokk við húsi, sum Jóan Jakku og synir hansara riggaðu til nótaveiði